Hăbări ditu bana românească şi internaţională
Majoritatea a românilor lugursescu că lucărli tru România sndreaptă cama multu pi ună cali alăthusită, spunu rezultatele a unui sondaj adratu di Centrul di Sociologie Urbană şi Regională - CURS, publicate dumănică. Uidisitu cu cercetarea, proporţia a ati
Newsroom, 25.09.2023, 18:54
SONDAJ Majoritatea a românilor lugursescu că lucărli tru România s’ndreaptă cama multu pi ună cali alăthusită, spunu rezultatele a unui sondaj adratu di Centrul di Sociologie Urbană şi Regională – CURS, publicate dumănică. Uidisitu cu cercetarea, proporţia a atiloru cari au aestă cădăseari easti di 69%, tu kirolu anda 22% lugursescu că lucărli acăţară calea aţea bună, iara 9% nu ştiu ică nu apăndăsiră. Tutunăoară, 41% ditu aţelli ntribaţ suntu cu minduearea că piasti un an situaţia a lor va s’hibă ma greauă, 38% că va s’hibă idyea, iara 18% că va s’hibă ma bună. Simfunu cu sondajlu, protili probleme cu cari s’ampulisescu românii suntu inflaţia – 19%, veniturile niţ şi impliţit nivelul di bană – 17% şi corupţia şi furlăkea – 16%. Probleme transfrontaliere catacum migraţia şi polimlu ditu Ucraina adună gaile maş 3% ditu apăndăsitroi, la egalitate cu aţelli cari iditutificară clasa politică şi infrastructura ali Românie ca nai marli problemi. Tru aţea ţi mutreaşti pistipsearea tu instituţiile naţionale, pi primul loc suntu pompierii cu 73%, diapoa armată cu 68% şi bisearică – 63%. Ti Organizația Tratatlui Atlanticului di Nord au pistusini 42% ditu românikiro tu cari 52% au niheam şi multu pţănă pistipseari tru NATO. Tutunăoaă, maş 35% ditu participanţii la sondaj au multă şi dipu multă istipseari tru Uniunea Europiană, procentul aţiloru cari au pţnă şi dipu ptănă pistipseari tru UE hiinda di 59%.
FESTIVAL Concertul Concertgebouw Royal Orchestra di Amsterdam di dumănică seara bitisi a 26-a ediție a Festivalului Internațional di Muzică George Enescu. La evenimentul menționat ma ndzeana loară parti și Corul Academic Radio și Corul Copiilor Radio, carii adună cama di 40 di orchestre ditu 16 văsilii și cama di 35 di sute ditu atelli nai ma cu anami muzicieni a lumillei. Aestu festival, unu di nai ma importante ditu lume, va s’hibă deapoa dus ninti cu Remember Enescu, un concurs ahărdzitu a tinerilor muzicieni. Ediția ditu aestu an ahurheasti luni la Timișoara, vestul ali Românie.
FMI. Ună parei a Fondului Monetar Internațional yine adză București ti runda anuală di discuții mutrinda economia româneasca. Până pi 4 sumedru, experți internaționali va s-aibă muabeţ ti politiţle economiţi și ti ateali ditu soni evoluții tru domeniu cu reprezentanți ai Ministerului di Finanțe, Băncii Centrale și diferite ONG-uri. Echipa FMI se va întâlni și cu reprezentanți a sectorlui privat ti discuții, cari s’ţănu periodic tu tuti statele membre, cu scupo ti prezentarea ci recomandări mutrinda asiguripsearea a stabilitatillei și a unei dizvultari pozitivă la nivelu ali economie.
Autoru: Udălu a hăbărloru
Armânipsearea: Taşcu Lala
