Hăbări ditu bana românească şi internaţională
Ordonanță – Guvernul ali Românie vulusi gioi ună nauă ordonanță di urgență cari reglementeadză păhadzlli rețurile tru domeniul energetic. Plafonul di compensare tră energia electrică tră persoane fiziţi scadi lișor și s’bagă supraimpozitarea amintatiţloru mări a companiilor ditu domeniu – ași-număsita contribuție di solidaritate. tutunăoară, suntu pruvidzuti compensații și plafoane tră IMM-uri, instituții publiţi, școli și spitale. Păhadzlli a gazelor naturale suntu tutunăoară compensate. Năili reguli s’bagă tru lucru kiro di un an. Guvernul mindueaşyti şi tră un proiectu di nomu cu numa Planul di iarnă”, cari va s’hibă adoptat săptămâna yinitoare. Peuveadi ma multi elemente, nica şi cantitatea di gaz natural ditu dzăcăminte. Tru aestă oară, ari cama di 2,2 miliardi di metri cubi tru dzăcăminte, s’clliamă aproximativ 73% ditu cantitatea totală di stocari a gazilor naturale.
Newsroom, 01.09.2022, 20:33
Ordonanță – Guvernul ali Românie vulusi gioi ună nauă ordonanță di urgență cari reglementeadză păhadzlli rețurile tru domeniul energetic. Plafonul di compensare tră energia electrică tră persoane fiziţi scadi lișor și s’bagă supraimpozitarea amintatiţloru mări a companiilor ditu domeniu – ași-număsita contribuție di solidaritate. tutunăoară, suntu pruvidzuti compensații și plafoane tră IMM-uri, instituții publiţi, școli și spitale. Păhadzlli a gazelor naturale suntu tutunăoară compensate. Năili reguli s’bagă tru lucru kiro di un an. Guvernul mindueaşyti şi tră un proiectu di nomu cu numa Planul di iarnă”, cari va s’hibă adoptat săptămâna yinitoare. Peuveadi ma multi elemente, nica şi cantitatea di gaz natural ditu dzăcăminte. Tru aestă oară, ari cama di 2,2 miliardi di metri cubi tru dzăcăminte, s’clliamă aproximativ 73% ditu cantitatea totală di stocari a gazilor naturale.
Strategie — Prezidintulu Klaus Iohannis spuni că băgarea tru lucru ali Strategie națională di prevenire și alumtă contra a antisemitismului, xenofobiillei, radicalizarillei și discursului instigator la ură dimonstreadză, nica ună oară, apofasea ali Românie ti promovari toleranța și buna akicăseari tru societate. Prezidintulu ali Românie adavgă tru mesajul a lui că, tru contextul actual aguditu di crize multiple, intoleranța și actili di prişcăville andicra di categorii cabai mulţă di oamiñi suntu tru creaștire, iara ahtări manifestări nu lipseaşti s’hibă străxiti”.
Sesiune — Senatorlli și diputațlli români ahurhiră gioi ună naua andamasi di lucru parlamentară, tru cadrul a curi va s’dibată prota ti prota Nomurli ali Justiției și Educației, documente pi cari parlamentarlli ali coaliție di guvernare le lugursescu prioritare. Proiectul di nomu mutrinda scutearea tr vidială tru sinferu public fu adoptat gioi di Senat, la cari s’faţi spuneari primlu organism, și reexaminat di itia a căftarillei prezidintului Klaus Iohannis. Proiectul di nom nkisitu di Guvern easti tra s’transpună tru legislația română ună directivă europeană mutrinda protecția avertizorilor – persoane cari dimăndă călcări a nomlui. Ditu opoziție, USR dipusi ună moțiune simplă contra a ministrului Energiei, cu numa România fără energie. Româñilli păltesc nota tră niaxizearea al Virgil Popescu
AIEA — Ună parei di experți di la Agenția Internațională tră Energie Atomică agiumsi gioi la centrala nucleară ditu sudlu ali Ucraină, după ună amănari di ndauă săhăţ di itia a bombardamentiloru fapti aproapea di obiectivu, dimăndă Reuters. Directorlu AIEA Rafael Grossi diclară ma ninti că vizita fu ună misiune tehnică” cu scupolu s’nu s’facă un accidint nuclear. Misiunea easti ună jgllioată cătă di-aputrusearea și dimilitarizarea” aluştui complex nuclear, diclară tru un interviu ministrul ucrainean ali Energiei, Herman Haluschenko. Centrala nucleară di la Zaporoje, nai ma mari ditu Europa, fu confiscată di ruși tru marţu, ama easti nica kivernisită di personal ucrainean. Perimetrul ali uzină fu bombardat ma multi ori arada tru meslu ditu soni, Kievul și Moscova agiumsiră s’arucă căbatea un-alantă ti atacuri.
Autoru: Udălu a hăbărloru
Armânipsearea: Taşcu Lala
