Hãbãri ditu bana româneascã şi internaţionalã

ATACA – Dauă explozii fapti di aţea ţi autoritățli li spusirã cã suntu atacuri teroriste” vãtãmarã cama di 100 di persoane și pliguirã aproximativ 170 tru Iran. Victimele eara dusi la unã ţeremonie ti aduţeari aminti gheneralu Qassem Soleimani, fostul șef al Forța Quds di elită a Gardãllei Revoluționare, vãtãmatu di unã dronă americană tru 2020, spusirã ñiercuri oficiali iranieni citați di Reuters. Traghedia s’feaţi tu cãsãbãlu Kerman ditu notu-data a vãsiliillei. Tru imaghinile difuzate di presa iraniană s’videa dzãţ di cufumi, tu kirolu cãndu oamiñi ţi triţea pi geadei cilãstãsea s’lli-agiutã aţelli ţi eara tu banã, ama alţãlli s’ayuñîusirã s’fugã ditu aţeali locãri.

REZERZE — Rezervili valutare a Băncãllii Centralã a Româniillei eara aproapea di 60 di miliardi di euro tu bitisita-a anlui ţi tricu, tru creastire andicra di 2022, cându eara la 46 di miliardi di euro. Uidisitu cu datili Băncii Centrale, nivelul rezervei di malãmã armasi la 103,6 tone, valoarea aliştei nãstricãnda 6 miliardi di euro. Plățile scaditute, tru această lună, aferente datoriei publice tru valută garantată di Ministerul Finanțelor, s-au situat tru jur di 900 di milioane di euro.

DRONE – Autoritățli române loarã meatri ta s’nu s’facã inţidentili cata cum eara aţeali di anlu ţi tricu, când dronele ufilisiti tu polimlu ditu Ucraina cãdzurã pi teritoriul a României icã pitrumsirã tu spaţlu aerianu românescu, spusi ministrul apărarillei, Angel Tîlvăr, tru un interviu TV. El zburã ti organizarea apãnghiserloru, emiterea di alerti și formarea reprezentanțãlor autoritățlor locale. El adăvgã că, acã România ari echipamente performante ti detectarea a nãscãntoru ahtãri dispozitive di azboiur, ari limitări ligate di factori obiectivi, catacum distanța relativ şcurtă anamisa di localitățile românești tru cari eara semnalate aesti incidenti și nai ma aprukeatu portu ucrainean. NATO dimãndã ñiercuri că componenta a llei di achiziții va s’ndrupascã un grup di țări membre, inclusiv Germania, Țările di Jos, România și Spania, cu un contractu di ancupărare di până 1.000 di rachete di apărare aeriană Patriot, dimãndã Reuters.

UCRAINA — Tru unã conversație telefonică di marți, prim-ministrul britanic Rishi Sunak lu asiguripsi ali Ucrainei Volodymyr Zelensky că Regatul Unit ma largu va u ndrupascã Ucraina tru alumta a llei contra a agresiunillei și ocupației tu tutu anlu 2024 și ma nclo, dimãndã France Presse. Rishi Sunak cundille gaereţli fapti di Regatul Unit ta s’agiutã militar și diplomatic Ucraina, maxus cu nãi dari-loari armati, spusi Downing Street tru un comunicat. Tutunãoarã, premierul britanic diplânsi bana a oamiñiloru ţi kirurã tu kirolu a atacurloru ti di Cărciun fapti di Rusia. Marțã tahina, Rusia feaţi diznãu atacuri aeriene babageani contra ali Ucrainei, di vãtãmã nai pţãnu ţinţi ţivilli și pligui cama di 100 di persoane, maxus Kiev și Harkov, cumu dimãndã izvurli di hãbãri a autoritățlor ucrainene.

Autoru: Udãlu a Hãbãrloru

Armãnipsearea: Taşcu Lala