Hăbări ditu bana românească şi internaţională
Newsroom, 15.08.2023, 18:41
SĂRBĂTOAREA – Creștiñilli ortodocși și creditucioșii catolici nsimneadză adză Adurñearea ali Stă-Mărie, cunucută și sumu numa di Adormirea Maicii Domnului, nai ma veacllea sărbătoare religioasă ahărdzită ti Dada a Hristolui. Zborlu Adormire” ică adormire” easti aduţearea aminti că moartea ali Marie fu ună treaţiri iriñeatică și sâmtă ditu bana pimintească tru brațăli a Hillilui a Llei. Easti ună dzuuă di sărbătoare tră reunirea a Dadăllei și a Hullilui a llei, cama multu andicra di ună di jeali și kireari. Sărbătoarea easti preţedată di 14 di dzăli di postu strict. Adorñearea a Dadăllei ică Adurñearea a Dadăllei a Hristolui, yiurtusită cafi anu la 15 di agustu, easti sărbătoari legală tru România.
DZUUA MARINALEI – Forțili Navale Române agiută cabaia ti făţearea cama multu a securitatillei regionale, europine și euro-atlantiţi, cum și misiunile disvărtiti cu aliațllii și partenerllii a noștri ditu NATO și Uniunea Europiană cu scupolu ti vigllearea a apilor teritoriale și a aţiloru a Lumillei cama sigura, demonstrează acutotalui aestu lucru declară prezidentulu ali Românie, Klaus Iohannis, Custanța (sud-est), iu s’dizvărtescu sărbătorli ti Dzuua ali Marină. România, cundille șeflu a statlui, easti importantă tră postura di descurajare și apărare anvărtuşită a NATO, iara prezența și activitatea a aţiloru 5.000 di militari aliaț ditu văsilie spuni limbidu unitatea, solidaritatea și angajamentul a nostru niminatu, ca Aliați, andicra di pruviderli a Tratatlui Atlanticului di Nordu, inclusiv tru ţi mutreaşti apărarea colectivă. Forțele Navale Române avură si va s’aibă ma largu un contributu cabaia ti securitatea României și a partenerilor a noștri ditu zona nord-atlantică, declară ttu arada a lui, premierul Marcel Ciolacu, cari lo parti la teremonii deadunu cu alti ufiţialităţ di rangu analtu.
EXERCIȚIU – Aproximativ 250 di militari ditu Franța și Luxemburg și 65 di echipamente militare ditu Grupul di alumtă NATO arădăpsiţ tru România sunt implicați di luni până pi 18 di agustu tru un exercițiu militar intitulat DIPLOYEX, cari s’ţăni tru poligonul di aminari di Babadag, sud-estul României, dimăndă Ministerul Român al Apărării. Exercițiul ari tu scupo s’vead cum easti disvărtearea iruşi a trupilor și echipamentelor militare și contribuie la un ma bunu nivelu di interopirabilitate a forțelor cari compun Gruplu di Alumtă NATO, hiinda ună continuare a programelor di antrenamentu disvărtiti ma ninti la Cincu, centrul României. Gruparea di alumtă NATO contribuie la criştearea a cooperarillei militare a Româniillei cu raturli participante rotative, Franța, Olanda, Belgia și Luxemburg și implicit la anvărtuşearea a securitatillei spațiului euro-atlantic di pi Flancul Estic, să spuni tru un comunicat a Ministerlui ali Apărari. Cooperarea cu partenerlli strateghiţ și existența pi teritoriul național a structurloru di polimu relevante contribuie la criștearea a capacitățlor di apărare și discurajare tru contextul a polimlui ditu Ucraina și a crizăllei ditu regiunea ali Amarea Lae, nica cundilleadză ministerul.
Autoru: Udălu a hăbărloru
Armânipsearea: Taşcu Lala
