Hăbări ditu bana românească şi internaţională

COVID-19. 829 di năi cazuri di Covid-19 fură raportati tru România tru aesti ditu soni 24 di săhăţ deadunu cu 88 di morţă. Sinferlu a oamenilor ta s’facă vaccinlu nica easti scădzut, maş 73 di sute fură vaccinați cu prima doză tru aesti ditu soni 24 di săhăţ. Di la lansarea a vaccinului tru România aoa şi un an, aproapea 7,6 milioane di oameni fură complet vaccinaț. Premierlu Nicolae Ciucă dimăndă că Executivlu va s’vulusească ună ordonanță di urgență mutrinda certificatlu digital ţi easti ananghi ti aţelli cari călătorescu tru România. Simfunu cu aestu nomu ahurhinda cu 20 di andreu, persoanili cari yin tru România lipseaşti s’completeadză un certificat digital Covid, cari fu ufilisit tru alti 18 stati membre UE. Uidisitu cu spusa al Ciucă, naua variantă a SARS-CoV2 caftă năi misuri di protecție, maxusu tru contextul a yinitoarilor sărbători di iarnă.

Newsroom, 15.12.2021, 18:57

COVID-19. 829 di năi cazuri di Covid-19 fură raportati tru România tru aesti ditu soni 24 di săhăţ deadunu cu 88 di morţă. Sinferlu a oamenilor ta s’facă vaccinlu nica easti scădzut, maş 73 di sute fură vaccinați cu prima doză tru aesti ditu soni 24 di săhăţ. Di la lansarea a vaccinului tru România aoa şi un an, aproapea 7,6 milioane di oameni fură complet vaccinaț. Premierlu Nicolae Ciucă dimăndă că Executivlu va s’vulusească ună ordonanță di urgență mutrinda certificatlu digital ţi easti ananghi ti aţelli cari călătorescu tru România. Simfunu cu aestu nomu ahurhinda cu 20 di andreu, persoanili cari yin tru România lipseaşti s’completeadză un certificat digital Covid, cari fu ufilisit tru alti 18 stati membre UE. Uidisitu cu spusa al Ciucă, naua variantă a SARS-CoV2 caftă năi misuri di protecție, maxusu tru contextul a yinitoarilor sărbători di iarnă.

MUABEṬ. Guvernul di București s-andămusi adză tră muabeţ mutrinda unu şingiru di misuri tră hăirea a cilimeañiloru, pensionarilor și persoanelor cu dizabilităț. Ditu arada a aluştoru misuri easti și ună ordonanță di urgență cari pruveadi alocații tră cilimeañi ma mări ahurhinda cu 1 di yinaru. Dimecu, prestațiile tră cilimeañilli anamisa di 2 și 18 di añi va s’hibă anvărliga di 50 di euro, kiro tu cari cilimeañilli di până la doi ani și aţelli cu dizabilităț va s’aibă hăiri di alocații anvărliga di 110 euro. Punctul di pensie va s’crească până la 320 di euro, iara nai ma ñica pensie va s’hibă anvărliga di 200 di euro. Guvernul ari ananghi di ordonanțe adusi aminti ma nsus cu scupolu ta s’ndreagă bugetlu tră anlu yinitor, a curi proiect va s’hibă băgatu tu debatu viniri și s’aibă vulusearea a guvernului luni. Aesta va s’hibă pitricutu ma largu a Legislativlui tră debatu și avizare până tu 23 di andreu.

SUMMIT. Prezidentulu ali României, Klaus Iohannis, llia parti șasilu summit a Parteneriatlui Estic, cari s’dizvărteaşti Bruxelles. Evenimentul nsimneadză participarea a șefilor di stat și di guvern ditu statili membre, cum și a liderilor a aţiloru ţinţi stati partenere ex-sovietice – Republica Moldova, Ucraina, Georgia, Armenia și Azerbaidjan. Evenimentul easti aștiptat s’promoveadză ună diclarație comună ti perspectiva strateghică tră perioada post-2020 a Parteneriatlui Estic. Dizvultarea a economiilor durabile și integrate, digitalizarea și construirea a născăntoru societăți echitabile sunt ndauă ditu obiectivele politiţi pi lungu kiro a Parteneriatlui Estic și sunt ndreapti deadunu cu un plan regional ambițios di investiții economiţi di până la 2,3 miliardi di dolari. S’așteaptă ca Bruxelles s’veadă lucrărli a Consiliului European mâni. Tu arada di lucru easti pandimia di Covid-19, păhadzlli la energie, problemili ligate di migrație și securitatea UE, cu accentu pi situațiile di la sinurli a bloclui cu Ucraina și Belarus.

EVENIMENTE. Adză tu România s’umplu 32 di ani di la hurhita-a cumitiillei anticomuniste ditu 1989 di Timișoara. Anamisa di evenimentele cari va s’hibă băgati tu scena cu aesta ucazi s’arădăpsescu lansarea unui blog cu numa Revolutia la Timisoara dupa cama di 30 di ani cum si un miting si un concert di colindi. Timișoara, vestul a Româniillei, aoa şi 32 di ani, nkisi ună revoluție cari dusi la surparea a regimului comunist ditu aestă văsilie. La 15 di andreu 1989, dzăţ di oameni s-adunară tu misuhorea-a căsăbălui tră s’lu apăra pastorlu reformat Laszlo Tokes di itia că poliția politică a Româniillei, Securitatea vrea s’lu avină. Protestile loară silă tru 16 di andreu, iara regimlu comunist cădzu ndauă dzăli ma amănatu. Ca tru cathi anu, di adză și până tu 20 di andreu, tru tută văsilia va s’dizvărtească unu şingiru di evenimente cum şi slujbe religioase, expoziții, concerte și spectacole tru memoria a aţiloru cari cădzură curbani tră libirtate.

Autoru: Udălu a hăbărlor

Armânipsearea: Taşcu Lala