Hăbări ditu bana românească şi internaţională

Autoritățli române spun că tru 24 săhăţ ditu soni fură nregistrate aproapea 3.820 di persoane infectate cu viruslu SARS-CoV-2, pi baza a cama di 35.000 di testi ţi eara adrati, 58 di persoane muriră di itia a efectilor kovidlui, iara cama di 840 di pacienți infectați suntu tru tearapie intensivă. Institutlu Național di Sănătate Publică estimeadză că dalga di tora a pandemiillei va s’hibă multu ma sertă andicra di aţeali di ma ninti lugursinda că ritmulu di creaștire a numirlui di cazuri năi easti multu ma pi iruşi andicra di toamna tricută. Autoritățli sanitari suntu tru ligătură cu adunărli municipale, iara echipele medicale nergu tru tuti locurli iu ari căftări ti vaccinari contra a kovidului. Tru cama di 100 di localităț ditu România, praglu di 3 cazuri di infecție la ună ñille di bănători fu năstricutu și s-băgară restricții suplimentari tra s’ngărdească arăspândirea a coronavirusului. Ahurhinda di luni, tru zonele cu ună rată di infecție di 3 până la 6 cazuri la ñillea di bănători, intrarea la evenimenti și născănti locuri ncllisi va s’hibă permis maş pi thimellilu a unui certificat veardi digital, cari spuni că ună persoană fu vaccinată, contractată ică testată negativu.

Newsroom, 20.09.2021, 10:28

Autoritățli române spun că tru 24 săhăţ ditu soni fură nregistrate aproapea 3.820 di persoane infectate cu viruslu SARS-CoV-2, pi baza a cama di 35.000 di testi ţi eara adrati, 58 di persoane muriră di itia a efectilor kovidlui, iara cama di 840 di pacienți infectați suntu tru tearapie intensivă. Institutlu Național di Sănătate Publică estimeadză că dalga di tora a pandemiillei va s’hibă multu ma sertă andicra di aţeali di ma ninti lugursinda că ritmulu di creaștire a numirlui di cazuri năi easti multu ma pi iruşi andicra di toamna tricută. Autoritățli sanitari suntu tru ligătură cu adunărli municipale, iara echipele medicale nergu tru tuti locurli iu ari căftări ti vaccinari contra a kovidului. Tru cama di 100 di localităț ditu România, praglu di 3 cazuri di infecție la ună ñille di bănători fu năstricutu și s-băgară restricții suplimentari tra s’ngărdească arăspândirea a coronavirusului. Ahurhinda di luni, tru zonele cu ună rată di infecție di 3 până la 6 cazuri la ñillea di bănători, intrarea la evenimenti și născănti locuri ncllisi va s’hibă permis maş pi thimellilu a unui certificat veardi digital, cari spuni că ună persoană fu vaccinată, contractată ică testată negativu.

Aproapea 30.000 di persoani loară parti sâmbătă dicseara la nai cama mare evenimentu ditu domeniul a artăllei contemporană – iMapp – ditu București. Tema aliştei a șaptea ediții a iMapp ditu București fu Spectacolul lipseaşti s’duca ma lrgu” și sărbăturisi turlia tru cari oamiñilli s’toarna preayalea ayalea la normal cu opere di artă cari ufilisescu luñina, tehnologia și muzica. Opera di artă a echipelor ditu Statele Unite, Germania, Ucraina, Japonia și Ungaria easti spusă ti videari pi nai cama marea zonă di proiecție ditu lume: pi fațada a Pălatillei a Parlamentului, cu ună suprafață di 23 di ñilli di meatri pătraț. Un juriu adratu ditu reprezentanță di presă audiovizuală cu anami ditu lumea tută apufusi că amintătorlu a iMapp București fu ghirmanlu Jonas Dinzel, un regizoru vizualu și artistu, creatoru di instalații di iluminatu, di cartografiere video și documentari, cunuscut tra proiecțiile a lui tru spațiile publiţi.

Ministrul român di externe Bogdan Aurescu va s’llia parti, di luni până la 24 di yismăciuni, cu ună delegație cumăndusită di prezidentulu Klaus Johannes, la aţea di-a 76-a sesiune a Adunarillei Generală a Națiunilor Unite di New York, tu arada a curi va s’llia parti la ma multi andamusi. Uidisitu cu Ministerlu Afacerloru di Externe, muabeţli mutrescu axizerli ali Românie tru harea di prezidentu interimaru a Uniunillei Democrațlor (2019-2022), pritu organizarea a aţillei di a dzaţea sesiuni ministerială, a curi nicukiru easti ministurlu Aurescu. Ună atenție speţială va s’hibă dată a muabeţloru bilaterale cu soţlli ditu văsiliili ditu Caucaz, Asia Centrală, di Sud și di Est, Orientul di Mesi, Africa și Pacific. Cu ucazea a prezențăllei ministrului Bogdan Aurescu la New York, va s’hibă ndreapti andamusi cu reprezentanțălli a comunitățior evreiești ditu Statili Unite.

Capitala României easti una ditu aţeali aproapea 2.900 di locații ditu cama di 50 di văsilii cari llia parti la Stămâna europeană a mobilitatillei” (16-22 yismăciuni 2021), cu inițiativa Dzuua a porțăloru dişcllisi la depozitlu di tramvaie Dudești”. Ușili a depozitlui ditu București eara dişcllisi dumănică tra vizitatorllii, cari putea s’veadă tramvaie veclli ditu lenu turlii di perioadi a evoluțiillei companiillei di transport public. Săptămâna europeană a mobilitatillei” easti ună inițiativă a Comisiillei Europene, cari ș’pripuni s’află cearei inovatoare ti problemili actuale a mobilitatillei urbane. Evenimentele aliştei campanii au tru scupo căndăsearea a cetățenilor s’ufilisească călliuri di transportu și s’da curayiu ti dizvoltarea a unui transport urban durabilu.

România amintă 12 medalii la aţeali 46 di campionati balcanice di tenis di measă di la Albena (Vărgăria) – 5 di malămă, 2 di asimi și 5 di brundzu. Reprezentanțăllii a noștri amintară malăma la simplu tra bărbați, cum și la simplu și dublu tra mlleri. Românii au câștigat și aurul la dublu mixt, chiro tru cari echipa masculină amintă medalii di asimi.

Autoru: Udălu a hăbărloru

Armânipsearea: Taşcu Lala