Hăbări ditu bana românească şi internaţională

Misiune — Adză, Forțele Aeriene Regale Canadiene ahurhescu ună misiune di poliție aeriană tru România. Ministerul Apărării dimăndă că un ditașament di 180 di militari, cu șase avioane CF-188 Hornet, va s’opereadză sum comanda NATO tru yinitorlli patru meşi, diadunu cu militari ai Forțelor Aeriene Române, și va s’llia parti alte două avioane CF-188 Hornet, tru idyea perioadă, tru exerciţii organizate cu aliaţii NATO. Easte a șasea rotație di canadieni la baza militară Mihail Kogălniceanu (sud-est), după ateali ditu 2017, 2018, 2019, 2020 și 2021. Militarllii canadieni dizvărtiră ună misiune tru România, la Câmpia Turzii (centru), tru 2014. Dizvărtearea a aeronavelor CF-188 Hornet tru România ‚ngrăpseaşti tru Planul di acțiuni ti asigurarea capacitatillei operaționale a NATO pe Flancul estic emu tru ​​zonele di nord, emu și di sud și dimonstreadză unitatea și apufusearea a Alianței ca apandisi la provocările mediul di securitate — spuni Ministerul Român ali Apărari.

Newsroom, 04.08.2022, 18:45

Misiune — Adză, Forțele Aeriene Regale Canadiene ahurhescu ună misiune di poliție aeriană tru România. Ministerul Apărării dimăndă că un ditașament di 180 di militari, cu șase avioane CF-188 Hornet, va s’opereadză sum comanda NATO tru yinitorlli patru meşi, diadunu cu militari ai Forțelor Aeriene Române, și va s’llia parti alte două avioane CF-188 Hornet, tru idyea perioadă, tru exerciţii organizate cu aliaţii NATO. Easte a șasea rotație di canadieni la baza militară Mihail Kogălniceanu (sud-est), după ateali ditu 2017, 2018, 2019, 2020 și 2021. Militarllii canadieni dizvărtiră ună misiune tru România, la Câmpia Turzii (centru), tru 2014. Dizvărtearea a aeronavelor CF-188 Hornet tru România ‚ngrăpseaşti tru Planul di acțiuni ti asigurarea capacitatillei operaționale a NATO pe Flancul estic emu tru ​​zonele di nord, emu și di sud și dimonstreadză unitatea și apufusearea a Alianței ca apandisi la provocările mediul di securitate — spuni Ministerul Român ali Apărari.

Festival — Adză după-prăndzu, căsăbălu Cluj-Napoca, din nord-vestul României, da startul a VII-llei ediții a Festivalului di Muzică Electronică UNTOLD. Ceremonia oficială di dişcllidiari, un spectacol unic a germanului Claptone va s’hibă ună premieră ti România. Artistul va s’hibă diadunu cu 100 di giucători și animatori, tru un spectacol di bal mascat, iara ñilli di prusupidi va s’hibă durusiti a fanilor. Participanțălli la festivalul UNTOLD va s’hibă aştiptaţ di personaje fantastiţi, acrobați internaționali, animatori, majorete și giucători din România, Franța, Olanda, Marea Britanie, Germania și Ucraina, cum și di paradi și spectacole cu foc ică LED. Festivalu UNTOLD va s-ţănă până tru 7 di agustu și va s’dizvărtească tru ma multe locații, inclusiv tru atea principală – stadionlu Cluj Arena. Nai ma buni DJ ditu lume suntu aștiptaț s’ţănă concerte. Organizatorii estimează că aproximativ 400.000 di spectatori va s’llia parti la festivalu UNTOLD, cari easte unu di nai ma mări festivaluri ditu lume.

Robor — Indicele ROBOR la ​​trei meşi, simfunu cu cari s’faţi isapea ti custusearea a creditelor di consum tru lei cu dobândă variabilă tru România, alină gioi la 8,11% pi an, di la 8,05% pi an tru sesiunea precedintă, cari easte nai ma mare nivelul ditu aeştă ditu soni 12 ani. Tu ahuhrita a anlui 2022, indicele eara di 3% pi an. Ratele la creditele ipotecare și la creditele Prima casă” criscură cu 50% andicra di ahurhita a anului și aproapea agiumsi diplo andicra di aoa şi ndoi añi. IRCC, indicele di referință tră creditele di consum, easte di 2,65% pi an, tru creaștere andicra di atelu publicat aoa şi trei meşi, di 1,86%. Tru treiilli meşi ditu soni, piste 10.000 di beneficiari a programului Prima casă” căftară alăxearea a turliillei di făţeari isapi a toclui, pritu treatirea di la ROBOR la ​​IRCC.

China – Armata chineză amină proiectile nidintificate cătă strimtoarea Taiwan gioi, la şcurtu kiro după ţi ahuhriră cu exerciții militare majore anvărliga a nisiillei revendicate di Beijing, dimăndă AFP și Reuters. China ahurhi nai ma importante manevre militare ditu istoria a llei anvărliga a Taiwanului, ca apandisi la vizita Președintelui Camerei Reprezentanților SUA, Nancy Pelosi, la Taipei. Pelosi easte nai ma analtu oficial aleptu a SUA cari vizită Taipei tru 25 di ani ditu soni, iu diadi asiguripseri că America nu va lu abandoneadză Taiwanul, cari easte cumădnusitu di un regim dimocratic și băneadză sumu fuvirsearea constantă cu aputrusearea ali askeri kineză. Taiwan condamnă manevrele militare chineze.

Autoru: Udălu a hăbărloru

Armânipsearia: Taşcu Lala