Hăbări ditu bana românească şi internaţională
CORONAVIRUS — Pțăn pisti 6 nilli di cazuri năi di Covid-19 fură raportate tru 24 săhăţ ditu soni tru România și 26 di decese asociate. Aproximativ 400 di pacienț suntu la terapie intensivă. Prusupidili di față suntu diznău obligatorii emu nuntru, emu nafoară, ahurhinda di adză. Tut ahurhinda di adză, catandisea di alertă fu prilundzită cu nica 30 di dzăli, iara ufilisirea a prusupidilor ditu material textil și laştic numata easte permisă di itia că au ună eficienţă scădzută. Suntu permise maş prusupidili chirurgicale și FFP2. Easte ananghi ti carantină di 5 dzăli tră persoanili vaccinate i persoanili cari avură lăngoarea tru aesti 180 di dzăli ditu soni, cum și ună perioadă di carantină di 10 dzăli tră tute alanti persoane. Idyili reguli s’bagă tu lucru ti contactili directe a persoanilor cari fură testate pozitiv la virus. Persoanili nivaccinate cari nu avură lăngoarea tru șasilli meşi ditu soni va s’hibă băgati tu carantină tkiro di 10 dzăli ma s’hibă viniţ ditustatili UE ditu zona aroșe și ditu zone non-europene. Persoanili vaccinate di nafoara UE cari prezintă un test PCR negativ faptu cu 72 di săhăţ ninti nu va s’lipsească s’intră tu carantină.
Newsroom, 08.01.2022, 19:31
CORONAVIRUS — Pțăn pisti 6 nilli di cazuri năi di Covid-19 fură raportate tru 24 săhăţ ditu soni tru România și 26 di decese asociate. Aproximativ 400 di pacienț suntu la terapie intensivă. Prusupidili di față suntu diznău obligatorii emu nuntru, emu nafoară, ahurhinda di adză. Tut ahurhinda di adză, catandisea di alertă fu prilundzită cu nica 30 di dzăli, iara ufilisirea a prusupidilor ditu material textil și laştic numata easte permisă di itia că au ună eficienţă scădzută. Suntu permise maş prusupidili chirurgicale și FFP2. Easte ananghi ti carantină di 5 dzăli tră persoanili vaccinate i persoanili cari avură lăngoarea tru aesti 180 di dzăli ditu soni, cum și ună perioadă di carantină di 10 dzăli tră tute alanti persoane. Idyili reguli s’bagă tu lucru ti contactili directe a persoanilor cari fură testate pozitiv la virus. Persoanili nivaccinate cari nu avură lăngoarea tru șasilli meşi ditu soni va s’hibă băgati tu carantină tkiro di 10 dzăli ma s’hibă viniţ ditustatili UE ditu zona aroșe și ditu zone non-europene. Persoanili vaccinate di nafoara UE cari prezintă un test PCR negativ faptu cu 72 di săhăţ ninti nu va s’lipsească s’intră tu carantină.
NATO — Cathi văsilie, indiferentu dimensiunea i geografie, ari ndreptul fundamental ta s’apufusească ti imnaticlu a llei și a alianților la cari va ta s’intră, declară viniri seară, secretarul general adjunct al NATO, românllu Mircea Geoană, după ună andamasi virtuală extraorditnară a Nordului Consiliul Atlanticlui (NAC). Andamasea, disvărtită la nivelu a miniștrilor Afacerlor Externe, avu tu prota thesi anvărtuşearea militară a Rusiillei tru și anvărliga ali Ucraină și pe probleme ma ample di securitate europeană. Miniștrilli cundilleară că iţi altă fuvirseari contra ali Ucraină va s’aibă consecințe semnificative și căftară ali Rusie s’tragă mănă di la retorica agresivă contra a viţiñiloru a llei, să-și ritragă askerili ditu Ucraina și s’aleagă calea a dialogului și a iriñillei. Andamasea a miniștrilor di externe a NATO s’ţăni nintea a unlui şingiru di di angajamente diplomatiţi di stămâna yinitoare cu Rusia, inclusiv ună andamasi a Consiliului NATO-Rusia tru 12 di yinaru.
KAZAHISTAN – Autoritățli ditu Kazahstan lu ncllisiră pe Karim Massimov, fostul șef a comitetlui di securitate națională, cu şubeia ti purdari, dimăndă sâmbătă comitetlu di securitate, relateadză Reuters. Massimov, ari fu concediat stămâna acesta tru kirolu anda protestele feaţiră mari vazi tru tuti văsilia ditu Asia Centrală, fu ncllisu deadunu cu alţă ndoi oficiali. Nai ma marea văsilie ditu Asia Centrală fu trunduită di protestele cari nkisiră dumănică tru vestul a teritoriului, di itia că păhălu criscu la gazlu lichefiat, și s-teasi tru capitala economică Almaty, iu demonstrațiile s-alăxiră tru ună revoltă contra a Puterillei, iara protestatarllii loară cu asalt clădirile oficiale. Șeflu a statului, Kassym-Jomart Tokayev autoridză viniri forțele di securitate s’amină tufeki tu protestatari și, ndrupătu di Rusia, exclusi iţi negocieri cu aești. Un contingent militar ditu Rusia și alti țări aliate a Moscovei fu pitricutu gioi tru Kazahstan tră s’ndrupască guvernul și forțele di securitate. Autoritățile dimăndară că pisti 4.000 di persoani fură arestate. Dzăţdi protestatari fură vătămaţ, dimăndă BBC.
Autoru: Udălu a hăbărlor
Armânipsearia: Taşcu Lala
