Hăbări ditu bana românească şi internaţională
NATO – Guvernul di București easti aștiptat adză s’vulusească și s’niinteadză a Parlamentului un proiect di nou mutrinda ratificarea adirării Finlandii și Suediei la NATO. Protocoalele di adirare la NATO fură simnati Bruxelles pe 5 alunaru, iara tora lipseaşti s’hibă ratificate di tute statele membre. Săptămâna tricută, prezidintulu a Camerei Diputaților, Marcel Ciolacu, diclară că Parlamentul va s’lucreadză pi şcurtu la procesul di ratificare și că va s’hibă convocată ună andamasi di lucru specială a Parlamentului tu aesta idhee. Ciolacu spusi ma largu că polimlu ilegal” și nejustificat” lansat di Fedirația Rusă contra ali Ucraina alăxi acutotalui contextul di securitate. Statutul a văsiliiloru candidate la NATO permite Finlandii și Suediei s’llia parti la reuniunile NATO, di la da tutunăoară izini la informații confidințiale. Până la finalizarea procesului di ratificare la nivelu tutulor statelor membre NATO, aţeali dauă văsilii nu pot s-aibă hăiri di apărare colectivă pi thimellilu a articolului 5. Procesul di ratificare poati s’ţănă un an, spun unii experți.
Newsroom, 13.07.2022, 19:04
DINUNTĂTORI – Curtea Constituțională a României s-pronunță adză contra a unei sesizări dipusă di USR tru opoziție mutrinda nomlu ti protecția a avertizorilor. USR spuni că nomlu adoptată di Cabinetul PSD-PNL-UDMR ñicureadză cabaia protecția oferită a persoanelor cari semnaleadză nireguli tru instituțiile publice și aduc mări keadiţi ti asigurarea fondurilor tră Recuperare și Reziliență (PNRR). Notificarea invocă elemente di neconstituționalitate, nican şi călcarea a născăntoru angajamente pi cari România ş-lo borgea s’li tiñisească la adirarea la UE și ixikea di limbidzami și previzibilitate a născăntoru pruvidiri.
COVID – Numirul a cazurilor di COVID easte tru creaștere. Piste 4.000 di noi infecții fură semnalate marți tru un kiro di 24 di ore. Ditu aestea, majoritatea fură semnalate în București. Aproximativ 1.500 di pacienți cu COVID suntu internați tru aestu kiro, 90 la terapie intensivă. Autoritățile raportară și 9 morţă neise dicesi asociate. Aduţimu aminti că autoritățile năpoi viniră la actualizări epidimiologice cafi dzuuă pi fondul a unei reapariții a numirului di cazuri di COVID.
ARIFUGIAȚI — Uidisitu cu Inspectoratului Poliției di Frontieră Române, 9.808 cetățeni ucraineni intrară tru România, marță, tru scădiare cu 10% andicra di dzua di ma ninti. Ahurhinda cu 10 şcurtu 2022, aproximativ 1,5 milioane di cetățeni ucraineni intrară tru România.
Autoru: Udălu a hăbărloru
Armânipsearia: Taşcu Lala
