Hăbări ditu bana românească şi internaţională

COVID Ro — Ministurlu român a Sănătatillei, Alexandru Rafila, dimăndă ñiercuri că durata a carantinăllei și a izolarillei tră persoanele cari tragu di Covid-19 va s’hibă ñicurată di la 14 la 10 dzăli, idyea cumu tu majoritatea a văsiliiloru Uniunillei Europene. Tu arada a lui, Adriana Pistol, șefa a Centrului Național di Monitorizari și Control a Lăngorloru Transmisibile, căndăsi oamiñilli ta s’vaccineadză tru contextul a unăllei yinitoari dalgă ui viitor dalgă di pandemie ţi u aduţi lumakea Omicron. 1.271 di năi cazuri di infecții cu SARS-CoV-2 fură raportate tru 24 săhăţ ditu soni tru România, ditu cama di 42 di ñilli di teasti, și 35 di decese, ditu cari dauă eara ditu dzuua precedentă, dimăndă ñiercuri Gruplu di Comunicari Strategică. Di la nkisita-a pandemiillei tru România, fură nregistrate cama di 1,8 miliuñi di cazuri di COVID-19, iara aproapea 60.000 di persoani diagnosticati cu năulu coronavirus muriră. Văsilia Țara ari a daua nai ma scădzută rată di vaccinari ditu ateali 27 di state membre UE, după Bulgaria. Ma puțăn di 7,9 miliuñi di români fură vaccinaț integral, dimi niheamă pisti 40% ditu populația eligibilă. Aproapea două miliuñi ditu arada aluştoru feaţiră şi doza di rapel.

Newsroom, 29.12.2021, 09:49

COVID Ro — Ministurlu român a Sănătatillei, Alexandru Rafila, dimăndă ñiercuri că durata a carantinăllei și a izolarillei tră persoanele cari tragu di Covid-19 va s’hibă ñicurată di la 14 la 10 dzăli, idyea cumu tu majoritatea a văsiliiloru Uniunillei Europene. Tu arada a lui, Adriana Pistol, șefa a Centrului Național di Monitorizari și Control a Lăngorloru Transmisibile, căndăsi oamiñilli ta s’vaccineadză tru contextul a unăllei yinitoari dalgă ui viitor dalgă di pandemie ţi u aduţi lumakea Omicron. 1.271 di năi cazuri di infecții cu SARS-CoV-2 fură raportate tru 24 săhăţ ditu soni tru România, ditu cama di 42 di ñilli di teasti, și 35 di decese, ditu cari dauă eara ditu dzuua precedentă, dimăndă ñiercuri Gruplu di Comunicari Strategică. Di la nkisita-a pandemiillei tru România, fură nregistrate cama di 1,8 miliuñi di cazuri di COVID-19, iara aproapea 60.000 di persoani diagnosticati cu năulu coronavirus muriră. Văsilia Țara ari a daua nai ma scădzută rată di vaccinari ditu ateali 27 di state membre UE, după Bulgaria. Ma puțăn di 7,9 miliuñi di români fură vaccinaț integral, dimi niheamă pisti 40% ditu populația eligibilă. Aproapea două miliuñi ditu arada aluştoru feaţiră şi doza di rapel.

Buget — Prezidentul a Româniillei, Klaus Iohannis, promulgă Legea bugetului di stat și Legea prucukiillei sociale tră 2022. Bugetul di anlu yinitoru adratu di coaliția di guvernari formată ditu PSD-PNL-UDMR ari la la thimelliu ună rată di creaștire economică di 4,6%, ună rata medie anuala a inflatiillei di 6,5% si ună tiñie di cafi mesu brută di 6.095 lei (dimi aproapea 1.200 Euro) tu mesu. Tutunăoară, plafonlu a borgillei publiţi, fu apufusitu simfunu cu metodologia a Uniunillei Europeani, la 49,8% ditu Produslu Intern Brut, hiinda lugursitu la 260 miliardi di euro. Tră păltearea-a pensiilor ditu sistemlu public sunt ahărdziti fonduri di cama 96,3 miliardi di lei, dimi 7,32% ditu PIB. Documentul fu contestat la Curtea Constituțională di cătră USR di opoziție, ama sesizaria aluştoru nu fu aprukeată di giudicătorlli a Curtillei. Magistrațlli exighisiră tru motivarea a lor, emisă, tru premieră, tru idyea dzuuă cu apofasea a lor, că niţi ună ditu problemele atacate nu reprezintă ună călcari a Constituțiillei. USR stipseaşti că guvernul nu ahărdzi, pritu bugetlu di stat, fondurli anănghisiti tră administrațiile locale cumăndusiti di primarllii aluştui partid. Liderlu a PNL, fostul premier Florin Cîţu, cutugursi şi atea că proiectul di buget pi 2022 nu pruveadi ună alocari di 7% ditu PIB tră investiţii, aşi cum s’akicăsi tru coaliţia di guvernari, că maş 6,7%.

Lumea Covid – Lumakea Omicron a năului coronavirus s’arăspăndeaşti ntrăoară tru multi văsilii, ama numirlu di pacienț spitalizaț armâni scădzut tră momentu. Marea Britanie nregistră marță aproapea 130.000 di cazuri noi di COVID-19, cari easti un nău record, și 18 decese ligate di Covid. Un record absolut di la ahurhita-a pandemiillei s-nregistră și tru Portugalia – 17.000 di noi infecții tru 24 săhăţ ditu soni, tru ună văsilie cu nai ma marea rată di vaccinari ditu lume, după Emiratili Arabe Unite. Ditu populația di 10 miliuñi a Portugaliillei, aproapea un cirecu lo doza di rapel, iar restricțiile băgati suntu tut ma serti. Elveția raportă adză 13.000 di cazuri năi, iara 40 di persoane vaccinate cu trei doze suntu spitalizati. Ceareia pripusă di autoritățile elvețiene easti aţea ta s’nu s’facă adunari unu alantu. Și tru Țările di Nghiosu, varianta omicron easti tora dominantă, ama rata di infecție arămâne toradioară pi ună tendință discendentă di itia a unei blocări serti. Italia nregistră un record absolut di cama 78.000 di cazuri noi di COVID-19 maş tru ună dzuuă, nai ma mari di la ahurhita-a pandemiillei. Și tru Turchie, numirlu di noi infecții criscu la cama di 30.000, nai ma mari di la giumitatea a meslui sumedru. Autoritățli nturţeşti bagă zori ti vaccinari. Miercuri, Polonia raportă 794 di decese ligate di COVID-19, nai ma mari numir tru ună dzuuă ditu a 4-a dalgă di pandemie.

Autoru: Udălu a hăbărlor

Armânipsearia: Taşcu Lala