Hăbări ditu bana românească şi internaţională
Isapea a landzidzlor di coronavirus s-tani scadzuta tu Romania, aza, hiindalui aflat 127 di landzidz. Fura 5 morta tu 24-li di sihat dit soni. La Terapii suntu tora 236 di landzidz. S-duti ninti campania di vacctinari anti-covid, tu un ritmo cama ayalisit, cu putan pisti 41.000 di dozi tu 24-li di sihat. Dit nchisita ali campanie, insita a meslui andreu, cama di 4.400.000 di insi aprucheara nai putan una doza.
Aura Piha, 12.06.2021, 19:52
Isapea a landzidzlor di coronavirus s-tani scadzuta tu Romania, aza, hiindalui aflat 127 di landzidz. Fura 5 morta tu 24-li di sihat dit soni. La Terapii suntu tora 236 di landzidz. S-duti ninti campania di vacctinari anti-covid, tu un ritmo cama ayalisit, cu putan pisti 41.000 di dozi tu 24-li di sihat. Dit nchisita ali campanie, insita a meslui andreu, cama di 4.400.000 di insi aprucheara nai putan una doza.
Nai misuri di habiniseari intrara tu practichie di aza, tu Romania, unoara cu lundzearea a vadelui di catandisi di alerta ti nica 30 di dzali. Asi, iventurli privati pot s-andreaga nauntru cu 200 di insi, aclo iu isapea easti ma ni’ca di 3 la n’il’ia di banatori si mas cara oamin’il’ii suntu vaccinat, featira langoarea I au un testu negativu. Nafoara, nu ari mardzina di participanta, ama easti ahat cat da cali loclu, spatiul. Pot sa s-faca campanii electorali, cu 1000 di persoani, tu idyea situatie.Tu capitala, mastea armani fara di alta la 50 di meatri anvarliga di sculii cata cum si tu locurli nclisi I disfapti cu calbalachi.
A 17-a editie a Noaptil’ei a Muzeilor s-tani tora seara, tu Romania. Multi iventuri s-an tu 200 di locuri culturali dit 70 di casabadz, dit cari 40 suntu Bucuresti.S-andreg expozitii, experimenti artistiti, conterti, priimnari prit muzeei, instituti culturali, studiouri interactivi.Ti prota oara, dimarhia, Primaria di bucuresti easti disfapta ti public.Casa istorica fu adrata anamisa di 1906-1910. Anchisita aua si 17 di an’I di ministerlu ali Cultura si-a Comunicatiilor dit Frantie, hipta sum areapta a Consiliului ali Evropa, ali UNESCO si a Chentrului International a Muzeilor, Noaptea a Muzeilor easti ndreapta iutido tu Evropa.Tu 2020, tu arada ali pandemie, ma multu di 60 di muzee si operatori culturali iurtusira Noaptea a Muzeilor ti 14 di brumar prit iventuri culturali dizvartiti online.
Comisia Europeana ahurhi mutrearea a planurlor di andridzeari icunomica pi thimeilu a planurilor pitricuti di vasiliili ti vor s-l’ia fonduri dit planlu ti ndridzeari european.Comisia pitricu observatii la Bucuresti si cafta cama multi limpidzari andicra di dgheafureili ti s-ved anamisa di paradzl’ii caftat di chivernisi si atel’ii dit formatili ti idyili proiecti.Ti nica 2 mesi va s-hiba mutriti planurli aprucheati si va s-baga conditia ca 37% di paradz s-hiba ti proiecti ecologiti si 205 ti ateali digitali.Educatia, sanatatea, transporturli, reforma ali administratii publica suntu protili dumeni dit PNRR prit cari Romania ari umuti s –hargiueasca ateali 30 di miliardi di evradz di la Comisia Europeana. Tuti investitiili lipsescu bitiseari pana tu 2026.
XXX- Liderii a protilor 7 puteri icunomiti dit dunjeaua va s-andrupasca pripunirea a prezidentului amirican, Joe Biden, ti darea a unal’ei taxa di 15% paltita di corporatiili multinationali, deadi habari Casa Alba. Apofasia va s-hiba loata viniri, Cornwall, tu Marea Britanie. Summitlu a vasiliilor a pareil’ei G7, a curi puteari icunomica easti 40% dit icunumia globala, ari multi tu umuti: adrarea di vaccinuri ti tua dunjeaua di pi planeta, aflarea cal’iuri inseari dit criza icunomica si alumta contra angaldzaril’ei globala. Marea Britanie deadi habari ca va s-da a vasiliilor ftohi 100 di miliun’I di dozi iara SUA va s-da 500 di miliun’I di dozi di vaccin.
Autoru: Udălu a hăbărloru
Armânipsearea: Aura Piha
