Hăbări ditu bana românească şi internaţională

NATO — Prezidentulu a Româniillei, Klaus Iohannis, llia parti până gioi la summitul NATO di Madrid. Polimlu ditu Ucraina și criza di securitate ditu regiunea ali Amarea Lae suntu prinţipalele subiecte di pi arada a dzuuăllei la summit-lu. Prezidentulu ucrainean Volodimir Zelenski va s’ţănă unu zboru tru prima parte ali andamasi. Uidisitu cu Administrația Prezidințială Române, tru cadrul a summit-ului, prezidintulu ali României va s’hiritisească căţe catandisea di tora di securitate s-yilipsi tru noulu conceptu strategic ali Alianță, nkisinda di la pricunuştearea ali Rusie ca prota fuvirseari la adresa NATO, cum și atea că importanța strategică a regiunillei ali Amarea Lae tră securitatea euro-atlantică fu adusă aminti tră prima oară. Klaus Iohannis va s’cundilleadză contribuția semnificativă a Româniilei la agiutarea a Ucrainăllei la nivel umanitar, cum și a partenerlor nau ma vulnearabili, maxusu a aţiloru ditu viţinata ditu apirită, tru amprotusa Ripublica Moldova (văsilie ex-sovietică cu populație majoritară ţi zburaşti limba română) și Georgia. Klaus Iohannis va năpoi va lu spună agiutorlu suta ali Românie tră politica di uși dişcllisi” a NATO, inclusiv adirarea ali Finlandă și Suedie la Alianța Nord-Atlantică.

Newsroom, 28.06.2022, 17:09

NATO — Prezidentulu a Româniillei, Klaus Iohannis, llia parti până gioi la summitul NATO di Madrid. Polimlu ditu Ucraina și criza di securitate ditu regiunea ali Amarea Lae suntu prinţipalele subiecte di pi arada a dzuuăllei la summit-lu. Prezidentulu ucrainean Volodimir Zelenski va s’ţănă unu zboru tru prima parte ali andamasi. Uidisitu cu Administrația Prezidințială Române, tru cadrul a summit-ului, prezidintulu ali României va s’hiritisească căţe catandisea di tora di securitate s-yilipsi tru noulu conceptu strategic ali Alianță, nkisinda di la pricunuştearea ali Rusie ca prota fuvirseari la adresa NATO, cum și atea că importanța strategică a regiunillei ali Amarea Lae tră securitatea euro-atlantică fu adusă aminti tră prima oară. Klaus Iohannis va s’cundilleadză contribuția semnificativă a Româniilei la agiutarea a Ucrainăllei la nivel umanitar, cum și a partenerlor nau ma vulnearabili, maxusu a aţiloru ditu viţinata ditu apirită, tru amprotusa Ripublica Moldova (văsilie ex-sovietică cu populație majoritară ţi zburaşti limba română) și Georgia. Klaus Iohannis va năpoi va lu spună agiutorlu suta ali Românie tră politica di uși dişcllisi” a NATO, inclusiv adirarea ali Finlandă și Suedie la Alianța Nord-Atlantică.

Parteneriat — Ateali două Camere ale Parlamentului României adoptară adză, tru sesiune comună, ună Diclarație cu furñia că s-umplură 25 di ani di la lansarea a Parteneriatului Strategic anamisa di România și SUA. Aţeali dauă văsilii, să spuni tru document, ambărţiteadză valori și sinferuri comune, un angajament ahăndosu andicra di dimocrație și ună ligătură strategică pi lungu kiro. Salutăm maxus progresele importante nregistrate tru cooperarea anamisa di aţeali dauă văsilii tru domeniula securitatillei, tru vidiala anvărtuşearillei flanculu ditu apirită al NATO, nica şi tru reghiunea ali Amarea Lae — spuni documentul adoptat cu majoritati di voturi di senatorllii și diputațlli români. Aceșţă salută criştearea a dialoglui tră s’tiñisească condițiile tră includirea a Româniillei tru programul Visa Waiver, program cari da izini a cetățenilor români s’călătorească tru SUA cu scupo turisticu i ti emburlăki kiro di 90 di dzăli, fără s’aibă ananghi s’llia ună călătorie Visa. Tru cadrul a discursurilor, emu coaliția di guvernământ, emu reprezentanțăllii ali opoziție cundilleară importanța a Parteneriatului Strategic anamisa di ateali dauă văsilii.

Tenis — Luni seara agiucătoarea română di tenis Irina Begu s-califică tru turul doi a turneului di Grand Slam di la Wimbledon, după ţi u azvimsi georgiana Ekaterine Gorgodze cu 6-4, 6-1. Tru turlu doi s-califică și Sorana Cîrstea, după ţi u azvimsi cu 7-6, 7-6 pi agiucătoarea sârbă Aleksandra Krunic. Alti ţinţi românţi agioacă adză tru primlu tur: Simona Halep (contra a cehiillei Karolina Muchova), Gabriela Ruse (contra americanţei Cori Gauff), Mihaela Buzărnescu (contra germanăllei Nastasja Schunk), Irina Bara (contra francezei Chloé Paquet) și Ana Bogdan ( contra ucraineanăllei Daiana Iastremska).

Moldova — Republica Moldova umpli adză 82 di ani di la aputrusearea ali Basarabie di către Uniunea Sovietică la 28 di cirişaru 1940. Tu atelu kiro, askerili sovietiţi arăkiră Basarabia, nordul a Bucovinăllei și loucrli Herța, regiuni cu populație majoritară di limbă română, dupu unu ultimatum faptu ti Bucureşti. Radio Chişinău aduţi aminti că arăkearea dusi la instaurarea a unui regim comunistu totalitar, cari nsimnă colectivizare cu zorea, alăxearea a alfabetului latin cu atelu chirilic şi rusificari, trăñipseari politică şi diportări. Dzăţ di ñilli di oameni fură diportați tru Kazahstan și Siberia, mulță di elli muriră pi calea cătă ică tru lagăreili URSS. Istoriclu Ion Varta spunea ca sum regimlu sovietic instaurat cu forta pe mealu stangu a Prutului, ‘circa 400.000 di oameni fură victime a foamitillei organizate’, ‘626.000 di oamiñi fură băgaţ s’lucreadză cu zorea’, iar anamisa di 120.000 si 130.000 di oamiñî fură dipurtaţ. Fu un cadialihea ghenochid”, cundille istoricul. Teritoriile arăkiti tru 1940 suntu tora a fostilor ripubliţ sovietiţi Moldova și Ucraina, cari ș-amintară indipendința andicra di Moscova tru agustu 1991, după eșeclu a goadăllei di stat neobolșeviţi contra a aţilui ditu soni lidir sovietic, reformatorlu Mihail Gorbaciov.

Autoru: Udălu a hăbărloru

Armânipsearia: Taşcu Lala