Hăbări ditu bana românească și internațională

Bucuresti – România înreghistrâ, adză, 716 cazuri di infectare cu năulu coronavirus, isapi tu scădeari andicra di dzuua di ma ninti. Tutunăoară, easti dimăndată isapea ti 60 di oamiňi ți muriră ditu arada aluștoru 15 ma ninti. Tru spitale, tutu cu tutu, numirlu di oamiňi internaț cu COVID-19 scădzu la aproapea 4.000. Ditu arada aluștoru, 722 suntu la Terapie Intensiva. Rata di incidenţă a infectărloru COVID faptă isapi la 14 di dzăli ti Bucureşti scădzu sumu un caz la ňillea di bănători, ași cumu dimăndă Direcţia di Sănătate Publică. Nai ma marea rată di infectare, di pisti 16,5, eara nreghistrată tru capitală tu 22 di sumedru. Di altă parti, pi livelu naţional rata de incidenţă avea scădzută sumu praglu di un caz la ňillea di bănători.

Newsroom, 12.12.2021, 17:31

Bucuresti – România înreghistrâ, adză, 716 cazuri di infectare cu năulu coronavirus, isapi tu scădeari andicra di dzuua di ma ninti. Tutunăoară, easti dimăndată isapea ti 60 di oamiňi ți muriră ditu arada aluștoru 15 ma ninti. Tru spitale, tutu cu tutu, numirlu di oamiňi internaț cu COVID-19 scădzu la aproapea 4.000. Ditu arada aluștoru, 722 suntu la Terapie Intensiva. Rata di incidenţă a infectărloru COVID faptă isapi la 14 di dzăli ti Bucureşti scădzu sumu un caz la ňillea di bănători, ași cumu dimăndă Direcţia di Sănătate Publică. Nai ma marea rată di infectare, di pisti 16,5, eara nreghistrată tru capitală tu 22 di sumedru. Di altă parti, pi livelu naţional rata de incidenţă avea scădzută sumu praglu di un caz la ňillea di bănători.

Tutunăoară, patru sportivi ți s’turnară ditu Africa di Sud fură confirmaţ, adză/ sambata, cu naua variantă a coronaviruslui, ase că România ari tora, tutu cu tutu, 7 cazuri di infectari cu Omicron. Di altă parti, Ungaria, Austria, Germania, Olanda, Franţa, Marea Britanie şi Vărgăria arămân pi lista aroşe a văsiliiloru cu riscu epidemiologhic mari. Comitetlu Naţional ti Catastisi di Ananaghi dimănda naua listă ți spuni că tru zona galbenă suntu tora Spania, Italia, Maldive şi Republica Dominicană.

Bruxelles — Caplu a diplomatiillei romane, Bogdan Aurescu, va s’llia parti, luni, la andamusea a miniştrilor Afacerilor Externe ditu statele membre ale UE, andămusiț tu arada-a Consiliului Afaceri Externe (CAE), care va s’țănă Bruxelles. Elli va s’aibă ună alăxeari di mindueritu ligătură cu unu șingiru di temi di actualitate catacum evoluţiile mutrinda Ucraina, catastisea ditu Belarus, dosarlu cipriot (Varosha) şi Etiopia. Miniştrilli europeaňi di Externe va s’acață tu muabeti catastisea ditu Ucraina ditu videala a evoluţiilor di la sinurlu ditu apirită/ a aluștui cratu/ cu Rusia, cari caftă ună cilăstăseari mari pi livelu european şi euroatlantic.

Uidisitu cu MAE, Bogdan Aurescu năpoi va u spună găilipsearea tru ligătură cu catastisea di securitate anvărliga di Ucraina şi di la Amarea lae şi va scudilleadză ananghea ti andridzearea a unăllei reacţie uidisită di partea a UE, care lipseaști s’armănă adunată stogu și livendă. Muabetea mutrinda Belarus s’tăni tu kirolu anda catandisea internă easti multu slabă nica și tu ligătură cu turlia cumu easti kivernisită migraţia di cătră regimlu di Minsk, tu sinurlu diitu apirita ali UE. Tu arada di lucru ali andamusi suntu şi ligăturli anamisa di UE-Africa, UE-Asia Centrală şi ligăturli cu Venezuela.

Autoru: Udălu a hăbărloru

Armipsearea: Tașcu Lala