Hăbări ditu bana românească şi internaţională

Tru România, aproapea 127 di nilli di persoane fură vaccinate contra Kovid-19 tru 24 di săhăţ, ditu cari cama di 90 di nilli cu prima doză. Numirlu a persoanelor vaccinate cu schema completă easti tora di aproapea 6,2 milioane. Ritmul a campaniillei di vaccinare lo silă tu kirolu ditu soni, iara autoritățile estimeadză că, cara ritmul va s’armănă tu aestă scară, până tu bitisita-a anlui poati s’hibă agiumtă ună rată di imunizare di 70% la ilikia di 12 di añi ş-cama. Vineri, fură raportate 12.474 di cazuri noi di infecție cu coronavirus și 481 di decese. Cama di 20.000 di persoane infectate cu viruslu corona fură spitalizate. La tearapie intensivă suntu 1.875 di pacienți, inclusiv 37 di cilimeañi. Ună echipă medicală ditu Germania agiundzi adză tru România tra s’facă isapi numirlu di pacienți cari pot s’ducă ma largu tratamentul tru aestă vasilie. Tut luni, un avion al Forțelor Aeriene Germane va s’hibă disponibil tră transportul a pacienților. Tru aestu kiro, Comitetul Național di Urgență ali României actualiză lista a țărilor/teritoriilor cu risc epidemiologic analtu, Țările di Jos și Rusia intrânda tru zona aroșe. Zona galbină includi Malaezia, Cuba, Costa Rica, Republica Cehă, Danemarca, Ungaria, Germania, Elveția, Liechtenstein și Iordania. Palestina easti inclusă tru lista veardi.

Newsroom, 29.10.2021, 22:26

Tru România, aproapea 127 di nilli di persoane fură vaccinate contra Kovid-19 tru 24 di săhăţ, ditu cari cama di 90 di nilli cu prima doză. Numirlu a persoanelor vaccinate cu schema completă easti tora di aproapea 6,2 milioane. Ritmul a campaniillei di vaccinare lo silă tu kirolu ditu soni, iara autoritățile estimeadză că, cara ritmul va s’armănă tu aestă scară, până tu bitisita-a anlui poati s’hibă agiumtă ună rată di imunizare di 70% la ilikia di 12 di añi ş-cama. Vineri, fură raportate 12.474 di cazuri noi di infecție cu coronavirus și 481 di decese. Cama di 20.000 di persoane infectate cu viruslu corona fură spitalizate. La tearapie intensivă suntu 1.875 di pacienți, inclusiv 37 di cilimeañi. Ună echipă medicală ditu Germania agiundzi adză tru România tra s’facă isapi numirlu di pacienți cari pot s’ducă ma largu tratamentul tru aestă vasilie. Tut luni, un avion al Forțelor Aeriene Germane va s’hibă disponibil tră transportul a pacienților. Tru aestu kiro, Comitetul Național di Urgență ali României actualiză lista a țărilor/teritoriilor cu risc epidemiologic analtu, Țările di Jos și Rusia intrânda tru zona aroșe. Zona galbină includi Malaezia, Cuba, Costa Rica, Republica Cehă, Danemarca, Ungaria, Germania, Elveția, Liechtenstein și Iordania. Palestina easti inclusă tru lista veardi.

Prim-ministrul desemnatu, generalu tru ritradziri Nicolae Ciucă, dimăndă viniri lista a miniştrilor ditu năulu guvern, cari fu confirmată di conducerea a Partidului Naţional Libearal. Anamisa di aeşţa s’arădăpsescu Alina Gorghiu tră ministrul Justiției, Lucian Bodi – ministru di Interne, Bogdan Aurescu – ministru di Externe, Raluca Turcan – Muncă și Ocuparea Forțăllei di Muncă și Caălin Predoiu ca ministru ali Apărari. Liberalii aprobară și programlu a guvernului. Nu trapsiră mănă di la opțiunea unui guvern minoritar cu Alianța Democrată a Maghiarilor din România (UDMR), cari, ntră altele, îl pripune pi Attila Ceke ca ministru al Dizvoltării Regionale și pe Eduard Novak – Sport și Tineret, kiro tu cari lidirul Kelemen Hunor va s’hibă viceprim-ministru. Lista miniștrilor va s’hibă dipusă sâmbătă tru parlament, iar votul easti programat tră ñiercuri. Matematic, guvernul nu are niţi ună șansă s’treacă. Cu tuti aesti, ari nica kiro s’nă minduimu până ñiercuri”, spusi Nicolae Ciucă. Aduţemu aminti că situația politică ditu România s-asparsi după ţi partidul Uniunea Salvați România (USR) fudzi ditu guvernul di coaliție condus di Florin Căţu și votă moţiunea di cenzură a PSD, deadunu cu opoziția naționalistă AUR. Fostul ministru ali Apărării libearalu Nicolae Ciucă easti doilu prim-ministru disemnatu tră formarea a unlui nou guvern, di itia a cilăstăsearillei eșuate a liderlui Dacian Colos ta s’adară un cabinet minoritar format maş ditu reprezentanți ai formațiunillei politice Salvați România (USR).

Prezidentulu ali României, Klaus Johannes, simnă viniri un nomu mutrinda schema di compensare a consumului di energie. Uidisitu cu aestu, românii nu va s’păltească facturi ma mări la electricitate și gaz andicra di ateali ditu andreu 2020, cu tuti crişterli babageani. Actul normativ apufuseaşti ună misură di agiutoru tră muştiradzlli casnici, spitalele, instituțiile di truvățământ, primăriile și organizațiile neguvernamentale. Iara di ñicurari va s’hărsească și ntreprinderli ñiţ și di mesi, cari va s’păltească maş păhălu a energiillei fără taxe la distribuție ică transport. Misurli va s’hibă băgati tu practico di la 1 di brumaru până la 31 di marţu anlu yinitoru.

România va streaca la oara di iarnă tru noaptea di sâmbătă cătă duminică, mutânda ceaslu cu ună sohati năpoi, di la 4:00 la 3-0. Ase, 31 di sumedru va s’agiungă nai ma lungă dzuuă ditu an, cu 25 di săhăţ. Tru kirolu a iarnăllei, diferența anamisa di oara oficială a României și Ora Universală (GMT) va s’hibă di dauă săhăţ. Oara di iarnă easti lugursită oară standard. Băgarea a oarăllei di veară fu adoptată di țările europene tru aţelu ditu soni secol tră economisiri energie, maxusu tru kirolu a polimlui ică a crizăllei di pi păzarea a petrolului ditu anllii 1970. Yeatărlli spun că alăxearea a kirolui poati s’aducă zñie a organismului, maxusu ti cilimeañi şi auşi. După iarna, truplu a omlui ari ananghi di până la 2 stămâni tră s’adapteadză.

Autoru: Udălu a hăbărloru

Armânipsearea: Taşcu Lala