Hăbări ditu bana românească şi internaţională
CALDURA – Ună dalgă di caldura extrema arneaşti Romania. Meteorologii apufusiră alerte di cod portocaliu și galben contra a căldurăllei extremă tră ma multi giudiţi ditu ascăpitată. Temperaturile aoa suntu aștiptati s’agiungă și s’treacă di 39 di gradi Celsius și s’hibă di 34-37 di gradi tru tut teritoriul. Ahurhinda di ñiercuri, meteorologii s’așteaptă ca temperaturile să scadă tru nord și ascăpitată și s’agiungă la valoarea normală tră aestă perioadă ahuhrinda di gioi. Tru aestu kiro, precipitațiile va s’tindă tru ma multe regiuni, nica şi tru capitala București. Fenomenele meteorologice extreme zñiipsiră ma multi zone ditu România, născănti di zñiili aluştor hiinda nca dukiti la nivel local.
Newsroom, 04.07.2022, 20:46
ATAC CU RECHINI – Ministerul român di Externe confirmă că ună româncă fu vătămată tru ună atac cu rechini, dumănică, la Hurghada, uă stațiune di pi litoralu ali Amarea Roșii ditu Egipt. Uidisitu cu Ministerlu, Ambasada României la Cairo faţi gaereţ tra s’llia informații suplimentare tu ligătură cu diceslu a mllearillei. Familia a llei ditu România fu sesizată și dimăndati tuti ditaliile mutrinda ripatrierea a cufumăllei a llei. Aestă easti a daua ataca di rechin tru zonă tru dzălili ditu soni. Ună altă austriacă fu vătămată tru idyea atacă. Autoritățile egiptene ncllisiră ma multi plaje di la Marea Roșie. Ministerul român di Externe faţi urminie a tutulor românilor ditu Egipt i cari au naeti s’călătorească tru aestă văsilie s’tiñisească urminniili a autoritățlor locale și s’aleagă maş zonele di plajă cari suntu etichetate sigură tră anutari.
POLIMU TRU UCRAINA – Askerea rusă bagă presie cu ataca tru apirita ali Ucraină, după ţi dumănică anăkisi Lysychansk, un căsăbă di mari valoare strategică tră strategia di ocupație a rușilor tru Donbas. Forțili aruse pari că și-concentreadză atacurle contra a Sloviansk și Kramatorsk, doi căsăbadz la ascăpitată di Lysychansk. Prezidintulu Volodimir Zelenski vru tra s’ñicureadză hăbarea a rușlor, spunânda că văsilia a lui nu va s’tragă mănă la niţi un centimetru ditu teritoriul a llei și că forțele armate ucrainene va s’acată diznău zonili controlate di ruși di itia a creștirillei livrărli di arme modirne către Ucraina. Moscova, ama, sărbătoreaște ună mari victorie.
SPIONAJ – 70 di diplomaț ruși și familiile a lor fură expulzaț ditu Vărgărie după ţi autoritățli locale ălli stipsiră di spionaj. Ca apandisi, Rusia dimăndă că va u ncllidă a llei ambasada ditu Sofia, cari va s’hibă prima ambasadă ali Rusie ncllisă tru un stat membru al UE. Prim-ministrul ali Vărgărie, Kiril Petkov, lu stipseaşti ambasadorlu rus Eleonora Mitrofanova că andrupaşti votlu di cenzură contra a lui. Petkov fu dimis ditu ipotisi stămâna ţi tricu dupu unu vot di nipitipseari, iara prezidintulu Rumen Radiv ari naeti s’lu nominalizeadză diznău tra s’adară un nău guvernu, ninti tra s’grească ti alidzeri ninti di kiro. Socialiștilli vărgari, cari făţea parte ditu coaliția di guvernământ al Petkov, lu stipsiră premierlu că apufusi maş elu golu să-lli expulzadză diplomațllii ruși, ună apofasi pe cari u lugurseaşti nintimilleată, dimăndănda că nu va s’ndrupască unu doilu guvern cumădnusitu di actualu prim-ministru.
TENIS – Agiucătoarea română di tenis Simona Halep agioacă adză cu Paula Badosa ditu Spania tru optimile di finală la Wimbledon. Pe 30 apriliu, Halep u azvimsi Badosa cu 6-3, 6-1 tru turul doi la WTA Mutua Madrid Open. Paula Badosa nu agiumsi vărăoară tru cirecurli di finală di la Wimbledon, acă anlu ţi tricu agiucă tru optimile di finală. Ca aţea di ma ninti numirlu ună tru lumi, Simona Halep amintă Grand Slam di la Wimbledon tru 2019 și Openlu Francez anlu ţi tricu.
Autoru: Udălu a hăbărloru
Armânipsearia: Taşcu Lala
