Hăbări ditu bana românească şi internaţională
Cairo — Premierlu ali Românie, Nicolae Ciucă, s-andămusi, dumănică, Cairo, cu prezidintulu a Egiptului, Abdel Fattah el-Sisi. Muabeţli avură tru amprotusa subiecte catacum cooperarea bilatearală tru domeniile economic și social, cum și impactul agresiunillei militare ruse tru Ucraina. Prezidintulu egiptean haristusi, cu aestă furñie, tră agiutorlu dat di România tră evacuarea ditu Ucraina a aţiloru cama di ună ñille di studență egipteni repatriaț anlu tricut, cum și tră licşurarea a exportului di yipturi ucrainene tru Egipt. Tru aestu contextu, Nicolae Ciucă yilipsi ananghea tra s’ndrupască fermierlli români pritu accesul la producția di ngrășăminte ditu Egipt anănghisiti ti culturli agricole. Tutunăoară, aţelli doi s’akicăsiră s’crească exporturile di yipturi a fermierilor români către piaţa egipteană. Duminică, premierul român lo parti și la Forumul di Afaceri Egipt-România, cum și la ceremonia di simnare ma multi documente bilaterale. Nicolae Ciucă zbură sâmbătă cu omologul a lui egiptean, Mostafa Madbouly, ti intensificarea relațiilor bilaterale, ahât la nivel politic, comercial, cât și economic. Tutunăoară, avu ună andamasi cu reprezentanți ali comunitati românească ditu Egipt și cu cetățeni egipteni cari studiară tru România.
Newsroom, 05.02.2023, 18:11
Cairo — Premierlu ali Românie, Nicolae Ciucă, s-andămusi, dumănică, Cairo, cu prezidintulu a Egiptului, Abdel Fattah el-Sisi. Muabeţli avură tru amprotusa subiecte catacum cooperarea bilatearală tru domeniile economic și social, cum și impactul agresiunillei militare ruse tru Ucraina. Prezidintulu egiptean haristusi, cu aestă furñie, tră agiutorlu dat di România tră evacuarea ditu Ucraina a aţiloru cama di ună ñille di studență egipteni repatriaț anlu tricut, cum și tră licşurarea a exportului di yipturi ucrainene tru Egipt. Tru aestu contextu, Nicolae Ciucă yilipsi ananghea tra s’ndrupască fermierlli români pritu accesul la producția di ngrășăminte ditu Egipt anănghisiti ti culturli agricole. Tutunăoară, aţelli doi s’akicăsiră s’crească exporturile di yipturi a fermierilor români către piaţa egipteană. Duminică, premierul român lo parti și la Forumul di Afaceri Egipt-România, cum și la ceremonia di simnare ma multi documente bilaterale. Nicolae Ciucă zbură sâmbătă cu omologul a lui egiptean, Mostafa Madbouly, ti intensificarea relațiilor bilaterale, ahât la nivel politic, comercial, cât și economic. Tutunăoară, avu ună andamasi cu reprezentanți ali comunitati românească ditu Egipt și cu cetățeni egipteni cari studiară tru România.
UE – Uniunea Europeană curmă total, di duminică, importurile di produse petroliere rafinate rusești, cum benzină, motorină i cătranea, tru contextul a polimlui ditu Ucraina. Tut dumănică intră tru lucru ună altă misură europeană, loată deadunu cu statele aliate, grupul G7 di state vărtosu industrializate și Australia. Misura mutreaşti limitarea a păhălui ti produsili petroliere rusești transportate pi amare. Limitele europene pruved maximum 100 di dolari pi baril tră produsele scumpe, cum motorina și benzina, și maximum 45 di dolari pi baril tră aţeali ma puțăn rafinate, cum cătrani. Aesti misuri yin după ună plafonare anterioară la 60 di dolari pi baril di naftă arusească impusă pi 5 di andreu. Anaparti di aestu plafon, a companiilor occidentale lă s-ari interdzăsă s-da serviţii maritime cătră Rusia, tru condițiile tru cari văsiliili G7 asigură aproximativ 90% ditu transportul global.
Kiev – Ucraina fu sâmbătă ținta a multiloru bombardamente arusești, Kievlu spusi tru idyiulu kiro că aprăftăsi s’contracareadzăe ună atacă contra a Bahmutlui, un căsăbă ditu apirită pi cari prezidentulu ucrainean lu spusi cu numa ţitati”, relatează AFP. Uidisitu cu Ministerlu ucrainean ali Apărari, forțele ruse s’ascumbusescu tru apirita ali Ucraină. Tru sudlu ali provinciei Zaporizhzhia (sud), topili cădzură pisupra a niscăntoru infrastructuri ţivile situate pi teritoriile a dzăţ di localităţ. Tutunăoară, bombardamentele s’feaţiră şi tru Herson, un căsăbă important tut tru sud, capturat și deapoa abandonat di aruși. Statele Unite dimăndară viniri ti ună nauă pachetă di agiutor militar di 2,2 miliardi di dolari tră Ucraina, cari includi rachete cari practic va s’facă diplo aradza di acțiune a forțăllei di atacă ucraineană contra a arușilor, relateadză AFP și Reuters. Cama multu, Portugalia dimăndă sâmbătă că va s’pitreacă tancuri Leopard 2 tru Kiev. Tut sâmbătă, Canada pitricu ali Ucraină protlu tanc Leopard 2 ditu aţeali pi cari li tăxi, dimăndă ministrul ali Apărari Anita Anand. Tu bitisita a meslui ţi tricu, Canada dimăndă apofasea tra s’pitreacă tu Kiev patru tancuri Leopard 2 di fabricație ghirmană.
Autoru: Udălu a hăbărloru
Armânipsearea: Taşcu Lala
