Hăbări ditu bana românească şi internaţională
AN SCOLAR – Aproapea 3 milioane di cilimeañi, preșcolari și școlari ditu România ahurhiră adză un nău an școlar tru cama di 17.800 di unități școlare ditu tută văsilia. Anlu școlar 2022-2023 va s’aibă 36 di săptămâni școlare ampărțăti tru ţinţi module, separate di ţinţi mini-vacanțe. Examenili intermediare numata va s’hibă obligatorii, kiro tru cari elevlli va s’aibă maş ună medie anuală tru loc di dauă. Ma multi unităț școlare au lucrări di znueari nibitisiti, kiro tru cari alti nu au autorizații di securitate la incendiu.
Newsroom, 05.09.2022, 18:00
AN SCOLAR – Aproapea 3 milioane di cilimeañi, preșcolari și școlari ditu România ahurhiră adză un nău an școlar tru cama di 17.800 di unități școlare ditu tută văsilia. Anlu școlar 2022-2023 va s’aibă 36 di săptămâni școlare ampărțăti tru ţinţi module, separate di ţinţi mini-vacanțe. Examenili intermediare numata va s’hibă obligatorii, kiro tru cari elevlli va s’aibă maş ună medie anuală tru loc di dauă. Ma multi unităț școlare au lucrări di znueari nibitisiti, kiro tru cari alti nu au autorizații di securitate la incendiu.
EURO – Euro scădzu sumu 0,99 USD tră prota oară tru aproapea dauă dikenii, tu kirolu anda lira sterlină easti tru scădire, după ţi apofasea ali Rusiei tra s’curmă livrărli di gaze naturale cătră Europa pritu conducta Nord Stream adusi frixea tru ţi mutreaşti evoluția a păhadzloru la energie și creastirea ali energie, dimăndă Reuters. Pi păzărli asiatiţi, euro s’vindu cu 0,9880 USD, nai ma scădzut nivel raportat ditu 2002, kiro tru cari lira sterlină fu vindută cu 1,4445 USD, un minim recordu tru doilli ani ditu soni nica și giumitate. Di la băgarea a lui tru 1999, euro fu la egalitate cu USD di nai ma multili ori. Aţea ditu soni oară cându euro scădzu sumu USD fu tru perioada 1999-2002, cându scădzu la un minim istoric di 0,82 USD tru sumedru 2000.
Triţearea a sinurlui – Inspectoratlu Romăn ali Poliţie di Sinuru dimăndă că aproapea 125.000 di oamiñi intrară şi işiră tru văsilie dumănică. Ditu aești, aproapea 11.500 eara cetățeni ucraineni, tru scădiari cu 4,73% andicra di dzuua di ma ninti. Ahurhinda cu 10 di şcurtu 2022, aproapea 2,2 miliuñ di ucraineni intrară tru România, ma mulţălli hiinda călisiţ cătră alti văsilii occidintali.
COMEMORARE — Prezidintulu ali Germanie, Frank-Walter Steinmeier și prezidintulu israelian, Isaac Herzog, llia parti adză la ţeremoniile ndreapti München, cari nsimneadză fănicolu di la Agiocurli Olimpiţi ditu 1972. Pi 5 di yismăciuni 1972, membri ali parei teroristă palestinienă Septembriu Laiu” intrară tru un apartament ali dilegație israeliene ditu hoara olimpic, di vătămară doi sportivi israelieni și loară slayi alță nauă cu nădia ti ună alăxeari di prizonieri. Intervenția a forțelor di securitate germane dusi la vătămarea a tutuloru ostatiţlor, un rezultat sândzirosu tră cari autoritățile vest-germane pricunuscură că suntu căbati şi eali. Tsinţi terorişti palestinieni fură tufikisiţ, iara alţă trei fură ncllişi. Cabinetul Scholz fu simfunu s’ahărdzească 28 di milioane di euro tră compensații. Tuti documentele ali anchetăva s’hibă disecretizate tra s’da izini a istoriţlor germani și israelieni s’akicăsească ma ghini evenimentele. Isaac Herzog și spusi umutea că apofasea va s’agiută familiile ţi suntu di jeali să s’vindică neise di aestu episod dureros ditu bana a lor. Președitutele Steinmeier pricănăscu că easti arșinos că Germania avu ananghi di 50 di ani tră s’poată s’păltească a fumelliloru a victimilor.
ANOTU – Anutătorlli români David Popovici și Bianca Costea amintară dumănică medalii di malămă la Campionatele Mondiale di anotu di juniori andreapti tru Lima, Peru. David Popovici amintă malăma la proba di 100 m liber, kiro tru cari Bianca Costea a amintă malăma la proba di 50 m liber feminin. Un altu anutător român, Vlad Stancu, amintă brundzulu la proba di 1.500 m liber. România s-clasă pi loclu 4 tru clasamentul final tră medalii, cu 4 medalii di malămă, 2 medalii di asimi și 2 medalii di brundzu. Medaliile di malămă fură amintati di echipa masculină di 4×100 m liber (David Popovici, Alexandru Constantinescu, Ştefan Cozma, Patrick Sebastian Dituu), di David Popovici la probele di 200 m şi 100 m liber, iar di Bianca Costea la proba di 50 m liber. Tru aestă veară, anutătorlli români avură rezultate ti anami, maxus David Popovici. Popovici amintă malăma la probele di 100 m și 200 m tru competițiile di seniori mondiale și europene.
Autoru: Udălu a hăbărloru
Armânipsearea: Taşcu Lala
