Hăbări ditu bana românească şi internaţională
Vizita. Ministrul belgian ali Apărari, Ludivine Didondir, easti vinitu adză tru România, iu va s’viziteadza, diadunu cu omologul a lui român, Vasile Dăncu, Baza 57 Aeriană di la Mihail Kogălniceanu (sud-est). Elemente ale ditașamentului belgian, parte a Forței di apandisi a NATO (NRF) activată di Consiliul Nord-Atlantic pi 25 scurtu, agiumsiră tru România pi 7 marţu. Convoiul militar andrupasti ditașamentului francez al Forței di Apandisi NATO, ţi easti arădăpsitu la Baza 57 Aeriană. NATO activă planuri di apărare tră s’anvartuseadza comanda și controlul a forțelor aliate și tră s’licsureadza apandisea rapida a capabilităților militare mardzina di sinurli aliate. Tru total, 500 di askirladz francezi și 300 di askirladz belgieni, parte ditu componenta terestră a Forțăllei di apandisi a NATO, va s’ndrupasca armata româna cu scupolu ta s’anvartuseadza Flancul Estic al Alianțăllei.
Newsroom, 15.03.2022, 18:54
Vizita. Ministrul belgian ali Apărari, Ludivine Didondir, easti vinitu adză tru România, iu va s’viziteadza, diadunu cu omologul a lui român, Vasile Dăncu, Baza 57 Aeriană di la Mihail Kogălniceanu (sud-est). Elemente ale ditașamentului belgian, parte a Forței di apandisi a NATO (NRF) activată di Consiliul Nord-Atlantic pi 25 scurtu, agiumsiră tru România pi 7 marţu. Convoiul militar andrupasti ditașamentului francez al Forței di Apandisi NATO, ţi easti arădăpsitu la Baza 57 Aeriană. NATO activă planuri di apărare tră s’anvartuseadza comanda și controlul a forțelor aliate și tră s’licsureadza apandisea rapida a capabilităților militare mardzina di sinurli aliate. Tru total, 500 di askirladz francezi și 300 di askirladz belgieni, parte ditu componenta terestră a Forțăllei di apandisi a NATO, va s’ndrupasca armata româna cu scupolu ta s’anvartuseadza Flancul Estic al Alianțăllei.
Arifugaţ. Miniștrilli sănătatillei ditu UE s’aduna adza tru una vidioconferință tră ş’coordoneadza acțiunile di aprukeari a arifugaţloru pliguiţ di polimu și landzidz croniţ ditu Ucraina. Andamausea fu convocată di ministrul francez a sănătatillei Olivier Véran, a curi vasilie u ari președinția di șasi mesi a Consiliului UE. Uidisitu cu Parislu, easti ananghi ti una apandisi coordonata și cu besa pi solidaritate ditu partea Uniunii la consecințele tra sănătatii a agresiunillei militare ali Rusiei contra a Ucrainei, di itia ca s’așteaptă ca capacitățile di mutreari ngatanu a vasiliiloru viţini s’hiba nastricuti tu scurtu kiro. Prioritatea va s’hiba asigurarea continuitatilei asistenței medicale tră persoanili strămutate, di itia ca aproapea trei milioane di ucraineni au vgata ditu vasilie. Statele europeane mardziniti cu Ucraina, inclusiv România, va s-poata s’ăşi spună minutişu limitele tră cathi turlie di pacient.
Sinur. Poliția di Sinuru Română raportă că pisti 66 di ñilli di persoane intrară luni tru România, ditu cari aproapea 14 ñilli di cetățeni ucraineni, tru scădiare cu 4,8% andicra di dzuua precedintă. Di anda nkisi polimlu, tru România intrară 425.786 di cetăţeni ucraineni. Majoritatea tranzitară văsilia și s-ndriptară cătră statele vest-europeane.
Ucraina. Aproapea tutu avansulu ali Rusie fu danasitu di ndaua dzali, cu tuti bombardamentili niacumtinati, diclară Dipartamentul di Stat al SUA. Uidisitu cu aesti isaki, rușii nu au niţi superioritate aeriană, niţi control tru marlli casabadz ali Ucraină. Tru aistatahinima, misuhorea a Kievului fu zdrunţinată di ma multe explozii vartoasi, ama nu easti limbidu disi fu una ataca rusesc ica halatlu di la sistemele di apărare aeriană ucraineană, dimandă BBC. Banatorlli a casabalui s’ndregu tră un posibil asediu. Ucraina stipseaşti Rusia că arca topi tu oamiñi. Șeful a Organizațillei tră Securitate și Cooperare tru Europa (OSCE), ministrul polonez di externe Zbigniew Rau, spusi ca atacurle ali Rusie contra a ţivilliloru ucraineni suntu lugursiti terorism di stat. El mindueasti că trupile rusești ahurhira s’ataca populația civilă și infrastructura tră să-lli aspara pi ucraineni. Diplomatlu cafta ali Rusie s’acaţă unu dialog tra s’afla una cearei iriñeatica. Negocierile anamisa dit Ucraina și Rusia ari cabilea s’ahurheasca adza.
Autoru: Udălu a hăbărloru
Armânipsearea: Taşcu Lala
