Hăbări ditu bana românească și internațională

BUCUREŞTI – 10.400 de cazuri noi di oamiňi infectaț cu SARS-CoV-2 easti isapea ditu 24 săhăț ditu soni tru România, după eara fapti cama di 43.500 di teste – dimăndă, duminică după-prăndzu, Grupul de Comunicare Strategică. Tu idyiulu kiro, fu dimăndată isapea ti 211 di mortă la pacienţi infectaţi cu noul coronavirus. Uidisitu cu izvurlu di hăbări aleptu, la terapie intensivă sunt internaţi 1.603 di pacienţi, 31 ditu aeștă hiinda cilimeaňi. Grupul de Comunicare Strategică nica spusi că, la nivel naţional, ari eleferisiti maș trei apaturi ATI ti pacienţii lăndzidz di COVID-19, alti andicra di ateali țănuti mauxusu ti oamiňi cu născănti condiţii medicale, care sunt şi confirmate cu SARS-CoV-2. Catandisea sanitară agiumsi s’hibă multu greauătru România tu aesti ditu soni dauă stămăňi. Tu kirolu ditu soni, media a cazurloru ndzuuă di infectare cu COVID-19 fu di aproapea 14.000, după ți aoa și dauă sămâňi eara di aproapea 6000. Tutunăoară numirlu a mortăloru asociaț criscu, di s’agiumsi di la 770 la cama di 1800 tru stămână. Nica și incidenţa medie pi livelu naţional alină la 6,9, hiinda ma multu andicra di diplo cumu eara aoa și dauă stămăňi. Adză, 39 di giudeți suntu tru zona aroşe şi maș dauă armasiră tru steneriulu galbinu – Harghita şi Covasna, dauli nolgica a văsiliillei

Newsroom, 10.10.2021, 17:33

BUCUREŞTI – 10.400 de cazuri noi di oamiňi infectaț cu SARS-CoV-2 easti isapea ditu 24 săhăț ditu soni tru România, după eara fapti cama di 43.500 di teste – dimăndă, duminică după-prăndzu, Grupul de Comunicare Strategică. Tu idyiulu kiro, fu dimăndată isapea ti 211 di mortă la pacienţi infectaţi cu noul coronavirus. Uidisitu cu izvurlu di hăbări aleptu, la terapie intensivă sunt internaţi 1.603 di pacienţi, 31 ditu aeștă hiinda cilimeaňi. Grupul de Comunicare Strategică nica spusi că, la nivel naţional, ari eleferisiti maș trei apaturi ATI ti pacienţii lăndzidz di COVID-19, alti andicra di ateali țănuti mauxusu ti oamiňi cu născănti condiţii medicale, care sunt şi confirmate cu SARS-CoV-2. Catandisea sanitară agiumsi s’hibă multu greauătru România tu aesti ditu soni dauă stămăňi. Tu kirolu ditu soni, media a cazurloru ndzuuă di infectare cu COVID-19 fu di aproapea 14.000, după ți aoa și dauă sămâňi eara di aproapea 6000. Tutunăoară numirlu a mortăloru asociaț criscu, di s’agiumsi di la 770 la cama di 1800 tru stămână. Nica și incidenţa medie pi livelu naţional alină la 6,9, hiinda ma multu andicra di diplo cumu eara aoa și dauă stămăňi. Adză, 39 di giudeți suntu tru zona aroşe şi maș dauă armasiră tru steneriulu galbinu – Harghita şi Covasna, dauli nolgica a văsiliillei

BUCUREŞTI – Prezidentulu ali României, Klaus Iohannis, s’andămuseaști, luni, cu reprezentanţăllii a partidilor parlamentare, tu ună prota rundă di consultări ti andridzearea a crizăllei guvernamentală. Aestea s’țănu dupu ți, marţă, Cabinetlu PNL-UDMR, cumăndusitu di liberalu Florin Cîțu, fu demis di Parlament, pritu vulusearea a unăllei moțiuni de cenzură dipusă di opoziția social-democrată. Fu unu numiru recordu di voturi tră moțiune, tru atelli 31 di ani de democrație românească post-comunistă. Ditu 467 di parlamentari, votară tră 281 – di la PSD, USR, ațelu di ma ninti parteneru-giunior la guvernari până aoa și unu mesu, și AUR, opoziția naționalistă. Di altă parti, aproapea 81% ditu arada a româňiloru lugursescu că lucărli tru văsilie acățară ună cali alăthusită și maș 12,5% lugursescu că nkisita a calillei easti bună — yilipseaști un sondaju adratu de INSCOP Research, tru parteneriat cu Verifield, la comanda a think-tank-ului Strategic Thinking Group. Proțentul a ațiloru niifharistusiț easte tru creaştere andicra di meșlli di ma ninti, cându eara anvărliga di 70%. Prezidentulu Strategic Thinking Group, Remus Ştefureac, spuni că di itia a aiștoru trei crizi majori ți s’facu pi unu kiro șcurtu – pandemică, economico-socială şi politică — dusi la ună catandisi di pesimismu/ fără di nădie, dipu mari şi ună cădeari a dukimăsearillei tu ligătură cu direcţia/ s’clleamă, calea ți u nkisi văsilia.

BUCUREŞTI – Ministurlu israelian tră diaspora, Nachman Schai, fați vizită tu România. Uidisitu cu spusa a pitricutlu a nostru di la Radio România tru Israel, Bucureşti, el va s’llia parti, luni, la țeremonia ti comemorari di la Memorialu a Holocaustului. Ministurlu va s’andămusească cu membri a comunitatillei uvriească ditu România, cu reprezentanţă ali administraţie prezidenţială, a guvernului şi a corpului diplomatic. Sâmbătă, prezidentulu alui României, Klaus Iohannis, simnă unu șingiru di apofasi ti tiňiseari cu furňia a Dzuuăllei Naţională di Comemorari a Holocaustului. Decoraţiile fură durusiti a născătoru oamiňi ți armasiră tru bană di itia a Holocaustului, îca semnu di tiňiseari ti curbăňili ți li feațiră tu kirolu a Doilui Polimu Mondial, ti nămuzea ți u scoasir tu migdani pi hiotea a kirolui tu a loru bană, cum şi tră gaerețli ți li feațiră tra s’tănă yie memoria a victimilor Holocaustului – ună traghedie pi cari duňeaua numata lipseaști s’u cănoască — să spuni tru unu comunicat dimăndatu di Administraţia Prezidenţială. Anlu aestu s’umplură optu dekenii di la deportarea di cătră regimlu a mareşalui Ion Antonescu, aliat cu Germania nazistă, a uvreilor ditu Basarabia şi Bucovina tru Transnistria (est).

Autoru: Udălu a hăbărloru

Armânipsearea: Tașcu Lala