Hăbări ditu bana românească şi internaţională
Rusia. Rusia easti ndreaptă s’ufilisească tuti hălăţli, nica şi nucleare, tră să s’apără”, declară ñiercuri prezidentulu rus Vladimir Putin tru un zboru televizat adresat a națiunillei a llei, dimăndă France Press. Putin, cari lu stipsi Occidintul că va s-u aspargă Rusia, diadi cumandu ti mobilizarea parțială a rezerviștilor, aţea ţi poati s’escaladiadză conflictul ditu Ucraina. Putin nica spusi că andrupaşti referendumurile di anexare cari va s’facă tru teritoriile ucrainene aputrusiti di Rusia. Autoritățli pro-ruse ditu patru regiuni ucrainene – Herson, Zaporizhzhia, Donețk și Lugansk – dimăndară referendumuri tră unirea cu Rusia, cari va s’facă tru dzălili ţi yinu. Tru Donețk și Lugansk ari republiţ separatiste proclamate ahuhrinda cu 2014, a curi indipendință fu pricunuscută di Rusia ninti di invadarea ali Ucraină. Tru Kherson și Zaporizhzhia, pi di altă parte, autoritățile pro-ruse fură instalate după ţi ună parte ditu ateali dauă regiuni fură aputrusiti dupu invazia arusă ditu şcurtu. București, premierlu Nicolae Ciucă spusi că nviţă, cu găilipseari, di diclarațiile prezidintului ali Rusie mutrinda ună mobilizare militară parțială și organizarea ași-dzăsilor referendumuri. Premierul spusi că România va ş-ţănă minduita echilibrată şi va s’monitorizeadz ma largu cu isihie, diadunu cu aliaţli a lui NATO, evoluţiile ditu viţina Ucraina.
Newsroom, 21.09.2022, 20:58
Rusia. Rusia easti ndreaptă s’ufilisească tuti hălăţli, nica şi nucleare, tră să s’apără”, declară ñiercuri prezidentulu rus Vladimir Putin tru un zboru televizat adresat a națiunillei a llei, dimăndă France Press. Putin, cari lu stipsi Occidintul că va s-u aspargă Rusia, diadi cumandu ti mobilizarea parțială a rezerviștilor, aţea ţi poati s’escaladiadză conflictul ditu Ucraina. Putin nica spusi că andrupaşti referendumurile di anexare cari va s’facă tru teritoriile ucrainene aputrusiti di Rusia. Autoritățli pro-ruse ditu patru regiuni ucrainene – Herson, Zaporizhzhia, Donețk și Lugansk – dimăndară referendumuri tră unirea cu Rusia, cari va s’facă tru dzălili ţi yinu. Tru Donețk și Lugansk ari republiţ separatiste proclamate ahuhrinda cu 2014, a curi indipendință fu pricunuscută di Rusia ninti di invadarea ali Ucraină. Tru Kherson și Zaporizhzhia, pi di altă parte, autoritățile pro-ruse fură instalate după ţi ună parte ditu ateali dauă regiuni fură aputrusiti dupu invazia arusă ditu şcurtu. București, premierlu Nicolae Ciucă spusi că nviţă, cu găilipseari, di diclarațiile prezidintului ali Rusie mutrinda ună mobilizare militară parțială și organizarea ași-dzăsilor referendumuri. Premierul spusi că România va ş-ţănă minduita echilibrată şi va s’monitorizeadz ma largu cu isihie, diadunu cu aliaţli a lui NATO, evoluţiile ditu viţina Ucraina.
Ucraina. România ma largu va s’ndrupască Ucraina viţină”, invadată di askerili ruse, diclară prezidintulu Klaus Iohannis dinintea ali Adunari Generală a Națiunilor Unite di New York. El adusi aminti că România diadi asistență umanitară directă aţiloru cama di 2,3 milioane di arifugaţ ucraineni cari trec sinurli a llei di la ahuhrita a polimlui. Tru marja Adunarillei Genearale a ONU, ministrul român di externe Bogdan Aurescu lo parti la ună andamasi cu membrilli a Formatlui București 9 (B9), cari suntu state membre NATO di pe flancul estic ali Alianță. Aurescu cundille ma largu ti agiutarea multidimensională tră Ucraina și tră presiuni suplimentare tră Rusiei, inclusiv pritu nă nauă pachetă di sancțiuni. El cundille simasia ti aduţeari ali Rusie dinintea ali justiție pritu ufilisearea a instrumentelor dreptului internațional.
Guvern. Guvernul ali României aprobă finanțare suplimentară tră industria di apărare, tră s’compenseadză creastirea a păhadzloru la materiale și servicii. Tru idyea andamasi di lucru, Executivul vulusi apofasea pritu cari s’repartizeadză sumele anănghisiti tră plata aţiloru aproapea 20.000 di persoane cari lucrară la catagrafia di estanu. Fu aprobată și Strategia Națională tră Economie Circulară, cari pruveadi nai ma hăirlătică metodă di colectare și reufiliseari a cupriiloru. Un altu document avizat marță di guvernul României mutreaşti posibilitatea ca unitățli administrativ-teritoriale s’dişcllidă consorții administrative tru cari resursa umană s’poată s’hibă ufilisită diadunu atumţea cându nu ari duri specialiști tru domenii di interes public.
Autoru: Udălu a hăbărloru
Armânipsearea: Taşcu Lala
