Prima pagină » Actualitate » Hăbărli » Hăbări ditu bana românească şi internaţională

Hăbări ditu bana românească şi internaţională

3SI — Prezidentul ali României, Klaus Iohannis, llia parti adză la atea di a VII-a ediție a Three Seas Initiative Summit și la a IV-a ediție a Three Seas Initiative Business Forum, dauli cu nicukiru tru Riga, Letonia. Lidirllii a statelor participante la 3SI va s’facă isapi ti abordările actualului cadru di securitate ditu Europa tru contextul polimlui dituUcraina. Participanțăllii va să zburască, tutunăoară, ti contribuția Inițiativei Trei Amări prin implementarea proiectelor strateghiti di interconectare tru ateali trei sectoare clleaie ale 3SI: transport, energie și infrastructură digitală. Uidisitu cu prezidinţillea ali Românie, prezidintul Klaus Iohannis năpoi adusi aminti ti agiutorlu ali Românie tră Ucraina em la nivel bilateral, em la nivel multilateral. Tutunăoară, Klaus Iohannis va cundilleadză importanța mutrinda darea agiutorlui ti Republicii Moldova, Georgiei și Ucrainei tru gaereţllor di adirare la Uniunea Europeană. Inițiativa Trei Amări easti ună platformă politică cari adună 12 state membre ale UE ţi suntu anamisa di Amarea Adriatică, Amarea Baltică și Amarea Lae.

Newsroom, 20.06.2022, 18:34

ANDAMASEA – Miniștrilli di externe ali UE s’andămusescu adză Luxemburg tră să zburască turliili mutrinda scutearea milioane di tonuri di yiptu ditu Ucraina. Tru aestu kiro, Ucraina nu poate s’exporta yiptul a llei di itia a blocadăllei arusești ditu Amarea Lae. Ucraina easti unu di tu nai mărlli exportatori di yiptu ditu lume. Pisti 20 di milioane di tonuri di yiptu sunt stocate tru aestu kiro tru silozuri di itoa a invaziillei aruse. Moscova neagă iţi responsabilitate tră criza alimentară și spuni că sancțiunile occidintale suntu responsabile tră creaștirea a păhadzloru la alimente la nivel global și tră dificitlu di alimente tru țările sumdizvoltate cari au la thimelliu importurile di yipturi.

ARIFUGAT — Inspectoratlu Polițiillei di Frontieră a dimăndă că 9.231 di cetățeni ucraineni intrară dumănică tru România, tru scădiare cu 15% andicra di dzua di ma ninti. Aproximativ 1,2 miliuñî di arifugaţ ucraineni intrară tru România di la ahuhrita a polimlui ditu Ucraina, pi 24 di şcurtu. Tru un mesaj di marcari a Zilei Mondiale a Arifugaţloru ditu 20 di cirişaru, premierlu Nicolae Ciucă aduţi aminti că România spusi solidaritate cu arifugațllii ucraineni și va lă ndreagă ma largu tuti condiţiile ţi suntu ananghi tră asigurarea integrarillei a lor sociale şi economice. Premierul nica spusi că, ditu numirlu total di arifugați ucraineni cari intrară tru România, 80.000 aleapsiră s’armână, optânda tră protecția și securitatea pi cari România u da.

BACALAUREAT – Probili scrise a examenlui di Bacalaureat suntu programate stămâna aesta. Pisti 126 di ñilli di absolvență di liceu s-ngrăpsiră la examen, nai ma ñîcu numiru raportat di la revoluția anticomunistă ditu1989. Elevllii ţănură adză proba di limba și literatura română. Mâni va s’da examenlu di specialitate, iara miercuri va s’da examenul la ună materie la alidzeari. Gioi, elevii aparținânda a minorităților naționale va s’da testul di limba maternă.

ALEIDZERLI DITU FRANTA – Suţata Alianței Prezidințiale centru-liberale! kiru majoritatea absolută tru Assemblée Nationale, dupu doilu tur di scrutin di dumănică a alidzerloru legislative. Coaliția al Emmanuel Macron amintă 245 di locuri, cu 40 di locuri până la amintarea a majoritatillei absoluti. Ansamblu! Va s’ampulisească cu dauă forțe di opoziție: alianța di stânga NUPES, adrată ditu partidile comunist, veardi și socialist, cari amintară 135 di locuri, și partidlu di extremă dreapta Miting Național condus di Marine Le Pen, cari amintă ca ti ciudie 89 di locuri. Neise, Ansamblu! ari dauă opțiuni: s’adară un guvern minoritar ică ună coaliție guvernamentală cu dreapta tradițională, cari amintă 61 di locuri. Cara niţi ună di tu cearei nu funcționeadză, criza politică cari vini poati s-lu facă pi prezidintu s’dizolvă Parlamentul și să organizeadză alidzeri ninti di kiro.

Autoru: Udălu a hăbărloru

Armânipsearea: Taşcu Lala