Hăbări ditu bana românească şi internaţională
Tră aproapea 3 miliuni di elevi și preșcolari ditu România, noulu an școlar ahurhi luni, cari va s’aibă 34 di stămâni și easti ampărțătu tru doauă semestre și va s’bitisească tru 11 iunie 2022. Tru prima dzuua a noului an școlar, sărbătorli fură țănute cu părinții și elevii, cu purtarea obligatorie a unei prusupidă di protecție și țănearea a distanț4llei fizic4. Niscănţă cilimeani va s’llia parti la cursuri online, avânda tru videala că tru ma multe localități rata infecției covid-19 nastricu 6 cazuri la ñillea di locuitori. Ministrul Educației, Sorin Câmpeanu, și spusi elpida că di aaoa şi ninti va s’aibă ună evoluție semnificativă tru vaccinarea elevilor, di itia că autoritățile axiziti va s’ndreagă parei mobile tră imunizare, cari va s’viziteadză aproapea tuti instituțiile di nvițământu.
Newsroom, 13.09.2021, 19:31
Tru 24 sihţ ditu soni, aproapea 1.850 di noi infectaț cu kovid-19 fură nregistraț tru România, pi baza a aţiloru cama di 22.000 di testi fapti. Tru kiro, 49 di persoane muriră di itia a unui covid. Nai ma puțănu 5.280 di pacienți cu covid-19 fură spitalizați, ditu arada curi ma multu di 630 suntu tru tearapie intensivă. România are 860 di apaturi tru terapie intensivă tră paciențălli cu covid, iara autoritățile spusiră că va ş’crească numirlu. La nivel național, 5,2 miliuni di persoane fura acutotalui vaccinate contra a kovidului, reprezentânda unu cirecu ditu populația di cama di 12 ani.
Ună comisie parlamentară ditu București va s’investigheadza creastirea a păhadzloru la electricitate ahurhinda cu aesta săptămână. Comisia fu adrata cu agiutorlu a tutulor grupurilor parlamentare, tru un context tru cari pahadzlli la electricitate criscura cu 20% tru aestă veară și ari găilipseri că presiunea pi nicukirati va s’creasca cabaia tru sezonlu araţi. Ună analiză a Institutlui Național di Statistică spuni că pisti un milion di nicukirati nu putura ta ş’palteasca facturile la electricitate și gaze naturale tru perioada tru cari pahadzlli la energie fura reglementate. Autoritățile vulusira tora ma ninti Nomlu a consumatorilor vulnearabili, ama experții lugursescu că aestu lucru nu easti duri.
Ministrul român di externi Bogdan Aurescu salută luni a 10-a aniversare a bitisearillei parteneriatlu strategic ditu România și Statele Unite și a Acordului mutrinda instalarea a unui sistem di rachete di apărare tru România. Responsabilu cu afaceri a ambasadăllei americani București, David Muniz, nica spusi că România alumtă cot la cot cu America și alte forțe aliate pe unu ditu nai cama greali câmpuri di alumtă ditu lume. “Pritu acțiunile lor, askirladzlli români adusiră irinea tru zonele afectate și viglleara oamiñilli pi cali di kireari di forțili cari îlli lugursea ti ostatici”, adăvgă David Muniz. Tru minduita al nasu, România armâni unu sturu importantu tru şingirlu di apărare antirachetă al NATO.
Autoru; Udălu a hăbărloru
Armânipsearea: Tascu Lala
