Hăbări ditu bana românească şi internaţională

AGIUTORU. Republica Moldova nu lipseaşti s’hibă şi nu va s’hibă singură tru gaereţli a llei tra s’bagă tru lucru reformele di cari ari ananghi”, dspusi viniri ministrul di externe ali Românie, Bogdan Aurescu, tu bitisita a dauăllei ediții ali Conferință ministerială a Parlamentului. Platforma di ndrupari tră Republica Moldova. Uidisitu cu șeflu ali diplomației române, aestă platformă easti un instrumentu permanent” și easti di ufelie tră gaereţli a Chișinăului di adirari la Uniunea Europeană. Tru cadrul ali conferință eara emise angajamente di asistență financiară di până la 600 di milioane di euro tră agiutarea aliştei ripubliţ ex-sovietiţi cu majoritate di limbă română. Evenimentul di București adună dilegațllii ditu 33 di stati, membre ale UE, G7, Asociația Europeană di Liber Schimb, organisme internaționale, instituții financiari și agenții ONU. Ministrul german di externe Annalena Baerbock dimăndă ună pachetă di asistență financiară tră aestu stat di până la 77 di milioane di euro. Tru mardzinea ali conferință, ministrul Aurescu avu muabeţ cu secretarul general al OSCE, Helga Schmid, pe mardzinea crizelor di securitate diclanșate di agresiunea rusă contra ali Ucraină.

Newsroom, 16.07.2022, 17:47

AGIUTORU. Republica Moldova nu lipseaşti s’hibă şi nu va s’hibă singură tru gaereţli a llei tra s’bagă tru lucru reformele di cari ari ananghi”, dspusi viniri ministrul di externe ali Românie, Bogdan Aurescu, tu bitisita a dauăllei ediții ali Conferință ministerială a Parlamentului. Platforma di ndrupari tră Republica Moldova. Uidisitu cu șeflu ali diplomației române, aestă platformă easti un instrumentu permanent” și easti di ufelie tră gaereţli a Chișinăului di adirari la Uniunea Europeană. Tru cadrul ali conferință eara emise angajamente di asistență financiară di până la 600 di milioane di euro tră agiutarea aliştei ripubliţ ex-sovietiţi cu majoritate di limbă română. Evenimentul di București adună dilegațllii ditu 33 di stati, membre ale UE, G7, Asociația Europeană di Liber Schimb, organisme internaționale, instituții financiari și agenții ONU. Ministrul german di externe Annalena Baerbock dimăndă ună pachetă di asistență financiară tră aestu stat di până la 77 di milioane di euro. Tru mardzinea ali conferință, ministrul Aurescu avu muabeţ cu secretarul general al OSCE, Helga Schmid, pe mardzinea crizelor di securitate diclanșate di agresiunea rusă contra ali Ucraină.

METEO. Marea Britanie s’ndreadzi tră un weekendu caldu, cu temperaturi multu mări. Ună urgență națională fu diclarată după ţi fu emisă tră prima oară ună avertizari aroșe di căldură extremă. Temperaturile suntu di așteptat s’agiungă la 40 di gradi Celsius și avertismente di căñină fură emise și tru Franța. Tru maş trei dzăli tru Spania, dalga di căldură adusi aţeali 84 di dicese, maxusu tru arada a oamiñiloru tru ilikie. Meteorologii feaţiră timbihi că temperaturile va s’armănă mări nica 10 dzăli.

GARTIA. Un doilu contingent di 28 di pompieri romani dusi tru Grecia tră s’llia loclu a soţloru a loru cari aesti ditu soni dauă dauă stamani asistară autoritatile locale ti monitorizarea si astindzearea a incendiilor forestiere ditu zonele di la nord di Atena. Tru zonele zniipsiti eara arădăpsiti ma multi aftukinati di pompieri, ună cisternă, cum și vehicule di cumandu și control. Tru aesti 15 di dzăli ditu soni, pompierii ditu România loar parti la diverse misiuni tru regiunile Schimatari și Porto Germeno. Anlu tricut, România agiută și Grecia tru alumta ti astindzearea a incendiilor di pădure divastatoari.

POLIMU. Ucraina u stipseaşti askerea arusă că ufilisi platforma centrală nucleari pe cari u avea anăkisită la Zaporoje tra s’nkisească atacuri tru regiunea ditu sud Nikopol, ună zonă industrială di pe arâulu Nipru. Ucraina cutugursi Agenția Internațională tră Energie Atomică tră atea că nu feaţi duri presiune contra ali Moscovă tră ș-tragă askerili ditu centrală. Uidisitu cu serviciulu di securitate ali Ucraină, viniri seara, armata ucraineană aprăftăsi ta s-surpă dauă avioane di polimu arusești. Rușllii bombardară căsăbălu Kramatorsk ditu Donbas, kiro tru cari tru Donețk, ma multe rachete arusești asparsiră infrastructura feroviară și agudiră și ținte ţivili. Sistemlu di apărari antiaeriană ali capitală ucrainene Kiev aprăftăsi aseara s’u surpă ună rachetă arusească, iara la Mykolaiv ună dronă rusă Orlan-10 fu surpată di forțele ucrainene. Prezidintulu ucrainean Volodimir Zelenski număsi un nău guvernu regional la Cernăuți, aproapea di sinurlu NATO.

Autoru: Udălu a hăbărloru

Armânipsearia: Taşcu Lala