Hăbări ditu bana românească şi internaţională

NATO – Jens Stoltenberg, secretarul general al NATO, fu diagnosticat cu zona zoster și, di aestă itie, va s’aibă muabeţ programate tru Germania și România maş di la distanță, diclară gio un oficial NATO aleptu di Reuters. Stoltenberg avea tu plan s’adună gioi cu cancelarul german Olaf Scholz la Berlin și s’llia parti viniri la ună andamasi cu lidirllii ali României, Poloniei și Ungariei la București, tru cadrul a Bucharest Nine Format (B9). Formatlu Bucharest Nine easte ună inițiativă lansată di prezidintulu a Româniillei Klaus Iohannis și prezidintulu polonez Andrej Duda, la cari loară parti ateali nauă văsilii NATO di pe flancul estic ali Alianță.

Newsroom, 09.06.2022, 18:20

NATO – Jens Stoltenberg, secretarul general al NATO, fu diagnosticat cu zona zoster și, di aestă itie, va s’aibă muabeţ programate tru Germania și România maş di la distanță, diclară gio un oficial NATO aleptu di Reuters. Stoltenberg avea tu plan s’adună gioi cu cancelarul german Olaf Scholz la Berlin și s’llia parti viniri la ună andamasi cu lidirllii ali României, Poloniei și Ungariei la București, tru cadrul a Bucharest Nine Format (B9). Formatlu Bucharest Nine easte ună inițiativă lansată di prezidintulu a Româniillei Klaus Iohannis și prezidintulu polonez Andrej Duda, la cari loară parti ateali nauă văsilii NATO di pe flancul estic ali Alianță.

DIFICIT — Dificitlu a ziyăllei comerciale a României agiumsi aproximativ 10 miliardi di euro tru proţlli patru meşi a aluştui anu, cu aproapea 3 miliardi di euro ma multu andicra di atelu nregistrat anamisa di 1 yinaru și 30 apriliu 2021, uidisitu cu datili fapti publice adză di Institutul Național di Statistică. Tru apriliu 2022, exporturli eara di 6,886 miliardi euro, iara importurile 9,711 miliardi euro.

VOUCHERE — Senatlu a Româniillei adoptă tora ma ninti ordinul di ananghi a Guvernului pritu cari s’da tichete sociale a tutulor românilor cu amintatiţi ñiţ. Aproapea 3 milioane di inşi va s’aibă hăiri di aestă misură. Voucherele, tru valoare di 50 di euro, pot s’hibă ufilisiti maş ti ancupărarea di produse alimentare di bază. Ampărţarea a voucherelor va s’ahurhească stămâna yinitoare.

OCDI — Andamusea ditu 2022 a Consiliului OCDI la nivel ministerial (MCM), prezidată di Italia, cu Mexic și Norvegia ca viţepreședință, adună lidiri și miniștri sum tema yinitorlu pi cari ălu vremu: politiţ ma buni tră yinitorlu bărnu și ună tranziție durabilă”. Andamusea s-ţăni adză și viniri la Paris. Miniștrilli va să zburască ti un mănuclliu di provocări presante, nica şi implicațiile a polimlui ditu Ucraina, anvărtuseari ti prevenirea și andridzearea tră pandimie, durabilitatea a comerțului și a mediului și asiguripsearea a unlui yinitoru ma bunu tră tiniri, cooperarea cu Africa și tranziția ecologică tră bărnurli yinitoari. România llia parti ti prota oară la ună andamasi a OCDI tru harea di văsilie candidată.

Autoru: Udălu a hăbărloru

Armânipsearea: Taşcu Lala