Hăbări ditu bana românească şi internaţională
Adza, tru plenlu ali Adunari Generală a Națiunilor Unite, prezidentulu ali României, Klaus Johannes, va u reprezintă ași-număsita intervenție națională. Gioi, prezidentulu va u cumăndusească delegația română la comata pi livelu analtu aaţillei di a 76-a sesiuni a Adunarillei Generale a Națiunilor Unite. Titu delegația română faţi parti și ministrul di externe Bogdan Aurescu. Uidisitu cu administrația prezidințială, participarea prezidentului ali Românie la sesiunea di estan easti ună nădie ta s’părăstisească minduita a văsiliillei a noastri andicra di provocările globale cari caftă cearei comune, solidaritati și coopearare pi principii democratiţi vărtoasi și tiñisearea a ndreptului internaționalu. Prezidentulu Klaus Johannes va să zburască ti importanța unei arada internaționale bazate pe reguli, cum și ti multilatearalismul hairlăticu și apridusu ti hăireaa tutulor rezidenților statilor membre a Națiunilor Unite. Niercuri, șeflu a statului român va llea parti, la inițiativa a prezidentului, Joe Bidin, la un summit global mutrinda ună apandisi internațională coordonat la pandemie.
Newsroom, 23.09.2021, 11:25
După aproape 60.000 di probe testate, fură confirmate 6.789 di cazuri noi di kovid 19, cari easti nai ma mari tu cathi dzuuă a anlui. Di itia a aiştei lăngoari, 129 di persoane muriră tru 24 di săhăţ ditu soni. Ditu un total di 8334 spitalizați cu covid, 990 fură băgaţ tru unităț di terapie intensivă. Autoritățile române raportează că s’nfdreapsiră năi meatri ti mutreari medicală tra pacienților infectați cu coronavirus. Inspecția sanitară va s’verifica numirlu di apaturi disponibile cathi dzuuă și desi aestea sunt ufilisiti tu simfunie cu planurile di reziliență ditu cathi district, sumlinie ministrul sănătății Ceke Attila. Di itia a numirului criscut di infectați cu kovid 19 cama di trei persoane la 1000 di bănători, 200 di așezări fură băgati tru lista aroșe di kovid. Tru aesti locuri, un certificat veardi easti obligatoriu tră adunări și restaurante, aţea ţi spuni că purtătorllii fură vaccinați, fură testați recent i loară lăngoarea. Coordonatorul a Campaniei Naționale di Vaccinare, Valeriu Gheorghiţă, spusi că România va s’llia aproapea 2,9 miliuñi di doze di vaccin kovid, aproapea 1,9 milioane di doze di Pfizer și 500.000 di doze di Johnson și Johnson tu yismăciuni.
Guvernul di București ndreapsi doauă apofasi di urgență ligate di piața a asiguripserloru, spusi premierlu ali României, Florin Căţu. Una mutreaşti păhălu ali poliță, iara alantă protecția a muştiradzloru a companiei di asigurări Sity Insurans, lideru di piață cu aproximativ 3 milioane di polițe di asigurare obligatorii, cari agiumsi tru faliment. Uniunea Națională a Companiilor di Asigurări și Reasigurări deadunu cu Oficiul di Asigurări Auto publicară un ghid cu nai cama anănghisiti informații tră nicukirlli a polițăllei di asigurari obligatorie Sity Insurans.
Autoru: Udălu a hăbărloru
Armânipsearea: Taşcu Lala
