Hăbări ditu bana românească şi internaţională
Tru România ahurhinda di adză, kirolu easti multu caldu și instabilu, maxus tru sud, sud-estu și estu, iu ună avertizari galbină di disconfortu cabaia mari easti tru practico până ñiadzănoaptea. Fură dimăndati timbihili galbini și purtocalii tră ploiuri cabaia mări tră nordul, nord-estul, ţentrul, sud-ascăpitata și zonili di munti a văsăliillei. Tempearaturli maximi agiumsiră adză la 36 di gradi. Kirolu armâni multu caldu și instabilu până tu giumitatea-a a stămânăllii, dimăndă Institutlu Național di Meteorologie. Kirolu instabilu va s’aducă zñie tru ttută văsilia, temperaturli va să scadă preayalea-ayalea și disconfortul va s’armănă cabaia multu. Fărtuñili va s’agudească partea di sud-vest, centrul și nordul a ăăsiliillei. S’așteaptă cantităț cabaia mări di ploaie, di la 50-60 litri pi metru pătrat. Va s’aibă fărtuñi vărtoasi și grindină până ñiercuri, iara di gioi kirolu va s’hibă instabilu, cu tempearaturi maximi di 23 până la 31 di gradi. Fărtuna adusi mănii materiale tru ascăpitata ali Românie tru dzălili ditu soni, iu ma multi locuri ditu giudeţlu Alba suntu tu piriclliu di nicări și ploiuri babageani.
Newsroom, 20.07.2021, 15:27
Tru România ahurhinda di adză, kirolu easti multu caldu și instabilu, maxus tru sud, sud-estu și estu, iu ună avertizari galbină di disconfortu cabaia mari easti tru practico până ñiadzănoaptea. Fură dimăndati timbihili galbini și purtocalii tră ploiuri cabaia mări tră nordul, nord-estul, ţentrul, sud-ascăpitata și zonili di munti a văsăliillei. Tempearaturli maximi agiumsiră adză la 36 di gradi. Kirolu armâni multu caldu și instabilu până tu giumitatea-a a stămânăllii, dimăndă Institutlu Național di Meteorologie. Kirolu instabilu va s’aducă zñie tru ttută văsilia, temperaturli va să scadă preayalea-ayalea și disconfortul va s’armănă cabaia multu. Fărtuñili va s’agudească partea di sud-vest, centrul și nordul a ăăsiliillei. S’așteaptă cantităț cabaia mări di ploaie, di la 50-60 litri pi metru pătrat. Va s’aibă fărtuñi vărtoasi și grindină până ñiercuri, iara di gioi kirolu va s’hibă instabilu, cu tempearaturi maximi di 23 până la 31 di gradi. Fărtuna adusi mănii materiale tru ascăpitata ali Românie tru dzălili ditu soni, iu ma multi locuri ditu giudeţlu Alba suntu tu piriclliu di nicări și ploiuri babageani.
Cama di 190 di oamiñi muriră dupu nicărli catastrofali fapti tu Europa ditu Ascăpitată, kiro tu cari tutu ma mulță oamiñi ţi kirură fură aflaţ morță. Nai ma marli numiru di morţă easti tru Germania, iu cancelarlu Angela Merkel spusi că easti zori ti zuyrăpseari cu zborlu fănicolu cari agudi văsilia. Ea vizită ună ditu nai ma zñiipsiti locări ditu ascăpitata a landului Renania Palatinat. Merkel tăxi că guvernul federal va s’ahărdzească ntrăoară agiutoru financiar tră reconstrucția a regiunillei și va li crească gaereţli contra efectiloru ţi li aducu alăxerli climatiţi. Uniunea Europeană dimăndă că va s’da asistență financiară ali Germanie, ama şi a alăntoru văsilii pi cali di nicări, cum Belgia și Olanda. Tru Belgia, numirlu a victimiloru năstricu 30 și nidzemu ninti cu căftarea-a aţiloru ţi kirură. Nicări fură și tru Italia, tru nordul și sudlu a văsiliillei.
Ministurlu român a Sănătatillei, Joanna Mihaila, spusi că patra dalgă a pandemiillei Kovida-19 va s’aducă zñie a oamiñiloru nivaccinaţ, cundillinda că ma puțănu di 1% ditu oamiñilli vaccinaţ fură infectaţ. Ministutlu căftă a persoaniloru cari trapsiră cu lăngoarea s’hibă vaccinaţ, cundillinda că nu există riscul ta s’adară ună turlie ma sertă di Kovid, acă easti lumakea Delta. Cu tuti apelurli constanti ditu partea-a autoritățloru și a campaniilor di vaccinari, praglu a 5 miliuñi di româñi vaccinaț cu dauli dozi nu fu agiumtu niţi tora, la unu mesu și giumitati după expirarea a țintăllei apufusită di autorităț. Tru 24 di săhăţ ditu soni, 46 di persoane nău infectati fură tru România, pi thimellilu a aţiloru aproapea 11 di ñilli di testi fapti și a unlui mortu ditu consecințili a kovidlui. Grupul tră comunicari strategică dimăndă că ari cama di 260 di paciență infectați tru spitale, ditu cari 33 suntu tru terapie intensivă.
Ministurlu român ali apărării Nicolae Cuca și șeflu a Statlui Major General, colonelu general Daniel Petrescu, llia parti marță la ună ţeremonie militară tr s’nsimneadză Dzuua a Forților Aeriene și Forțelor Aeriene ditu România la mirminţălli a Eroilor Aviațiillei ditu ţentrulu a Bucureștiului, declară ministerlu. Cu aţea ucazi, va s’hibă băgati căruñi di lilici tru memoria aviatorlor, iara Hlambura di alumtă va hibă prezentată Regimentului 74 Patriot, cari fu thimilliusitu tru 2018 și a curi misiune easti di opearaționalizari sistemlu di rachete sol-aer Patriot. Udisitu cu comunicatlu a Ministerlui ali Apărari, aestă ţeremonie va s’aducă ună tiñie ti eroilli ali aviație cari cilăstisiră şi alumtară ti văsiie di multu kiro. Dzuua a Forților Aeriene și a Forților Aeriene ditu România s’yiurtuseaşti cathi anu tru 20 di alunaru, cându easti sărbătoarea a Sâmtului Profet Ilie — vigllitorlu spiritual a piloțloru.
Autoru: Udălu a hăbărloru
Armânipsearea: Taşcu Lala
