Hăbări ditu bana romãnească şi internaţională
PROGRAM Treia ediție a programului Start-Up Nation, ţi ari tru scupo dizvultarea a hărloru antreprenoriale tru arada a tinerilor și licşurări tră s’aibă aeşţă dişcllisă calea ti finanțare, va s’ahuhrhească tru 19 di alunaru. Candidațllii lipseaşti s’dipună candidaturile până la 1 di yismăciuni, iara bugetlu easti lugursitu anvărliga la 440 di milioane di euro. Va s’hibă hăzări granturi di până la 20 ñilli di euro tră thimilliuseari năi locuri di lucru, iara aestă ediție yine cu ună premieră; granturi dişcllisi si ti românilli di tu xeani. Schema va s’hibă valabilă până tru andreu 2027 și pălterli va s’facă până tru 31 di andreu 2028.
Newsroom, 17.07.2022, 13:02
PROGRAM Treia ediție a programului Start-Up Nation, ţi ari tru scupo dizvultarea a hărloru antreprenoriale tru arada a tinerilor și licşurări tră s’aibă aeşţă dişcllisă calea ti finanțare, va s’ahuhrhească tru 19 di alunaru. Candidațllii lipseaşti s’dipună candidaturile până la 1 di yismăciuni, iara bugetlu easti lugursitu anvărliga la 440 di milioane di euro. Va s’hibă hăzări granturi di până la 20 ñilli di euro tră thimilliuseari năi locuri di lucru, iara aestă ediție yine cu ună premieră; granturi dişcllisi si ti românilli di tu xeani. Schema va s’hibă valabilă până tru andreu 2027 și pălterli va s’facă până tru 31 di andreu 2028.
CATAGRAFIA. Catagrafia a bănătorloru şi a casiloru ditu Romania fu prilundzită cu ună stamana, neise pănă tru 24 di alunaru tra s’agiungă la un proţentu/ gradu aprucheatu di 100%. Românii pot s’așteaptă un revizor ică potu tra s’ducă la locărli speciale operate di primăriile raionale, care tru kirolu ditu soni eara vizitate di un numir mare di oamiñi, diadi hăbari caplu a Institutului Național di Statistică Tudorel Andrei. Oamiñilli cari nu vor tra s’llia parti la catagrafie va s’păltească, neise amendă pănă la 600 di euro.
KIROLU. Dalga di căldură care ma largu acaţă iruşi tru notlu ali Europă feaţi mări focuri di ierghi pi ună coasta croată și tru nisia Creta. Focurli di vegetație feaţiră zñie și tu Spania, a diapoa pompierllii eara arădăpsiţ tru Extremadura, ascăpitata a văsiliillei iu 3 ñilli dioamiñi fură purtaţ ditu reghiunea ditu notlu ali Malaga. Serviţiili di urgență alumtă cu focurli care zñiipseaşti reghiunea franceză Girondi. Temperaturli suntu pi creaștire, iara focurli asparsiră ma mlti zone di pădure ditu Maroc și fuvirsescu tu aestu kiro zonele rezidințiale din notu-ascăpitata ali Turchie.
IRIGAȚII Ministerul ali Agricultură ditu România ahărdzi 1,5 miliardi di euro tră hăirlăticlu a infrastructurăllei di adăpari/ irigații și drenaj a văsiliillei. Fondurile va s’poată s’hibă ufilisiti până tru anul 2027. Ministerlu lansă proiectul tră dibat publicu, di itia că ari tru scupo simfunizarea ali agricultură cu aţeali ditu soni alăxeri climatice și ñicurarea zñiiloru aluştoru tru producția agricolă și tru fisi. Simfunu cu nomlu, numirlu a năiloru şingiri di adăpari/irigari easti tru planu tra s’crească di la 89 la 150. Suprafața anvălită di năulu şingiru di adăpari easti tut aşi aştiptată tra s’crească di la 1,8 milioane la 2,6 milioane di ictări.
ATENA Un mari avion di părmătii An-12 cădzu sămbătă dicseară tru uran0lu ali Gărţie, di vţămă tuţ aţelli optu membri a echipajului di la bord, diadi hăbari televiziunea publică elenă. Uidisitu cu idyiul izvur di hăbări, avionul eara operat di ună companie aeriană ucraineană. Cetățeañilli ditu aţeali locuri eara căndăsiţ s’ncllidă firidzli și s’tragă mănă di la ufilisearea a aerului condiționat, di itia că avionul purta 12 di tonuri cu produse militare nfărmăcoasi. Avionlu ankisi cu axboiurlu ditu căsăbălu sârbu Nis și s’duţea cătă Amman, tru Iordania. Rapoartili a marturloru spunea că avionlu Antonov An-12 s’apreasi nica di anda eara tru aeru.
Autoru: Udălu a hăbărloru
Armânipsearia: Taşcu Lala
