Hăbări ditu bana românească şi internaţională
Rectificari — Proiectul di nom di rectificari bugetară tipusitu pe site-ul a Ministerlui a Finanțelor ditu România pruveadi criștearea a amintatiţlori cu pisti 21 miliardi lei (aproape 4,3 miliardi euro), cum și un dificit bugetar criscut, cu 2,64 miliardi lei (aproape 538 milioane euro) . Majoritatea a pătadzloru va s’hibă daţ la Ministerele a Lucărlui, Sănătatillei, Energiillei, Agriculturăllei şi Transporturilor. Ministerul di Interne, Ministerul Culturii, Ministerul Mediului și Serviciul di Telecomunicații Speciale va s’aibă bugetili ñicurati cabaia. Păradzlli suplimentari alocaţ ti Ministerlu a Lucurlui sunt ahărdziţ ti asistență socială și compensare tră facturile la energie a familiilor cu amintatiţi ñiţ. Rectificarea bugetară pozitivă faptă di Ministerul Finanțelor anvăleaşti plata a tocurloru, asigurarea a fondului di rezervă la cari dispune Guvernul și agiutorul di stat tră născănti companii. Tru aţea ţi mutreaşti Ministerul ali Energie, păradzlli n’plus sunt ahărdziţ ti hărgili di personal și schema di agiutoru tră compensarea a păhadzloru la energie electrică și gaze naturale.
Newsroom, 12.08.2022, 19:18
Incendii — România pitreaţi pompieri și echipamente speţifiti tru Franța tra s’agiută ti astindzearea a incendiilor forestiere cari zñiipsescu regiunea di sud-vestu a Girondăllei. Aproapea 77 di pompieri și 17 echipamente di intervenție va s’hibă pitricuti tru misiune la căftarea a Guvernului francez, pritu Mecanismul european di protecție civilă. Dauă avioane strateghiţi di transport fudziră di București și Timișoara (vest) cu protili echipamente, a diapoa adză un treilu avion va-lli poartă pompierlli. Prezidintul ali Franță, Emmanuel Macron, haristusi ali Românie și alăntoru văsilii cari agiută Franța s’astingă incendiile, şi spuni ti aestă ascumbuseari ca hiinda ună dimonstrație di solidaritate europeană.
Festival — Trupi ccunuscuti catacum Arctic Monkeys, Nothing but Thieves, Inhaler, Roosevelt, Self Estiem, Hayes & Y va s’concerteadză la XI-a ediţie a Summer Well Festival, cari ahurheaşti adză, la ciuflikea Ştirbey ditu Buftea, ningă Bucureşti. Rockerllii britaniţ di la Arctic Monkeys, aștiptaț cu niarăvdari la festivalu Summer Well, yinu tru România tru cadrul unăllei voltă european cari includi și Ungaria, Turcia, Bulgaria, Croația, Cehia și Olanda. Adză, pe scena prinţipală va s’alină Future Islands, Channel Tres, Sad Night Dynamite, Lea Porcelain, Dylan Fraser. Tutunăoară miraclleadzlli di muzică va s’hărsească cu iholu al Şuie Paparudi, Flight Facilities şi Cătălina Cara. Tru 2021, Summer Well eara nicukira a unei ediție specială număsită Ediție limitată.
Fotbal — Trei parei di fotbal românești s-calificară, gioi, acasă, tru play-off-urile a Ligăllii Europa Conference și au șansi s’agiungă tru faza a grupilor. FCSB azvimsi cu 1-0 pareia slovacă FC DAC 1904 Dunajska Streda tru manșa secundă a treilui turu preliminaru, după ţi amintă tru protlu meci cu 1-0. Tru etapa yinitoari, FCSB va s’agioacă cu Viking Stavanger (Norvegia). CFR Cluj azvimsi cu 1-0 formația belarusă Shahtior Soligorsk, după ţi protlu a loru meci s-bitisi la egalitate, 0-0. Campioana ali Românie va s’agioacă tru play-off cu NK Maribor ditu Slovenia. Iara Universitatea Craiova azvimsi cu 3-0 pareia ucraineană Zaria Lugansk, după ţi amintă cu 1-0 tru prota partidă. Tru etapa yinitoari, U Craiova va s’agioacă cu Hapoel Beer-Sheva FC ditu Israel. A patra echipă românească ditu Europa Conference League, Sepsi OSK Sfântu Gheorghe, fu eliminată di echipa suediză Djurgaardins IF.
Robor — Indiţili ROBOR la 3 meşi, pie thimellilu a curi s’faţi isapi ti custusearea a mpărmuturloru cu dobândă variabilă, s’turnă la ună valoare sum praglu di 8% pi an. Banca Națională ali Românie dimăndă că indicele scădzu viniri la 7,98%, di la 8,02% pe an raportat tru dzua precedintă. Tu ahurhita a anlui 2022, indicele ROBOR la 3 meşi eara di 3,02% pi an.
Autoru: Udălu a hăbărloru
Armânipsearea: Taşcu Lala
