Hăbări ditu bana românească şi internaţională

Sărbătoari. Embistimeilli criștiñi yirtusescu adză Stă Maria aţea Marea, una ditu naia ma mări sărbători a anlui. Aproapea 2,3 milioane di români ş-yiurtusescu adză dzua di numa. 15 di agustu easti și dzua ali Marină, di itia că Stă Maria easti vigllitoarea a marinarlor. Evenimente tra s’nsimneadză aestă dzuă s’feaţiră tru porturile di la Dună și Amarea Lae ditu România. La festivitățile di Constanța eara viniţ prezidintulu ali României, Klaus Iohannis, care cundille simasia a lucurlui ţi lu fac marinarlli, care cafta curbani ama au şi haristuseari. Și premierlu Nicolae Ciucă pitricu un mesaj, spunănda că va s’ndrupască programili di modirnizare ali armată română. Tru arada a lui, ministrul apărarillei Vasile Dincu și spusi căndăsearea că, ahurhinda di anlu ţi yini, Forțele Navale Române va s’hibă ma ghini echipate și andreapti. Di Dzua a Marinăllei, vizitatorlli a portului Constanța pot s’mutrească expoziții și ună alumtă pi amare virtuală.

Newsroom, 15.08.2022, 18:47

Sărbătoari. Embistimeilli criștiñi yirtusescu adză Stă Maria aţea Marea, una ditu naia ma mări sărbători a anlui. Aproapea 2,3 milioane di români ş-yiurtusescu adză dzua di numa. 15 di agustu easti și dzua ali Marină, di itia că Stă Maria easti vigllitoarea a marinarlor. Evenimente tra s’nsimneadză aestă dzuă s’feaţiră tru porturile di la Dună și Amarea Lae ditu România. La festivitățile di Constanța eara viniţ prezidintulu ali României, Klaus Iohannis, care cundille simasia a lucurlui ţi lu fac marinarlli, care cafta curbani ama au şi haristuseari. Și premierlu Nicolae Ciucă pitricu un mesaj, spunănda că va s’ndrupască programili di modirnizare ali armată română. Tru arada a lui, ministrul apărarillei Vasile Dincu și spusi căndăsearea că, ahurhinda di anlu ţi yini, Forțele Navale Române va s’hibă ma ghini echipate și andreapti. Di Dzua a Marinăllei, vizitatorlli a portului Constanța pot s’mutrească expoziții și ună alumtă pi amare virtuală.

Pompierlli. Pompierlli români ş-duc ninti misiunea tru zona Chapelle Saint Blaise, la sud di Bordiaux, Franța. Tru regiune eara arădăpsiţ 36 di pompieri și ma multe echipamente, iu lipseaşti s’lucreadză tru condiții serti: temperaturi analti, umiditate scădzută și vimturi vărtoasi. Misiunea a lor easte s’nkeadică tindiarea a foclui tru zona rezidințială și s’astingă fucurinli ascumti. Un total di 77 di pompieri andrupăscu autoritățile franceze tru alumta a lor contra a incendiilor cauzate di căldură extremă și xerea sertă.

Tenis. Agiucătoarea română di tenis Simona Halep di fară armănească (15 WTA) amintă turneul WTA 1.000 di la Toronto (Canada), cu premii tru păradz di pisti 2,5 milioane di dolari. Ea u azvimsi, dumănică, tru finală, brazilianca Beatriz Haddad Maia (24 WTA), scor 6-3, 2-6, 6-3. Simona amintă aşi ti a treia oară Canadian Open, după finalele pi care li amintă la Montreal tru 2016 și 2018. Ti fosta lidir mondială, aesta easte al 24-lea titlu ditu carieră. După victoria di la Toronto, Simona Halep alină nauă locuri tru clasament și easte tora pi locul șase tru clasamentul WTA.

Record mondial. Anutătorul român David Popovici s-califică adză tru finala di 200 m liber la Campionatul European di Nataţie di la Roma. Sâmbătă, apufusi un nou record mondial la 100 di metri stil liber. Atletlu di 17 ani easte și campioanu mondială la proba di 200 m liber. România easte reprezentată la Roma di ună dilegație di 11 di sportivi.

Autoru: Udălu a hăbărloru

Armânipsearea: Taşcu Lala