Hãbãri ditu bana româneascã şi internaţionalã
Tru 6 di yinaru, embistimeñilli ortodocși yiurtusescu Pãtidzarea a Hristolui; Premierlu ali Spanie, Pedro Sánchez, va syinã volt1 tu România ti muabeţ mutrinda darea-a cetãteniillei diplo.
Newsroom, 06.01.2024, 20:24
SISTEMLU MEDICALU — Colegiulu a Yeaţãrloru di București facu timbihi ti xikea criticã di personalu medical și faţi apel la autorități s’curmã nglliţarea a posturloru vacante ditu sistemul medical. Tru aestã oarã, sistemul s’confruntă cu unã xiki sertã di profesioniști ditu domeniulu a sănătatillei, maxus București, iu vãrã 900 di ipotisi vacante nu suntu acãtati cu lucãrlu. Tru un comunicat di presă, Administrația Spitalelor și Serviciilor Medicale feaţi timbihi și că niacãţarea tu isapi a crizãllei și ñicurãrli serti la bugetele a spitalelor bagã tu piriclliu bana-a paciențãlor.
POLIMU TU GAZA – Hezbollah aminã dzãţ di rachete contra unei baze militare ditu na nordul a Israelui, spunãndalui ti atacã cã easti unã represalie la vãtãmarea a doilui lider al Hamas, tru unã goadã chirurgicală tu mardzina-a ditu sud a Beirutlui. Israelul nu ș’revendicã ama responsabilitatea trã atacã. Di altă parte, coordonatorul ONU trã Gaza feaţi timbihi că teritoriul agiumsi pondu, neise ti nibãnari. Dupu trei meşi di la lãhtãroasili atacuri ditu 7 di sumedru, Gaza agiumsi un loc a moartillei și a lãhtãrsearillei. […] Oamiñilli a lui suntu martorlli dzuuã di dzuuã la fuvirseri la adresa işişi existențãllei a loru — tru kirolu anda lumea ari tu mengã”, sumsecretarlu ghenearal al ONU trã Afaceri Umanitare, spusi Martin Griffiths. Tu arada-a llei, UNICEF spusi că, după trei meşi di polimu, malnutriția și lãngorli tru Cumata Gaza creeadză un ţiclu mortal cari fuvirseaşti cama di 1,1 miliuñi di cilimeañi”.
SĂRBĂTOREA — Tru 6 di yinaru, embistimeñilli ortodocși yiurtusescu Pãtidzarea a Hristolui, vidzutu ca manifestarea a lui dinintea a lumillei ca Hilliu a Dumidzãlui. Tru Bãserica Romano-Catolică aestă dzuuã easti cunuscută sumu numa di Ptigiuni/ Tafota, cari comemoreadză și vizita a mayiloru și numta di la Cana. Embistimeñilli cari llia parti la liturghie tru aestă dzuuã llia apă ayiusitã, simbol a pãtidzarillei a Hristolui tru apili a Iordanlui.
ISAPEA – Româñllii agiumsirã nai cama marea minoritati națională ditu Germania, uidisitu cu isãkili ufiţiali publicate di autoritățli locale. Tru perioada 2015-2022, numirlu a românilor cari bãneadzã tora tru aestă vãsilie agiumsi diplo, neise vãrã 900.000. Româñilli ãlli nãstrecu aşi polonezlli, cari suntu aproapea idyealui mulţã tunumiru, și pi minoritatea națională italiană, di agiungu la aproapea 650.000 di oamiñi. Aţeali ditu soni isãki ufiţiali publicate anlu tricutu di Ministerul di Externe ali Românie spuni cã aproapea 5,7 miliuñi di români bãneadzã tora tu xeani.
VOLTA – Prim-ministurlu ali Spanie Pedro Sánchez easti aștiptat s’yinã una volta tu România trã discuții mutrindalui cetățenia diplo. Izvuri ditu cadrulu a Guvernului spaniolu spun că un nãu acordu va li apufuseascã condițiile ta s’llia cetățenia româno-spaniolã, tru kirolu anda ufiţialu spaniolu easti aștiptatu s’viziteadzã România ta s’vuluseascã documentulu. Unã cãliseari eara faptã di premierlu Marcel Ciolacu tru , tu arada a vizitãllei di anlu tricut faptã Malaga. Aproapea 629.000 di români bãneadzã tu aistu kiro tru Spania și va s’aibã hãiri di aestã apofasi. Inițiativa eara acãţatã tu muabeatea a sesiunillei guvernamentale comune ţãnutã Castellón di la Plana tru brumaru 2023, cari apufusi și unã cãlindari ama dişcllisi si comiteti bilaterale cari lucreadză ti aestu proiectu. Tru aestu kiro, Spania ahãrdzeaşti cetățenia diplo maş ti cetățeañilli ali Franțã și Portugalie.
Autoru: Udãlu a Hãbãrloru
Armãnipsearea: Taşcu Lala
