Hăbări ditu bana românească şi internaţională
Numirlu di năi cazuri di coronavirus tru România easti tru scădearu constantă. Uidisitu cu isăkili oficiale, tru 24 săhăţ ditu soni fură nreghistrati pțănu pisti 4.000 di cazuri năi di infecție cu covid-19. 323 di persoani muriră di itia a infecțiillei, ditu cari 19 ninte di perioada di referință. Tru aistu kiro, aproapea 15.000 di persoani suntu internatie, a deapoa la tearapie intensivă suntu 1.743 di paciență. La nivel național, rata di infectari scădzu la 5,95. Maş București și tru 11 di giudeţi, rata di infectari faptă isapi tru 14 dzăli ditu soni năstreaţi 6 cazuri la ñillea di bănători. Sâmbătă s-nregistră tru capitală ună incidență di 6,68. Aşi cumu dimăndă Administrația di Sănătate Publică, aesta easti a 22-a dzuuă tru cari rata a virusului SARS-CoV-2 scadi tru București, nai cama mari rată hiinda tru 22 di sumedru – 16.54
Newsroom, 13.11.2021, 11:30
Reprezentanţălli a Partidlui Național Liberal (PNL), di opoziție, Partidlu Social Democrat (PSD) și actualu partener di guvernământu a Uniillei Democrată a Maghiarloru ditu România (UDMR) păzărăpsiră ma multi subiecte ligati di yinitorlu programu di guvernari, ama muabeţli, va s’ducă niti, dumănică, anda va li facă simfuni niscănti puncti di videală ti justiție, finanți și lucărlu spusi liderlu liberal Florin Căţu, dimăndă sâmbătă Agerpres. Social-democrațlli bagă zori ti criștearea a punctului di pensie, criștearea a tiñiiloru di cathi mesu și a alocațiilor tră cilimeañi simfunu cu nomurli di tora. Aeșţă spunu că ceareaia tră crișterea a veniturilor la bugetlu di stat acaţă tu isapi impozitarea a averloru mări. Liberalii nu suntu simfuñi cu pripunirea avută di taxe și spunu că prioritatea a guvernului lipseaşti s’hibăalumta contra a evaziunillei fiscale. Un altu capitulu anvărliga a niakicăsearillei easti disființarea a Departamentului di Investigare a Infracțiunilor ditu Justiție. PSD excludi ună ahtari apofasi. După discutarea a programlui a năului guvern, echipili di negocieri lipseaşti să s’akicăsească ti ipotisea-a premierlui și componența a năului guvernu di coaliție. Aduţemu aminti că, după ţi Uniunea Salvați România (USR) işi ditu Guvernu tru yismăciuni, cabinetlu minoritar PNL-UDMR fu dizolvat pritu ună moţiuni di cenzură dipusă di PSD, cari fu votată și di membrilli ali Uniuni Salvați România. Până tora, dauă cil4stăseri tra s’adară un nău cabinet eșuară – guvernul minoritar USR și guvernul minoritar PNL-UDMR.
Ministerlu tra Afaceri Externe ali Românie salută rialidzearea a actualui ministru interimar Bogdan Aurescu, tră doilu mandat, ca membru ali Comisie tră Drept Internațional a Națiunilor Unite, kirolu 2023-2027. Uidisitu cu hăbarea di adză, oficialu di București fu aleptu tră aestă funcție di Adunarea Generală a Națiunilor Unite tu 12 di brumaru New York. Ministerul Afacerilor Externe cundilleadză că Bogdan Aurescu cilăstăsi maxusu tru protlu a lui mandat tru analiza a unui subiectu di ună simasie ahoryea la nivel internațional — aloinarea nivelu ali amare tru raport cu dreptul internațional, efect direct și alăxeri climatiţi serti. Comisia ONU tră Dreptul Internațional, thimilliusită tru 1947, ari 34 di membri a experțălor independență pricunuscuț tru dreptul internațional.
Șefa a Parchetlui European, Laura Kodruţ Keveşi, kiru tru dosarlu dişcllisu contra a aliştei di Consiliul Suprem ali Magistratură di București. Analta Curte di Casație nu apruke definitiv aestă procedură, ase că Laura Kodruţa Keoveşi numaata ari titlul di procuror general tru Parchetul Genearal, căţe s’toarnă la titlul di procuror a Parchetlui di pi ningă Tribunal. Tru anlu 2018, Parchetul ali Analtă Curti di Casație apufusi s-n-lli da fără concurs titlu di procuror genearal, avânda tu videală că fosta șefă a Direcțiillei Anticorupție ălu căftă maş pi thimellilu a faptului că eara procuror general ali Românie.
Handbalistili române ale CSM Râmnicu Vâlcea azvimsiră sâmbătă acasă echipa ali Spanie Super Amara Beara Beara cu 34-28 (13-16), tru primlu tur al turului trei preliminar al EHF Europa League, competiția di handbal feminin. Handbalistilli a noastri giucară ună a daua repriză extraordinară și aşţăă rezultatlu ţi eara la pauză, amintănda la ună dgheafurauă confortabilă di șasi goluri. Etapa secundă s’gioacă tru 20 di brumaru, San Sebastian, amintătoarea a dublăllei” va s’gioacă tru grupa a competițiillei.
Autoru: Udălu a hăbărloru
Armânipsearea: Taşcu Lala
