Hăbări ditu bana românească şi internaţională

COVID-19 ROMÂNIA – Al 5-a dalgă a pandimiillei poati s’agudiască România di meslu ţi yini, diclară ministrul a Sănătatillei, Alexandru Rafila. Di itia lumakea Omicron easti multu ma contagioasă andicra di Dilta, România lipseaşti să-și crească capacitatea di testare, inclusiv tru cabinetili a yeaturlui di familie, ama şi fătearea ma bună capacitatea di apandisi a spitalelor, a adăgă ministrul român. Alexandru Rafila spuni că năiyitrii ufilisiti medicamente utilizate tră yitripsearea COVID-19 sunt aștiptati s’agiungă tru România tru şcurtu kiro. Oficialu român feaţi apel ti revitalizarea a campaniillei di vaccinari, cari toradioară agiumsi tu hauă. Tu arada allei, șefa Centrului Național di Monitorizare și Control al Bolilor Transmisibile, Adriana Pistol, spusi că România ar poati s’aibă 25.000 di infecții ndzuuă și cama di 1.500 di paciență tru yitripseari la terapie intensivă tru naima greu scenariu ditu dalga 5. Tru aestu kiro, România raportă gioii, alte 1.497 di noi infecții cu COVID-19 și aproximativ 37 di decese asociate, ditu cari unu anterior perioadăllei di referință. Di la ahurhita a pandemiillei, tru România fură raportate aproximativ 1,8 milioane di cazuri di infecție cu COVID-19, iara 60.000 di persoane muriră di itia a viruslui. România ari a daua nai ma scădzută rată di vaccinare dit Europa, după Bulgaria. Sum 7,9 milioane di români bitisiră schema di vaccinare, reprezentânda puțăn pisti 40% dit populația eligibilă. Ditu aești, aproximativ 2 milioane di oameni feaţiră și vaccinul di rapel.

Newsroom, 30.12.2021, 19:07

COVID-19 ROMÂNIA – Al 5-a dalgă a pandimiillei poati s’agudiască România di meslu ţi yini, diclară ministrul a Sănătatillei, Alexandru Rafila. Di itia lumakea Omicron easti multu ma contagioasă andicra di Dilta, România lipseaşti să-și crească capacitatea di testare, inclusiv tru cabinetili a yeaturlui di familie, ama şi fătearea ma bună capacitatea di apandisi a spitalelor, a adăgă ministrul român. Alexandru Rafila spuni că năiyitrii ufilisiti medicamente utilizate tră yitripsearea COVID-19 sunt aștiptati s’agiungă tru România tru şcurtu kiro. Oficialu român feaţi apel ti revitalizarea a campaniillei di vaccinari, cari toradioară agiumsi tu hauă. Tu arada allei, șefa Centrului Național di Monitorizare și Control al Bolilor Transmisibile, Adriana Pistol, spusi că România ar poati s’aibă 25.000 di infecții ndzuuă și cama di 1.500 di paciență tru yitripseari la terapie intensivă tru naima greu scenariu ditu dalga 5. Tru aestu kiro, România raportă gioii, alte 1.497 di noi infecții cu COVID-19 și aproximativ 37 di decese asociate, ditu cari unu anterior perioadăllei di referință. Di la ahurhita a pandemiillei, tru România fură raportate aproximativ 1,8 milioane di cazuri di infecție cu COVID-19, iara 60.000 di persoane muriră di itia a viruslui. România ari a daua nai ma scădzută rată di vaccinare dit Europa, după Bulgaria. Sum 7,9 milioane di români bitisiră schema di vaccinare, reprezentânda puțăn pisti 40% dit populația eligibilă. Ditu aești, aproximativ 2 milioane di oameni feaţiră și vaccinul di rapel.

COVID-19 WORLD – Tru Europa, virusul COVID-19 ma largu aduţi dificultăț. Oficialii OMS fac timbihi că va s’yină un tsunami di cazuri di itia a lumakillei Omicron și Delta cari nica s’arăspândescu. Nai marli numiru di infecții ndzuuă fu raportat tru Franța, pisti 200.000, un record absolut di la ahurhita-a pandemiillei. Paris, di viniri, prusupidili di față va s’hibă obligatorii nafoară. Ună altă misură easti ñîcurarea a decalajlui anamisa di a daua doză și vaccinlu di rapel la 3 meşi și introduţearea a certificatlui di vaccinare, cari va s’alăxească certificatlu veardi ahurhinda cu giumitatea-a meslui yinaru. Vaccinarea completă va s’hibă, neise, anănghisită tră intrarea tu majoritatea a locurilor publiţi ditu aestă văsilie. Regatul Unit, Italia, Danemarca și Portugalia raportară, tutunăoara un numir record di infecții. Tru Belgia, autoritățle anulara decizia ta s’ncllida teatre, cinematografe și săli di spectacol, ună misură băgată ta s’curmă arăspândearea a lumakillei Omicron și contestată di un producător di teatru.

GUVERNUL — Ună nauă ședință di guvern easti programată adză la București. Premierul Nicolae Ciucă spune că tu arada di lucru suntu misurle ananghisiti tră bitisearea a paturlui trimestru a Planlui Național di Recupearare și Reziliență. Tru aestă toamnă, Comisia Europeană aprobă planlu ali României, păltinda 29 di miliardi di euro sum turlie di sumvenții și împrumuturi tră investiții și reforme tru văsilia a noastră. România ari loată 1,8 miliardi di euro tru etapa di prefinanţare, aţea ti reprezintă 13% ditu bugetlu total a planului.

Autoru: Udălu a hăbărlor

Armânipsearia: Taşcu Lala