Hăbări ditu bana românească şi internaţională

Yiurtuseari. Cama di 200 di ñilli di turişti suntu aştiptaţ, dzălili aestea, pe litoralul românesc di la Amarea Lae, s’treacă ñicavacanţa cu furñia a Sărbătoarillei ti Stă Măria, ditu 15 di august, când va s’hibă nsimnată şi Dzuua a Marinei Române. Porturile armatei Constanța și Mangalia ș’dişcllisiră adză porţăli, aşi că bănătorlli și turiștilli pot s’veadă pampori militare, expoziții tehniţi și di armament ică standuri cari părăstisescu ofertele educaționale a instituțiilor militare di învițămintu. Luni, atenția a tutulor v a s’hibă cătă evenimentili organizate ti sărbăturisirea a marinăllei. Milli di oamiñi suntu aştiptaţ la difilarea a pamporiloru pi amari, Constanţa, şi la un exerciţiu naval la Mangalia, ama şi la concursurile şi agiocurli di navigaţie ditu porturli turistiţi a aţiloru dauă localităţ. Seara, va s’aibă concerte di muzică și spectaculoasa ritrădzeari cu torțe a marinarilor, cum și focuri di artifitii. Până atumţea, tru aestu weekend, româñilli care aleapsitră tra ş’facă mini-vacanța mardzina ali amari pot s’hărsească cu un şingiru di evenimente di discurmari, di la seri di teatru și muzică, spectacole di operă și balet până la un festival pop-rock și un festival di jazz organizat tru aer liber. Tru aestu kiro, 25.000 di lucrători a Ministerului di Interne – polițiști, jandarmi ică pompieri – suntu mobilizaț la nivel național tra s’asiguripsească arada şi siguranța publică.

Newsroom, 13.08.2022, 19:59

Yiurtuseari. Cama di 200 di ñilli di turişti suntu aştiptaţ, dzălili aestea, pe litoralul românesc di la Amarea Lae, s’treacă ñicavacanţa cu furñia a Sărbătoarillei ti Stă Măria, ditu 15 di august, când va s’hibă nsimnată şi Dzuua a Marinei Române. Porturile armatei Constanța și Mangalia ș’dişcllisiră adză porţăli, aşi că bănătorlli și turiștilli pot s’veadă pampori militare, expoziții tehniţi și di armament ică standuri cari părăstisescu ofertele educaționale a instituțiilor militare di învițămintu. Luni, atenția a tutulor v a s’hibă cătă evenimentili organizate ti sărbăturisirea a marinăllei. Milli di oamiñi suntu aştiptaţ la difilarea a pamporiloru pi amari, Constanţa, şi la un exerciţiu naval la Mangalia, ama şi la concursurile şi agiocurli di navigaţie ditu porturli turistiţi a aţiloru dauă localităţ. Seara, va s’aibă concerte di muzică și spectaculoasa ritrădzeari cu torțe a marinarilor, cum și focuri di artifitii. Până atumţea, tru aestu weekend, româñilli care aleapsitră tra ş’facă mini-vacanța mardzina ali amari pot s’hărsească cu un şingiru di evenimente di discurmari, di la seri di teatru și muzică, spectacole di operă și balet până la un festival pop-rock și un festival di jazz organizat tru aer liber. Tru aestu kiro, 25.000 di lucrători a Ministerului di Interne – polițiști, jandarmi ică pompieri – suntu mobilizaț la nivel național tra s’asiguripsească arada şi siguranța publică.

Pompierii. Pompierii români ţi agiumsiră tru Franța ș’dizvărtiră aseara prota misiune tru aestă văsilie, iu avură intervenţie tra s’apridună arâspăndiarea a unui incendiu tru casi cu bănători și cilăstisiră ti curmarea a fucuriniloru scumti pi ună suprafață di piste doi kilometri pătraț. Operațiunile eara fapti di 19 ditu aţelli 77 di pompieri militari români dislocaț tru sud-ascăpitata a Hexagonului. Aduţemu aminti că misiunea di agiutoru pi cari România u da a autoritățlor franceze tru alumta contra a incendiilor di vegetație s’faţi pi thimellilu a căftarillei di asistență internațională formulată di Guvernul francez pritu Mecanismul european di protecție ţivilă.

Concursuri. România amintă adză medaliili di malămă la probele di dublu vâsle feminin și masculin la Campionatele Europene di canotaj di Munchen. Tut adză, anutătorlu român David Popovici, campion mondial la 100 și 200 m liber, amintă adză finala di 100 m liber a Campionatelor Europene di Anutari di Roma. La campionatele di Roma, România easte reprezentată di 11 sportivi, concurând tru probele di anot, scufundări și scufundări mari.

Tenis. Agiucătoarea română di tenis Simona Halep s-califică, aieri, tru semifinalele a turneului WTA 1.000 di la Toronto, cu premii tru păradz di pisti 2,5 milioane di dolari. Halep (30 di ani, 15 WTA) u azvimsi agiucătoarea americană Cori Gauff cu 6-4, 7-6. Tru penultimul act ali competiție, va u andămusească americancă – Jessica Pegula. Aţealli dauă va s’antreacă ti prota oară tru circuitul profesionist. Simona Halep amintă di două ori Canadian Open, care s’agioacă alternativ la Montreal și Toronto, cathi oară amintănda când competiția s’ţănu Montreal (2016, 2018). Ea kiru finala din 2015 di la Toronto.

Autoru: Udălu a hăbărloru

Armânipsearea: Taşcu Lala