Hăbări ditu bana românească şi internaţională
VIZITĂ – Prezidintulu Klaus Iohannis s-andamusi viniri cu premierul vărgaru Kirill Petkov, cari feaţi ună vizită di stat tru România. Discuțiile avură tu scupo hărlăticlu a ligăturăllei bilatearale, evoluțiile di securitate isiti tu vidială di itia a agresiunillei rusă tru Ucraina și agiutorlu tră Ucraina, securitatea energetică, coordonarea la nivel regional și european, tut nintea a summitului NATO di la Madrid. Tru ţi mutreaşti coopeararea economică, comerțul bidirecțional anregistră ună creaștire semnificativă tru añilli ditu soni, România hiinda doilu partener comercial ali Bulgarie la nivelul a Uniunillei Europene. Ma ninti, oficialul bulgar s-aduna cu omologlu a lui român, Nicolae Ciucă. Aţelli doi loară parti și la ţeremonia di simnare a acordului di dişcllidiare a unei treaţiri cu feribotul la sinurlu Giurgiu-Ruse. Premierul Kiril Petkov diclară că adiararea Bulgariei și României la Spațiul Schengen armâne ună prioritate clleaie tră ateali dauă văsilii, adăvgânda că yinitorul european ali Ucraina, Republică Moldova și Georgia easti, isa-isa ună prioritate di amprotusa.
Tașcu Lala, 29.04.2022, 12:08
VIZITĂ – Prezidintulu Klaus Iohannis s-andamusi viniri cu premierul vărgaru Kirill Petkov, cari feaţi ună vizită di stat tru România. Discuțiile avură tu scupo hărlăticlu a ligăturăllei bilatearale, evoluțiile di securitate isiti tu vidială di itia a agresiunillei rusă tru Ucraina și agiutorlu tră Ucraina, securitatea energetică, coordonarea la nivel regional și european, tut nintea a summitului NATO di la Madrid. Tru ţi mutreaşti coopeararea economică, comerțul bidirecțional anregistră ună creaștire semnificativă tru añilli ditu soni, România hiinda doilu partener comercial ali Bulgarie la nivelul a Uniunillei Europene. Ma ninti, oficialul bulgar s-aduna cu omologlu a lui român, Nicolae Ciucă. Aţelli doi loară parti și la ţeremonia di simnare a acordului di dişcllidiare a unei treaţiri cu feribotul la sinurlu Giurgiu-Ruse. Premierul Kiril Petkov diclară că adiararea Bulgariei și României la Spațiul Schengen armâne ună prioritate clleaie tră ateali dauă văsilii, adăvgânda că yinitorul european ali Ucraina, Republică Moldova și Georgia easti, isa-isa ună prioritate di amprotusa.
PARLAMENTUL – Prezidintulu a Camerăllei a Diputațlor ali Românie, Marcel Ciolacu, dimăndă că va s’aibă andamasi tu kirolu ţi yini cu lidirlli a parlamentelor Româniillei și Ripublicăllei Moldova viţină. Ună andamasi poati si s-ţănă Iaşi (nord-estul României), ningă sinurlu cu Ripublica Moldova, adăvgă el.
POLIMU TRU UCRAINA – Forțili di apărare ucrainene loară misuri speţiale tră anvărtuşearea-a securitatillei și protecției la sinurlu cu Republica Moldova, ma ghini spus diadunu cu sinurlu cu regiunea separatistă ali Transnistrie, dimăndă purtătorul di zboru ali Poliției Naționale di Frontieră ali Ucraina. Oficialu ucrainean spusi că punctili di treaţiri a frontierei di la sinurlu cu Republica Moldova, cum și aţeali di la sinurlu cu Belarus și Rusia, armân ncllisi, simfunu cu apofaseaa a autorităților di la Kiev. Tru aist kiro, alumtili s’ducu ma largu pe teren, Rusia intensificânda-și atacurle cu scupolu ta s’aibă controlu mplinu tu regiuñilli Donețk și Lugansk din estul ali Ucraina și ta s’dişcllidă ună cali terestră cari s-leagă aţeali dauă regiuni di Crimeea, dimăndă Statul Major ucrainean. Ma multu, armata rusă ma largu ambudyiusescu askerili ucraineani ditu căsăbălu-portu Mariupol, cari suntu acăţati tru oțelăria Azovstal. Moscova lu criscu, tutunăoară, numirlu di drone pitricuti tru regiunea Odissa tră s’adară misiuni di pricunușteare aeriană. Oficiallii locali spun că rușii dizvărtescu opearațiuni speţiale di polim psihologic tru zonă, minduina s-arăspândiască lăhtarea tru arada a populației ţivilă pritu promovarea hăbărloru arădociki și a dizinformarillei.
Autoru: Udălu a hăbărloru
Armânipsearea: Taşcu Lala
