Hăbări ditu bana românească şi internaţională
MEDALIE. Anutătorlu român David Popovici amintă malăma la proba di 200 di meatri liber a Campionatelor Europene di Nataţie di la Roma. Popvici, tru ilikia di 17 ani, campionlu mondial en titre, bitisi cursa tru ună minută, 42 di secundi și 97 di sutimi, un nău recordu mondial și european. Aduţemu aminti că Popovici amintă malăma și la cursili di 100 și 200 di meatri liber di la Campionatele Mondiale di Budapesta. Anutatorul român amintă titlul sâmbătă seara şi la proba di 100 di meatri liber cu un nău record mondial di 46 di secundi și 86 di sutimi. Anuotătorlu român easti aștiptat s’anoată şi ñiercuri tru cursa di 400 di meatri.
Newsroom, 16.08.2022, 19:11
MEDALIE. Anutătorlu român David Popovici amintă malăma la proba di 200 di meatri liber a Campionatelor Europene di Nataţie di la Roma. Popvici, tru ilikia di 17 ani, campionlu mondial en titre, bitisi cursa tru ună minută, 42 di secundi și 97 di sutimi, un nău recordu mondial și european. Aduţemu aminti că Popovici amintă malăma și la cursili di 100 și 200 di meatri liber di la Campionatele Mondiale di Budapesta. Anutatorul român amintă titlul sâmbătă seara şi la proba di 100 di meatri liber cu un nău record mondial di 46 di secundi și 86 di sutimi. Anuotătorlu român easti aștiptat s’anoată şi ñiercuri tru cursa di 400 di meatri.
BUGET. Guvernul di București ndreadzi stămâna aesta prota ajustare bugetară tru 2022, cari fu lugursită di premierlu a văsiliillei, Nicolae Ciucă, hiinda pozitivă. Ministerele Finanțelor, Muncii și Proiectele Europene va s’amintă ma mulță păradz, idyea și Ministerele a Sănătatillei, Energiillei, Transporturilor, Justiției și Agriculturăllei. Ministerele di Interne, Mediul și Cultura ș-vidzură findurli ñicurati, kiro tru cari ministrul a Finanțelor Adrian Caciu dimăndă că ună prioritate clleaie suntu misurle loati di Executiv tra s’da silă a economiilla și s’ndrupască cetățenii pe fondul a unăllei inflații tru creaștire. Ntră misurli adusi aminti ma ndzeană ună schemă di agiutoru cari vizează compensarea a păhadzloru tru creastire la gaze și energie electrică, sumvenții di stat tră consumlu di combustibil tru agricultură cum și mpărmuturi tră fermieri. Simfunu cu năili misuri, dificitul bugetar anărtuşitu easti lugursitu tra s’treacă di 16 miliardi di euro, atea ţi reprezintă 5,8% ditu PIB.
SINURI. Pisti 1.500.000 di persoane, români și xeñi, au tricură sinurli ali Românie tru dzălili di 12 și 15 di agustu, dimăndă adză Inspectoratlu General ali Poliție di Frontieră. Nai ma intensu trafic fu raportat la sinurlu ali României cu Ungaria. 13 di ñilli di cetățeni ucraineni intrară luni tru România cu 0,2% ma multu andicra di dzua di ma ninti, di lu alină la 2 milioane numirlu a arifugațlor cari tricură tru România ditu ahurhita a conflictului ditu şcurtu.
UCRAINA. Ună instanță separatistă pro-rusă ditu Donețk, estul ali Ucraină, stipsi ţinţi cetățeni xeñi, nica şi un suediz, un croat și un britanic, capturaț tru alumta diadunu cu askerili ucrainene di mercenari. Uidisitu cu presa arusă, ti atelli trei ari căbilea s-agiungă la ună condamnare la moarte. Nă aduţemu aminti că autoritățle ditu Dontesk condamnară tru cirişaru la moarte doi cetățeni britanici și un marocan, ama nu u băgară tru practico sentința. Uidisitu cu niscnti rapoarte, artileria ucraineană agudi cartierlu general a gruplui paramilitar arusesc Wagner ditu estul ali Ucraină. Gruplu Wagner fu dizvărtitu tru Crimeea și tru regiunea Donbas a Ucrainăllei tru 2014, cându forțele andrupăti di Rusia avinară askirladzlli ucraineni ditu zonili pi cari li diclarară cama dipoa ca hiinda parti ali Rusie. Unităț Wagner fură dzivărtiti, tutunăoară tru Siria, Libia, Mali și Republica Centrafricană. Informațiile occidintale leagă gruplu di oligarhul rus Evgheni Prigojin, cari fu paranumăsitu măyirgilu al Putin, di iita acă emburlăkea a lui di catering lu agiută di multu pi prezidintulu Putin și forțele a lui armate.
Autoru: Udălu a hăbărloru
Armânipsearea: Taşcu Lala
