Hăbări ditu bana românească şi internaţională

NASA – Experțălli români agiută la dizvoltarea a naima sofisticat braț robotic pi care NASA ari naeti s’lu ufilisească pi Marte. Aestu dispozitiv va ş’ahurhească urdituarea călătoria cătră planeta aroșe tru a daua giumitate a aluştui diceniu și va s’aterizeadzăa aproape di robotul american Perseverance, care tru aestu kiro adună mostre di pi Marte. Brațlu robotic va s’hibă ufilisitu tra s’adună probe di rocă și arină și tra s’li pitreacă pi Pimintu 11 ani ma amănatu. Bratlu easti autonom si multu vărtosu. Disignul a lui ş’aduţi cu un braț uminescu, cu anumiru, cot și ligătură și ari mădua işiş și oclli. Robotlu easti axi s’adară ună mnată largă di minări.

Newsroom, 07.08.2022, 17:02

NASA – Experțălli români agiută la dizvoltarea a naima sofisticat braț robotic pi care NASA ari naeti s’lu ufilisească pi Marte. Aestu dispozitiv va ş’ahurhească urdituarea călătoria cătră planeta aroșe tru a daua giumitate a aluştui diceniu și va s’aterizeadzăa aproape di robotul american Perseverance, care tru aestu kiro adună mostre di pi Marte. Brațlu robotic va s’hibă ufilisitu tra s’adună probe di rocă și arină și tra s’li pitreacă pi Pimintu 11 ani ma amănatu. Bratlu easti autonom si multu vărtosu. Disignul a lui ş’aduţi cu un braț uminescu, cu anumiru, cot și ligătură și ari mădua işiş și oclli. Robotlu easti axi s’adară ună mnată largă di minări.

DIASPORA – Românii ditu diaspora cari au tru lan tra s’toarnă și s’investească tru ună emburlăki cari thimilliuseaşti nai ma pţănu 2 năi locuri di lucru pot s’amintă finanțare di până la 40.000 di euro tru cadrul a edițillei a III-a a programlui Start-Up Nation, diadi hăbari Ministerul a Turismului ditu România. Solicitanțăllii a curi start-up thimilliuseaşti maş un loc di lucru potu tra sllia până la 20.000 EUR. Tra s’aibă hăiri di programul di 4 milioane EUR, solicitanțăllii lipseaşti s’prezintă dovada a reședințăllei tru xeani.

BUGET — Tră dzălili ţi yinu fu programată ună ajustare bugetară, dimăndă premierul Nicolae Ciucă, adăvgânda că ună ñicurari cu 10% a hărgiloru cu bunuri și serviţii va s’hibă operată di cathi minister. tutunăoară, va s’hibă analizate programe di agiutoru și programlu Start-Up Nation tră antreprenorllii români, inclusiv aţelli ditu Diaspora.

YIPTURI – Nădiili ca Ucraina s’exportă, tru dzălili ţi yinu, cantităț mări di yipturi pritu porturile armase la Amarea Lae suntu tru creaștire. Rusia, Ucraina, Turcia și ONU autorizară nica ţinţi transporturi di yipturi și ntulemnu di floarea soarelui tru valoare totală di 160 di ñilli di tonuri. Tru aestu kiro, ună pampori ţi easti sum hlambură xeană agiumsi tru Ucraina pritu un port ditu reghiunea Odisa, tră prota oară di la ahuhrita a polimlui, și va s’poartă yipturi. Prezidintulu ucrainean Volodymyr Zelensky și spusi pistipsearea că transporturli di yipturi va u ayălisească criza alimentară globală.

UNTOLD – Nai ma aștiptat festival di muzică ditu aestă veară, Untold, dizvărtitu la Cluj Napoca, nord-vestul ali Românie, s’bitiseaşti adză. Evenimentul s’dizvărteaşti pi ma multi scene, cu pisti 200 di artiști români și xeñi, cum și nai mai buñi DJ ai lumillei, concertânda până dumănică seara. Tema a festivalului di anlu aestu easti Templul a Lunăllei”, un concept artistic cari scoate tru vidială comata mitologică ali Transilvanie, vidzută ca vatră a noaptillei şi ali măyie. Dzăţ di standuri vind alimente, biuturi, strañe și gadgeturi. Organizatorllii s’așteaptă la ediția di estan s’llia parti pisti 400.000 di oamiñi.

Autoru: Udălu a hăbărloru

Armânipsearia: Taşcu Lala