Hăbări ditu bana românească şi internaţională
Newsroom, 21.03.2022, 15:11
ARIFUGAȚ – Pisti giumitate di milion di arifugaţ ucraineni tricură sinurlu tru România di la ahurhita invaziei ruse ditu 24 şcurtu. Uidisitu cu Poliția di Frontieră Române, până pi 20 marţu, la ñeadză noaptea, aproximativ 500.747 di arifugaţ ucraineni intrară tru România, ditu care ma mult di 4.000 căftară azil. Uidisitu cu Ministerului di Interne, aești cetățeni s’hărsescu di tuti ndrepturli pruvidzute di nom. Uidisitu cu una apofasi di Guvern, apatrizii și resortisanțăllii a văsiliiloru terțe, alti andicra di Ucraina, care avură protecție națională tru aeastă ditu soni văsilie, va s’hibă protejaţ și tru România. Aluştoru categorii va la si da un permis di șidiare pe teritoriul României, eliberat di Inspectoratul Genearal tră Imigrări, cum și un numir personal di idintificare idyea cu aţel datu ti aţelli cu azil. Protecția temporară s’da automat și nu caftă formalităț, dimandara autoritățile di la București.
COMERȚ – Prezidintulu Asociației Oamenilor di Afaceri Iordanieni, Hamdi Tabbaa, caftă luni misuri tră eliminarea barierelor care ankeadică comerțul bilatearal ditu Iordania și România. Tabbaa diclară, la Forumul Economic Româno-Iordanian, disfășurat la Amman, că unu ditu obstacole easti nregistrarea exporturilor iordaniene către România tru un mod diferit di aţel ditu văsiliili UE. El băgă accentul pe coopearare tră consolidarea ligăturilor bilatearale, maxusu tu ţi mutreaşti comerțul și investițiile, tra s’agiungă la un echilibru comercial. Volumul comerțului ditu ateali două văsilii fu di aproximativ 609 milioane di dolari tru 2021, andicra di 376 di milioane di dolari tru 2020.
DISCUȚII – Prezidintulu a Româniillei Klaus Iohannis avu muabeti luni cu premierul britanic Boris Johnson ti situația ditu Ucraina viţină și misurile di anvartuseari a flancului estic al NATO. Aavum, ninte di summitul NATO, ună alăxeari di opinii cu premierul britanic Boris Johnson, tru ţi mutreaşti situația ditu Ucraina și eforturile comune di agiutoru tră aestă văsilii. Zburămu şi ti misurile ananghisiti ti anvartuşearea flancului estic”, spusi Iohannis pe Twitter. Un summit extraordinar al NATO va s’ţănă gioi Bruxelles.
CONFERINȚA – Ministrul român di externe Bogdan Aurescu dimanda, la ședința Consiliului Afaceri Externe al UE di la Bruxelles, că România va s’ndreaga diadunu cu Germania și Franța una conferință internațională tră stimularea agiutorlui dat Republicălleii Moldova. Conferința, coprezidată di miniștrii di externe român, german și francez, va s’ţănă tu 5 apriliu la Berlin și va s’lanseadza ună platformă di agiutoru tră Moldova și un apel la donații ditu partea UE și văsiliili membre G7, di către instituțiile financiare internaționale și alte organizații. Conferința va s’ndreagă ţinti grupuri di lucru tru domeniile tru care Moldova are nevoie di sprijin, neise, arifugaţ, energie, finanțe și economie, managementul a sinurlor și anticorupție.
VIZITĂ – Prezidintulu polonez, Andrej Duda, va s’facă marță ună vizită la București, tră s’aibă muabeţ cu omologul a lui român Klaus Iohannis. Uidisitu cu Administrația Prezidințială, atelli doi lidiri va s’aibă muabeţ unu-la-unu, a diapoa şi ună conferință di presă comună. Andrej Duda feaţi luni ună vizită di lucru la Chișinău, tră s’aduna cu Prezidintulu a Ripublicăllei Moldova, Maia Sandu.
Autoru: Udălu a hăbărloru
Armânipsearea: Taşcu Lala
