Hăbări ditu bana românească şi internaţională

Vizita. România și Franța ș-criscură iruşi tu kirolu ditu soni coopirarea tru planu di securitate tu hăvaia a crizăllei fapt di itia a aputrusearillei militară a Rusiillei tru Ucraina, diclară prezidintul român Klaus Iohannis după muabeţ cu omologlu a lui francez Emmanuel Macron la baza aeriană Mihail Kogălniceanu ditu judițul Constanța, tru sud-estul României. Tru cadrul a unui briefing di presă comun, Iohannis haristusi diznău ali Franță tră dizvărtearea di armate și tră coordonarea aliştei a năului grup di alumtă al NATO tru România. Atelli doi prezidinţă spusiră că easti ananghi ti anvărtuşearea a catandisllei di discurajare și apărare pi flancul ditu apirită al NATO, maxus tru Amarea Lae, năulu concept strategic al NATO și adirarea a Finlandii și Suediei. Emmanuel Macron spusi că ligăturli româno-franceze ari la thimelliu ună suţată ţi easti di dauă secole. El adăvgă că ateali dauă văsilii vor tra s’da silă ma largu ti cooperarea bilatearală şi că s’lucreadză la un plan ambiţios, la căftarea a autorităţlor române, di andrupari a Marinăllei Române. Pi agenda a muabeţloru acăţară tru isapi și adiararea Româniillei la spațiul di libiră urdinari Schengen și implicarea a lui activă tru protecția sinurloru externe ali UE. Yinitoarea nkisită al Emmanuel Macron easti Republica Moldova, iu va s’hibă aştiptat di prezidintul Maia Sandu.

Newsroom, 15.06.2022, 18:22

Vizita. România și Franța ș-criscură iruşi tu kirolu ditu soni coopirarea tru planu di securitate tu hăvaia a crizăllei fapt di itia a aputrusearillei militară a Rusiillei tru Ucraina, diclară prezidintul român Klaus Iohannis după muabeţ cu omologlu a lui francez Emmanuel Macron la baza aeriană Mihail Kogălniceanu ditu judițul Constanța, tru sud-estul României. Tru cadrul a unui briefing di presă comun, Iohannis haristusi diznău ali Franță tră dizvărtearea di armate și tră coordonarea aliştei a năului grup di alumtă al NATO tru România. Atelli doi prezidinţă spusiră că easti ananghi ti anvărtuşearea a catandisllei di discurajare și apărare pi flancul ditu apirită al NATO, maxus tru Amarea Lae, năulu concept strategic al NATO și adirarea a Finlandii și Suediei. Emmanuel Macron spusi că ligăturli româno-franceze ari la thimelliu ună suţată ţi easti di dauă secole. El adăvgă că ateali dauă văsilii vor tra s’da silă ma largu ti cooperarea bilatearală şi că s’lucreadză la un plan ambiţios, la căftarea a autorităţlor române, di andrupari a Marinăllei Române. Pi agenda a muabeţloru acăţară tru isapi și adiararea Româniillei la spațiul di libiră urdinari Schengen și implicarea a lui activă tru protecția sinurloru externe ali UE. Yinitoarea nkisită al Emmanuel Macron easti Republica Moldova, iu va s’hibă aştiptat di prezidintul Maia Sandu.

NATO. Prezidintul a Româniillei, Klaus Iohannis, avu marță muabeţ la Haga cu prim-miniștrilli ali Belgie, Letonie, Polonie și Portugalie și cu secretarlu general al NATO, Jens Stoltenberg, tu ligătură cu pregătirea a yinitorlui summit NATO a curi nicukiru easti Madridlu tru bitisita a meslui. Iohannis cundille ananghea a unei prezență aliată anvărtuşită și efectivă pi flancul estic al NATO, diclarânda că apărarea colectivă easti și lipseaşti s’armănă borgea di thimelliu prioritară a NATO. Tutunăoară, participanțăllii feaţiră muabeti ti aţeali ditu soni evoluții tru planlu di securitate, asistență suplimentară ţi s;hibă dată a Ucrainei și perspectivele adirarillei ali Suedie și Finlanda la NATO. La bitisita ali andamasi fu adoptată ună diclarație comună pritu cari năpoi să spuni ti solidaritatea a văsiliiloru semnatare cu Ucraina și s’caftă diznău al Vladimir Putin s’dănăsească polimlu ditu Ucraina și să-și ritragă askerili.

Apărare. Miniștrilli apărarillei NATO s’andămusescu adză Bruxelles tră tra să zburască ti livrările suplimentare di armatie cătră Ucraina și adiararea Finlandii și Suediei la NATO. Ofensiva rusă ditu Donbas și amintatiţli a llei teritoriale featiră ca ufiţialli ucraineni s’caftă ma multi arme di la Vest. SUA și Marea Britanie tăxiră că va s’pitreacă ma multi lansatoare di rachete, ama Ucraina spuni că ari ananghi di ma multi tra s’nkisească ună contraofensivă hăirlătică. Andamasea easti prezidată di secretarlu american ali apărării Lloyd Austin.

Fotbal. România kiru cu 3-0 dinintea a Muntenegrului, marță seară, la București, tru UEFA Nations League. România avea kirută și meciul ditu diplasare 2-0. Tru ateali patru meciuri ditu aestă compitiție până tora, România avu trei kireri, dauă cu Muntenegru și una cu Bosnia și Herțegovina, amintănda maş contra ali Finlandă. Elli suntu tora pi loclu ditu soni tru grupă, kiro tru cari Bosnia și Herțegovina suntu tru frămti.

Autoru: Udălu a hăbărloru

Armânipsearea: Taşcu Lala