Hăbări ditu bana românească şi internaţională
Newsroom, 05.11.2021, 21:13
București – 8.268 di cazuri năi di infecție cu COVID-19 și 483 di decese fură raportate viniri tru România, uidisitu cu datili dimăndati di autorităț. Suntu acăţati tuti apaturli di tearapie intensivă ditu tută văsilia. Majoritatea a cazurlor năi di infecție fură nregistrate București, iu incidența a lăngorloru ş’duţi ma largu trendul descendentu și scădzu sum 12 di cazuri la ñillea di bănători. Tru aistu kiro, România ari 38 di pacienți cu COVID-19 transfearaț tră tratamentu tru xinătati, iara echipele medicale ditu diversi stati viniră tru țara a noastră tră s’da asistență. România năstricu viniri praglu di 50.000 di decese asociate cu infecția cu coronavirus di tu ahurhita-a epidemiillei. Rata di vaccinari scădzu tru dzălili ditu soni după ţi criscu di dauă stămâni. Aproapea 90 di ñilli di persoane fură vaccinate contra-a coronaviruslui tru 24 săhăţ ditu soni, ditu cari cama di 45 di ñilli cu prima doză. Numirlu total di persoani cu skema completă easti puțănu pisti 6.400.000.
București – București, Comitetul Național tră Situații di Urgență actualiză lista țărilor/teritoriilor andicra di rata di incidență cumulativă a COVID-19. Ase, intrară tru zona aroșe inclusiv Cehia, Ungaria, Danemarca, Islanda, Luxemburg, Maldive și Insulele Cayman. Statele Unite tricură ditu zona aroșe tru zona galbenă, după scădearea a incidențăllei. Ditu zona veardi, după creașterea-a incidențăllei, Polonia, Norvegia, San Marino și Andorra, ăntră altile, tricură tru zona galbenă. Israel, Cuba, Costa Rica, Guyana, Bahamas, Grenada intrară tru zona veardi.
București – Cursurli va s’ahurhească tru 8 di brumaru tră tuț elevlli și preșcolarllii ditu România, emu ditu nvițămintul di stat, emu și ditu aţelu privat, dimăndă viniri, tru ună conferință di presă, ministurlu interimar ali Educației, Sorin Cîmpeanu, cari spusi, tutunăoară, căţe cursurli va s’ţănă fizicu tru unitățile tru cari rata di vaccinari COVID a cadrilor didactice easti ma mari di 60%. Aoa şi ună stămână ministrul dimăndă că pisti giumitati ditu școli și grădituițe năstrecu aestu nivel. Alliumtrea, ma multi asociații studențești ditu văsilie caftă dişcllidearea a cursurilor față tru față maş tru localitățile tru cari incidența cazurilor di COVID easti ma ñică di 6 la ñillea di bănători.
Bucureşti – Biroulu Politic Naţional a PNL va s’llia luni ună apofasi mutrinda negocierile cu USR şi PSD, spusi viniri prezidentulu a partidlui, premierul interimar, Florin Cîţu. Uidisitu cu năsu, andamusea cu PSD avansă pi opțiunea a unui premier rotativ, ama aproapi că nu să zbură ti portofolii. El spusi că dialogul cu USR, fostul partener di guvernari, va s’ducă ma largu. Florin Cîţu declară, gioi, dupu negocierli cu liderlu PSD, Marcel Ciolacu, că află multe lucri cari li aproaki aţeali dauă părţă. Tru arada a lui, prezidentulu a social-democrațlor lugursi că ateali dauă partidi suntu pi calea aţea bună, lucru ţi poate s’ducă la formarea a unei majoritati. Echipele di negociere ale PNL și PSD cilăstăsescu s’află ună formulă di guvernari, cu ună majoritate parlamentară vărtoasă, după ţi dauă ancercări tra s’ndreagă un guvern minoritar eșuară. Prezidentulu Klaus Iohannis dimanda, gioi dicseară, că nu va s’convoaca partidile la consultări tră numirea a unui nou premier până când nu va s’adară ună majoritate ţi s’hibă hăzari s’adară guvernulu. Aduţemu aminti că guvernul minoritar PNL – UDMR cumăndusitu di Citu fu demis pritu moțiune di cenzură.
Autoru: Udălu a hăbărloru
Armânipsearia: Taşcu Lala
