Hăbări ditu bana românească şi internaţională

CORONAVIRUS — Numirlu a infecțiilor cu Covid-19 scădzu tru România andicra di stămâna tricută. 1.421 di năi infecții și 107 decese fură raportate marță. Numirlu di persoane internate scădzu, tutunăoară, la aproapea 5.200, dit cari 843 tru TI. Tru ună altă evoluție, Guvernul di București prilundzeaște adză catandisea di alertă ahurhinda cu 9 di andreu și aprobă năile misuri di kiverniseari a pandemiillei tru kirolu a sărbătorlor di iarnă. Marță, Comitetul național tră situații di urgență pripusi, ntră altile, scutearea-a restricțiilor tu kiro di noapti. Tutunăoară, purtarea-a prusupidăllei tru aer liber poate s’agiungă s’nu hibă obligatorie, ma pţănu locărli cu călbălăki, iara teatrili și cinematografele au căbilea s’lucreadză 50% ditu capacitate. Pripunirea di hăbiniseari a restricțiilor yini tru contextul a unei rată di infecție ma ñică di 1,2% la ñille la nivel național.

Newsroom, 07.12.2021, 18:28

CORONAVIRUS — Numirlu a infecțiilor cu Covid-19 scădzu tru România andicra di stămâna tricută. 1.421 di năi infecții și 107 decese fură raportate marță. Numirlu di persoane internate scădzu, tutunăoară, la aproapea 5.200, dit cari 843 tru TI. Tru ună altă evoluție, Guvernul di București prilundzeaște adză catandisea di alertă ahurhinda cu 9 di andreu și aprobă năile misuri di kiverniseari a pandemiillei tru kirolu a sărbătorlor di iarnă. Marță, Comitetul național tră situații di urgență pripusi, ntră altile, scutearea-a restricțiilor tu kiro di noapti. Tutunăoară, purtarea-a prusupidăllei tru aer liber poate s’agiungă s’nu hibă obligatorie, ma pţănu locărli cu călbălăki, iara teatrili și cinematografele au căbilea s’lucreadză 50% ditu capacitate. Pripunirea di hăbiniseari a restricțiilor yini tru contextul a unei rată di infecție ma ñică di 1,2% la ñille la nivel național.

BUGET — Liderlli a coaliției di guvernari di București țănu adză ună nauă andamusi di muabeţ tra proiectulu di buget 2022. PNL, PSD și UDMR au mindueri divergente tu ligătură cu structura a bugetlui tru contextul a născăntoru pensii ma mări, alocații tră cilimeañi și agiutoare suţiale tră persoanele cu dizabilități ahurhinda cu meslu yinaru. PSD și UDMR acaţă tu isapi băgarea a unui impozit di 1% ti companiili cu ţifre di afaceri di pisti 100 di miliuñi di euro tru an, kiro tu cari liberalii s’ncuntreadză aluştoru misuri.

SCRIMĂ – Scrimera română Ana-Maria Popescu, vicecampioană olimpică la Tokyo, deadi hăbari că s’tradzi ditu sport după ună carieră di 20 añi. Tru ilikia di 37 di ani, atea ditu soni participare al Popescu la ună competiție sportivă fu anlu aestu la Cupa Mondială di Dubai, iu amintă asimea. Palmareslu a sportivlui includi, ntră altili, 3 medalii olimpiţi, 6 mondiale și 11 europene, cu 9 medalii di malămă tutu cu tutu. Ana Maria Popescu fu aleaptă nai ma bună spadasină ditu lume tru sezoanili 2007-2008, 2008-2009, 2012-2013, 2019-2020, 2020-2021.

UCRAINA – Prezidentulu american Joe Bidin feaţi timbihi a omologlui a lui rus, Vladimir Putin, pritu ună apandisi vărtoasă tru cazlu a unei nauă invazii ali Ucraină. Aţelli doi lideri feaţiră muabeti marță ti problema di sinferu pritu unu apel video. Uidisitu cu spusa a pitricutlui a nostru Radio România la Washington DC, ninti și după andamasea virtuală americano-rusă, Biden avu muabeti cu proţlli lideri europeni tră ună apandisi coordonată tră Moscova. Lucri ţi nu li feaţimu tru 2014 himu ndrepţă s’li fătemu tora”, lli-aspusi prezidentulu Biden al Putin, anda adusi zborlu ti ună nauă potențială aputruseari arusă ali Ucraină, după aţea ditu 2014 cându Rusia arăki paranomu Crimeea.

Autoru: Udălu a hăbărlor

Armânipsearea: Taşcu Lala