Hăbări ditu bana românească şin internaţională

Newsroom, 27.08.2021, 00:30

Autoritățli români s’ndregu tră ună nauă dalgă di pandemie Covid-19, cari s’ampuliseaşti cu nai cama crehţălli cilimeañilli. Șeflu a Departamentului tră Catandisi di Ananghi, Raed Arafat, declară că s’așteaptă ca numirlu a persoaniloru infectate s’crească tru perioada yinitoari, ama, andicra di dăldzăli di ma ninti, ari tora ndauă miliuñi di persoani vaccinati. Tru 24 săhăţ ditu soni, fură nregistrate cama di 950 di năi infecții, pi thimellilu a aţiloru cama di 35 di ñilli di testi adrati și 17 di morţă di itia a Covid. Ari 228 di paciență infectaț tru tearapie intensivă. Adză, preaidentulu Klaus Johannes feaţi apel la părință și profesori s’facă vaccinlu. Tu bitisita ali andamusi cu miniștrilli a sănătatillei și educațiillei, șeflu a statlui declară că easti multu importantu că proceslu școlar să s’disvărtească prota ş’prota tru un format fizic, adăvgânda că pridarea online nu poati s’alăxească temporar dicât turlia clasică di educație. El spusi că România easti tru a patra dalgă a pandemiillei și cundille că efectili a aliştei dalgă ţănu di rata di vaccinari.

Educația timpurie și prevenirea abandonlui școlar lipseaşti s’hibă priorită a programlui România educată, spuni ministurlu Sorin Cămpeanu, cari lo parti gioi la prima andamusi a Comitetlui interministerial tră implementarea a proiectiloru. Proiectul România Educată” ș-pripune s’ñicureadză disparitățli andicra di media europeană tru yinitorlli 10 añi. Ministurlu exighisi că, tra s’agiungă pi aestu scupo a proiectului, 4,7 la sută ditu PIB easti ahărdzitu ti educație, a deapoa păradzlli ditu Programlu Național di Recuperare și Reziliență (PNRR), păradzlli ditu Fondul Social European și finanțarea di la bugetlu di stat suntu loaţ tru isapi. Premierlu Florin Căţu, cari prezidă andamasea, sumlinie că aestu easti nai cama mari proiect di reformă a educațiillei, cari reprezintă viziunea și strateghia a văsiliillei tru zonă tru perspectiva a anlui 2030, ndrupătă di programlu a guvernului tră 2020-2024. El adăvgă că proiectul România Educată” easti inclusu ca ună borgi tru Strategia Națională di Apărare tră perioada 2020-2024.

Viniri, la Chișinău, prezidentulu ali Românie, Klaus Johannes, va llia parti la serbărli cari marcheadză 30 di ani di la independința a Ripublicăllei Moldova viţină, ună fostă republică sovietică cu ună populație majoritară di limbă română. La festivităț va llia parti prezidentulu ali Moldovă, Maia Sandu, și oaspiţlli a llei – Volodymyr Zelenski și Andrej Duda, prezidenţălli ali Ucraină și Polonie. Cu aestă furñie, va s’aibă andamusi bilatearali, cum și ună andamusi a căpiiloru ditu ateali patru stati. Prezidentulu ali Polonie easti agiumtu Chișinău, iu năpoi şi spusi agiutorlu tră nădiili europeani ali Moldovă și agenda di reformă a Maiillei Sandu. Thimilliusită tru ună parti a teritoriilor românești di estu, pi cari Uniunea Sovietică li arăki tru 1940, di itia a unlui ultimatum, Ripublica Moldova agiumsi independentă dupu goada neo-bolșevică eșuată di Moscova, contra a reformatorlui Mihail Gorbaciov. Adoptată la 27 di agustu 1991, tru Parlamentul di Chișinău, la cari loară parti suti di ñilli di oamiñi, Declarația di Independință fu pricunuscută București tru idyea dzuuă. Ripublica Moldova apruke pricunuștearea internațională a statalitillei a llei tru 2 marţu 1992, tru idyiulu chiro cu aderarea a llei la Națiunili Uniti.

Festivalul Internațional di Teatru di Sibiu (centru) s’duţi ma largu, gioi cu premieara mondială a Shakespeare-Bach / The Hand of Time (Le Main du Temps)”, cu Charlotte Rampling și Sonia Wiedir-Atherton, unu ditu nai cama aștiptati evenimenti a edițiiloru di estanu a Festivalui. Tutu adză s’feaţiră promoții di carte și Bursa di Valori, ună structură asociată a Festivalui, ţi s’duţi ninti. Festivalul Internațional di Teatru di Sibiu s’dizvărteaşti anlu aestu emu tu ​​format fizic, emu online.

.

Nai cama pţănu dauă explozii s’feaţiră gioi ningă Aeroportul Internațional Kabul și, uidisitu cu ma multi izvuri, ari morţă și pliguiţ. Ma ninti, Statele Unite, Marea Britanie și Australia spusiră a cetăţeañiloru a loru s’fugă ditu zona aeroportului internațional Kabul. Ari informații multu di pistipseari”, ţi spunu că aribelli planifică ună atacă ună ş-ună contra a persoanelor cari s’adună la aeroport tru s’fugă ditu Afganistanu, declară gioi ministrul britanic ali armată, James Happy. El a spus că easti posibil ca membrilli a organizației jihadiste Stat Islamic să s’vatămă elli işişi. Biroulu di externe britanic ș-căndăsi cetățeañilli s’nu s’ducă la Aeroportulu Internațional Kabul, iu ñilli di oamiñi așteaptă ca avioanele s’fugă ditu Afganistanu ninti di 31 di agust, când expiră vadelu până la cari SUA și aliațlli va s’tragă skerili ditu văsilie. București, Consiliul Suprem di Apărare (CSAT) apufusi ñiercurii că 200 di askirladz români va llia parti, kiro di maximum 6 meşi, la opearațiunea NATO di evacuare și rialocari a cetățeañilor afgani cari lucrară tră misiunile Alianțăllei tru Afganistan

Autoru: Udălu a hăbărloru

Armânipsearea: Taşcu Lala