Hăbări ditu bana românească şi internaţională
Newsroom, 30.08.2021, 20:35
Tru 24 di sihăhăţ ditu soni, tru România eara nregistrate aproximativ 700 di infecții noi cu viruslu SARS-CoV-2 și 11 di morţă ditu cauza a efectelor kovidlui. Ari 280 di pacienți infectați tru terapie intensivă. Tutunăoară, eara nregistraţ 19 di morţă di itia a Kovid. Coordonatorul a campaniillei naționale di vaccinare, Valeriu Georgica, feaţi timbihi că 2.000 di persoani ş’cama nău infectate ndzuuă suntu așteptate s’hibă nregistrate tru România tu giumitatea-a meslui yismăciuni, tru loc di 1.500-1.600, așa cum s’avea minduită ma ninti. El nica spusi că nu easti di aștiptatu ună tendituță pozitivă a situațiillei epidimiologhiţi, tru condițiile tru cari lumakea Delta agiundzi dominantă și tru România. Di altă parte, intereslu ti vaccinare easti nica sc4dzutu. Până tora, cama di 5,1 miliuñi di persoane ditu România loară dauli doze di vaccin. Guvernul adoptă luni un decret, cari pruveadi darea-a tichetilor di masă tru valoare di 20 euro a aţiloru cari suntu vaccinaț, cum și organizarea-a Loteriei di vaccinare, cu premii tru păradz. Fu băgată și posibilitatea ti ufilisearea-a certificatilor digitale ale Uniunii Europene pi covid tru România, ta s’confirma vaccinarea, testarea ică tratamentul a titularlor di documenti.
Ministurlu român di interne, Lucian Bodi, spusi luni că România poati s’aproaki migranț ditu Afganistan, ama cu condiția ca verificărli s’hibă adrati di structurile di securitate a statlui. Ministrul cundille că Bucureștiul poati s’aproaki jurnaliști, avocați, bursieri a statului român și alti persoani cari suntu tru piriclliu tru Afganistan. El adusi amindi diznău că, atumţea cându yini zborlu ti dănăsearea-a dalgăllei di migranță la sinuru, România easti pe ună rută di tranzit tru Balcanii di Vestu. Ministrul nica spusi că, di la 1 di yinaru, aproximativ 47.000 di migranți avea naeti ta s’intră tru România, ditu cari 10.000 fură aflaţ pi teritoriul ali României, ningă sinuri, iu minduia ta s’intră ică s’fugă, kiro tu cari 37.000 di migranț fură turnaţ di la sinuri.
Luni, premierlu Florin Katsu hiritisi pompierllii români cari cilăstăsiră ti astindzearea a incendiilor ditu Gărţie, sumliniinda că ș-feaţiră borgea multu cu hăiri”. România pitricu 142 di pompieri tru Gărţie, cu opt vehicule speciale, trei tancuri, un ţentru di comandă și alti hălăţ, nica şi ună dronă ta s’azboiară pisti zonili tru cari suntu incendiile. Adză, tutunăoară, la căftarea-a ministurlui di interni Lucian Bodi și a șeflui a departamentului tră situații di urgență Raed Arafat, acștă fură promovați la rang și fură tiñisiţ cu Emblema di Onoare. Aesta easti a daua echipă di pompieri români cari intervini tru Gărţie kiro dii dzai dzăli ti astindzearea a incendiului. Ma ninti, cama di 100 di pompieri români cu 23 di vehiculi speţialie opearau pi hamunisia Evia.
Autoru: Udălu a hăbărloru
Armânipsearea: Taşcu Lala
