Hăbări ditu bana românească şi internaţională

Dumănică, cama di 11.546 di infecții cu SARS-CoV-2 fură nregistrate tru România, pi thimellilu la aproapea 41.000 di testi fapti. Tru 24 săhăţ ditu soni, 298 di morţă fură nregistraţ la paciențăllii infectaț cu năulu coronavirus. 1.750 di pacienț fură internaț tru secția di terapie intensivă. Rata-a infecțiilor cu coronavirus faptă isapi ti 14 di dzăli năstricu 16 di cazuri la ñillea di bănători București, acă, aoa şi unu mesu eara abvărliga di doi la ñillea di bănători. Tru atea ţi mutreaşti vaccinarea, numirlu a persoanilor vaccinate până tora tru România, cu nai pțănu ună doză, s’aproaki di șasi miliuñi. Autoritățli declarară că aproapea 60.000 fură vaccinati tru 24 di săhăţ ditu soni. Di altă parti, reprezentantul ali Românie la Organizația Mondială a Sănătatillei, Alexandru Rafila, hăbărisi că experțăllii a Organizațiille căftară ună andamusi cu reprezentanțălli a Institutlui Național di Sănătate Publică ta s’veadă itiili a fănicolui epidemiologicu ditu România. Uidisitu cu oficialu, Organizația Mondială a Sănătatillei va s’agiută Bucureștiul tru campania di vaccinare și s’veadă anănghiserli urgente a spitaliloru ditu văsilia a noastră.

Newsroom, 18.10.2021, 20:53

Dumănică, cama di 11.546 di infecții cu SARS-CoV-2 fură nregistrate tru România, pi thimellilu la aproapea 41.000 di testi fapti. Tru 24 săhăţ ditu soni, 298 di morţă fură nregistraţ la paciențăllii infectaț cu năulu coronavirus. 1.750 di pacienț fură internaț tru secția di terapie intensivă. Rata-a infecțiilor cu coronavirus faptă isapi ti 14 di dzăli năstricu 16 di cazuri la ñillea di bănători București, acă, aoa şi unu mesu eara abvărliga di doi la ñillea di bănători. Tru atea ţi mutreaşti vaccinarea, numirlu a persoanilor vaccinate până tora tru România, cu nai pțănu ună doză, s’aproaki di șasi miliuñi. Autoritățli declarară că aproapea 60.000 fură vaccinati tru 24 di săhăţ ditu soni. Di altă parti, reprezentantul ali Românie la Organizația Mondială a Sănătatillei, Alexandru Rafila, hăbărisi că experțăllii a Organizațiille căftară ună andamusi cu reprezentanțălli a Institutlui Național di Sănătate Publică ta s’veadă itiili a fănicolui epidemiologicu ditu România. Uidisitu cu oficialu, Organizația Mondială a Sănătatillei va s’agiută Bucureștiul tru campania di vaccinare și s’veadă anănghiserli urgente a spitaliloru ditu văsilia a noastră.

România ma largu ari parti di asistență internațională ti kivernisearea a criz4llei di sănătate după ţi statlu român căftă agiutoru europeanu tru combătearea efectilor fapti di itia că numirlu di cazuri di coronavirus criscu. Sâmbătă, viniră ditu Danemarca 15 ventilatoare și opt concentratoari di oxigenu ţi suntu ananghi ti yitripsearea a paciențălor cu COVID-19. Spitalili ditu Szeged și Debrecen (Ungaria) mutrescu 20 paciență români, iara alță suntu planificaț s’hibă transfearaț la unitățli medicale ditu Ungaria. Luni, ună echipă di yeaţră și asistență medicali ditu Republica Moldova va s’agiungă la ună unitate mobilă ditu Lecani, ningă Iași (nord-estul României). Pritu mecanismul di protecție civilă al UE, Olanda deadi pănă tora 200 di concentratoare di oxigen, Polonia 50, iar Italia pitricu 5200 di cuneţ di anticorpi monoclonali cătră România, cari fac parti ditu schema di yitripseari ti coronavirus.

Ună listă actualizată a văsiliiloru cu risc epidemiologic intră tru practico tru România ahuhrinda di dumănică. Ucraina și Gibraltar suntu tora pi lista aroșe. Zona galbenă includi Arbinişia, Botswana, Curacao și Hamunisiili Virgini a Statilor Unite, la cari lipseaşti s’hibă adăvgati, ntră altili, Olanda, Gabon ică Hamunisiili Virgine Britanice. Di altă parte, Elveția, Canada, Iordania, Kazahstan și alti ndauă stati suntu pi lista verdi, fără riscu epidemiologicu.

Premierlu aleptu Dacian Ciolos ari naeti s’părăstisească luni a parlamentului di București ună listă a guvernului monohrom a Uniunillei Ascăpaţ România (USR). După aestă etapă, comisiile permanente a corpului legislativ va s’apufusească data andamusillei comune la cari va s’apufusească andamusea ti votarea a năului guvernu, vadelu easti di 15 di dzăli. Liderlu USR nu aprăftăsi să znuească coaliția tru negocierli cu Partidlu Național Liberal (PNL) și Alianța Democrată a Maghiarlor ditu România (UDMR), după ţi aesti partidi apufusiră s’nu ndrupască guvernul cumăndusitu di Dacian Ciolos. Vă aduţemu aminti că Dacian Ciolos eara ndreptu s’negociadză cu liberalii, ama andamusea fu curmată viniri după ţi liderlu a liberalilor, premierlu demisu Florin Căţu, spusi că prim-ministrul aleptu easti responsabil ti adrari ună majoritati parlamentară cu PSD și AUR, dauă partidi. USR alăxi guvernul votânda ună moțiuni di pistipseari. Tu arada-a lui, liderlu UDMR, Kelemen Hunor, lugurseaşti că premierlu aleptu nu aprăftăsi s’restabilească nivelu minim di pistipseari cari va s’da izini ti znuearea-a coalițiillei.

Ministrul di externe interimar Bogdan Aurescu va s’llia parti luni la ună andamusi a miniștrilor di externe ali UE la Luxemburg. Uidisitu cu declarația a Ministerlui Afacerlor Externi, protili subiecte di pi agenda ali andamusi va s’hibă ligăturli ali UE cu statili ditu regiunea a Golfului, cum și perspectivili a Parteneriatlui estic. Va s’hibă acăţati tu isapi și subiecti cum catandisea ditu Afganistan, Tunisia, Balcanii di Vest, diplomația climatică, catandisea ditu Belarus și Mali.

Autoru: Udălu a hăbărloru

Armânipsearea: Taşcu Lala