Hăbări ditu bana românească și internațională
Bucuresti – Autorităţile române salutaă agiutorlu ali Ghirmănie ti aderarea a Bucureștiului la Spaţiul Schengen şi ălli haristusiră a canțelarlui Olaf Scholz ti andruparea a lui. Tru zborlu țănut la andamasea ali UE, cari s’dizvrteaști Praga, aestu spusi că România, Croaţia şi Vărgăria tiňisescu tuti căftărli tehniți, iara a Spaţiului Schengen lipseaști s’hibă aviglleatu şi dezvoltat, aestă nsimneadză ncllidearea a guviloru armasi. Tru giumitatea a meslui cirișaru, trum arada a vizităllei ți u feați tru România, și prezidentlu ali Franţă, Emmanuel Macron, cundillea agiutorlu ti aestu scupo.
Newsroom, 29.08.2022, 10:24
Bucuresti – Autorităţile române salutaă agiutorlu ali Ghirmănie ti aderarea a Bucureștiului la Spaţiul Schengen şi ălli haristusiră a canțelarlui Olaf Scholz ti andruparea a lui. Tru zborlu țănut la andamasea ali UE, cari s’dizvrteaști Praga, aestu spusi că România, Croaţia şi Vărgăria tiňisescu tuti căftărli tehniți, iara a Spaţiului Schengen lipseaști s’hibă aviglleatu şi dezvoltat, aestă nsimneadză ncllidearea a guviloru armasi. Tru giumitatea a meslui cirișaru, trum arada a vizităllei ți u feați tru România, și prezidentlu ali Franţă, Emmanuel Macron, cundillea agiutorlu ti aestu scupo.
XXX — Askerea ucraineană ankisi un contraofensivă vărtoasâ contra a askeriloru arusi di invazie tru sudlu aputrusitua văsiliillei. Contraataca ucraineană ari tru scupo, prota ș-prota loarea diznău controlu tru Hersonu, un căsăbă cu 280.000 de bănători ninti di polimu, cari cădzu tru măňili a ruşilor tru ahuhrita ali lansate pi 24 di șcurtu. Adză s’feațiră vărtoasi atacuri di artilerie contra a pozițiilor inamiți (…) tru tut teritoriul a regiunillei acățată Herson. Aestă easti hăbarea ți u aștiptămu nica ditu primuveară. Easti ahurhita a bitisităllei di aputruseari ditu regiunea Herson” – dimăndă, la televiziunea ucraineană, deputatlu Serghei Klan. Militarllii ucraineni zburăscu, ti ritrădzearea a unei unitati di alumtători separatiști pro-ruși ditu regiune. Rusia spuni alliumtrea, că pimsi cilăstăserli a ucrainenilor tra s’niinteadză tru regiunile Herson și Mikolaiv, tut ditu sud. Controfensiva eșuă lamentabil”, a deapoa ucrainenii avură mări keardiri” — spuni ministerlu ali Apărari di Moscova.
Autoru: Udălu a hăbărloru
Armânipsearea: Tașcu Lala
