Hăbări ditu bana românească şi internaţională

Umanitar. Ună aeronavă a Forțelor Aeriene Române faţi un azboiur umanitar tra s’ducă trei paciență ucraineni la spitalele ditu Copenhaga. Uidisitu cu unu comunicat a ministerului apărarillei, avionlu dicoleadză di pi aeroportul Otopeni și azboiară cătă Copenhaga via Polonia. Căftarea di azboiur fu faptă di dipartamentul tra situații di urgență dupu ună căftari ditu partea Ucrainăllei pi thimellilu a Mecanismului di protecție civilă al Uniunillei Europene.

Newsroom, 12.06.2022, 17:54

Umanitar. Ună aeronavă a Forțelor Aeriene Române faţi un azboiur umanitar tra s’ducă trei paciență ucraineni la spitalele ditu Copenhaga. Uidisitu cu unu comunicat a ministerului apărarillei, avionlu dicoleadză di pi aeroportul Otopeni și azboiară cătă Copenhaga via Polonia. Căftarea di azboiur fu faptă di dipartamentul tra situații di urgență dupu ună căftari ditu partea Ucrainăllei pi thimellilu a Mecanismului di protecție civilă al Uniunillei Europene.

Ucraina. Prezidintulu a Comisiillei Europene, Ursula von dir Leyen, diclară, după călătoria a llei la Kiev, că statele membre UE s’ampulisescu cu ună apofasi istorică” la summitlu ditu 23-24 cirişaru, când apufusescu ti posibila candidatură a Ucrainei ta s’intră tru parei UE, uidisitu cu agențiea di presă dpa. Von dir Leyen spusi că provocarea va s’hibă s-ieși ditu summit cu ună poziție unificată care s’yilipsească sfera aliştei apofasi istorice. Comisia va ş-publică recomandarea până la bitisita a stămânăllei yinitoari. Aoa şi ndauă dzăli, ministrul ucrainean tra dizvoltare regională, Oleksiy Chernyshov, diclară că s’așteaptă ca aţeali 27 di state membre UE s’da ali Ucraină statutul di candidat la UE la summitul di la Bruxelles ditu 23-24 cirişaru, cara Comisia Europeană va s’facă ună recomandare tru aestă noimă stămâna yinitoare.

Vacanţă. Majoritatea creștiñilor ortodocși ditu România, cum și comunitatea greco-catolică sărbătirisescu Pogorârea Duhului Sfânt ică Arusaili. Aesta easte aţea ditu soni sărbătoare a ciclului di Paște și s’așteaptă s’llia parti la slujbele bisericești ună gumitati di milion di oameni. Cu dzua di luni liberă tra tuț românii, suti di ñilli di oameni suntu aștiptaț s’llia parti si la multili evenimente publice, festivaluri și competiții sportive organizate tru weekend și luni.

Tenis. Românca Simona Halep easte cap di serie la doilu turneul WTA 250 di la Birmingham, Marea Britanie, care ahurheaşti luni. Ea va s’hibă calificata ndreptu tru protlu turu. Alti dauă agiucătoare di tenis române suntu pi tabloul principal di simplu: cap di serie Sorana Cîrstea, șasea cap di serie, care va s’agioacă tru primul tur cu Shelby Rogers ditu SUA, și Gabriela Ruse, cari s’ampuliseaşti cu Qiang Wang ditu China tru meciul di dişcllidiari.

Autoru: Udălu a hăbărloru

Armânipsearea: Taşcu Lala