Hăbări ditu bana românească şi internaţională

Autoritățile române dimandara niercuri cama di 15.700 di cazuri noi di infecție cu virus SAR-CoV-2 tru 24 di săhăţ și 390 di morţă. Ari aproape 1.670 di pacienți covid tru terapie intensivă. Nai ma mări incidențe la ună ñille di bănători suntu tru București și tru județlu viţinu Ilfov, cama di 15, cum și tru Timis (vest), cama di 10. Dr. Adrian Marinescu di la Institutlu di Lăngori Infecțioase Matei Balş ditu capitală spusi că tutu meslu sumedru s’așteaptă s’hibă multu greu ditu perspectiva crizallei di sănătate, ama estimeadză că atumtea catandisea va s-hiba multu ma bună tra sărbătorile di iarnă. El subliniază, ama, că vaccinareacontra a coronavirusului easti extrem di importantă tra nastritearea a dalgallei actuala a epidimiillei și subliniază că nu easti ici amănatu ta s’ahurhească imunizarea, di itia că nica și maş ună goală doză da unu nivel di protecție. Di altă parte, șeful campaniei di vaccinare, colonelul Valeriu Georgica, spusi că autoritățile lucreadză la organizarea unui nou maraton di vaccinare contra a KOVID la București tru kirolu ţi yini.

Newsroom, 14.10.2021, 09:53

Autoritățile române dimandara niercuri cama di 15.700 di cazuri noi di infecție cu virus SAR-CoV-2 tru 24 di săhăţ și 390 di morţă. Ari aproape 1.670 di pacienți covid tru terapie intensivă. Nai ma mări incidențe la ună ñille di bănători suntu tru București și tru județlu viţinu Ilfov, cama di 15, cum și tru Timis (vest), cama di 10. Dr. Adrian Marinescu di la Institutlu di Lăngori Infecțioase Matei Balş ditu capitală spusi că tutu meslu sumedru s’așteaptă s’hibă multu greu ditu perspectiva crizallei di sănătate, ama estimeadză că atumtea catandisea va s-hiba multu ma bună tra sărbătorile di iarnă. El subliniază, ama, că vaccinareacontra a coronavirusului easti extrem di importantă tra nastritearea a dalgallei actuala a epidimiillei și subliniază că nu easti ici amănatu ta s’ahurhească imunizarea, di itia că nica și maş ună goală doză da unu nivel di protecție. Di altă parte, șeful campaniei di vaccinare, colonelul Valeriu Georgica, spusi că autoritățile lucreadză la organizarea unui nou maraton di vaccinare contra a KOVID la București tru kirolu ţi yini.

Ungaria va s’agiută România ti yitripsearea a 50 di pacienți covidz cari au ananghi di tratament spitalicescu tru unitățile di terapie intensivă, declară ministrul maghiar di externe Peter Sijarto, dimăndă ñiercuri MTI. Aesti 50 di persoane va s’hibă yitripsiti tru dauă spitale ditu Ungaria. El cundille că văsilia a lui ari donată aparate respiratorii și favipiravir, ună yitrie antiviral ufilisită tra yitripsearea KOVID-19. Di altă parte, 50 di concentratoare di oxigen, ditu stocuri ditu Polonia, fură dusrusiti ali României prit programul Mecanismului european di protecție civilă. Marți, un avion a Forților Aeriene Române adusi cama di 5.000 di doze di anticorpi monoclonali ditu Italia, cari fac parte integrantă ditu terapia cu coronavirus. Agiutorlu yine după ţi statul român căftă agiutoru european tru alumta contra a efectelor cauzate di creastirea exponențială a numirului di cazuri di coronavirus.

Aleptulu tra guvernul român, liderul Uniunlleii Salvați România (USR), Dacian Ciolos, declară apofasi ñiercuri la ună andamusi cu reprezentanți a Partidului Național Libearal (PNL), a Ligii Democrate a Maghiarilor ditu România (UDMR) și a minoritatillei tra s’ndreagă ună majoritate guvernamentală. Muabeţli avură scupolu ti reconstruirea coaliției tru turlia a llei originală, Partidul Național Liberal, Uniunea Salvați România și Alianța Democrată a Maghiarilor ditu România (PNL – USR – UDMR), disfapti di fudzearea a Uniunillei Salvați România (USR) ditu guvernu după diiuiduseri ireparabile cu premierlu tu ipotisi Florin Căţu, tora liderlu a liberalilor. Uidisitu cu ţi spuni media di București, PNL nu va să znuească coaliția cu Uniunea Salvați România (USR) după partid, deadunu cu Partidul Social Democrat (PSD) și Alianța tra Unificarea a Românilor (AUR), dauli ditu opoziția, votă nipistipseari tru guvernul dipusu di Partidlu Social Dimocrat și cari ascumbusi partiili ti cădearea a cabinetului al Căţu. Di altă parte, premierlu aleptu spusi că ari căbili ti unu guvern minoritar ali Salvați România (USR), cari va s’hibă votat tru parlament.

Prezidentulu român Klaus Johnis lo parti ñiercuri la Forumul internațional ndreptu ti comemorarea-a Holocaustului și alumtăllei contra antisemitismului la Malmö, la călisearea a prim-ministrului suediz Stefan Lofven. “minduerli ti s’nu aproaki ili s’lu curmă Holocaustul agiungu s’hibă tutu ma di piriclliu și ma subtile, ufilisinda metodi cum estomparea responsabilitățloru participanțălor la Holocaust și a suţatiloru a lor, ridiculizarea a trăñipserloru cauzati di Holocaust și dezumanizarea-a victimelor”, spusi șeflu a statlui român tru zborlu a lui. El cundille că România easti angajată tru un proces lărguriu di revizuire a programilor di educație tra tiniri tu ligătură cu Holocaustulu. Tutuăoară, s’facu gaereţ tră dişcllidearea a unlui Muzeu Național di Istorie a Evreilor și Holocaustului tru România. Un alt angajament important ţi ş-lu lo Bucureștiul easti ta s’apufusească un premiu național anual tra personalităț românești și internaționale cari contribuie la educația, cercetarea și comemorarea a Holocaustului, cum și ti prevenirea și combaterea antisemitismului.

Autoru: Udălu a hăbărlor

Armânipsearea: Taşcu Lala