Hăbări ditu bana românească şi internaţională
UCRAINA — Rusia pitricu tru Ucraina aproapea tuti forțele inițiale di invazie cari eara adunate la sinuru, ase ct majoritatea atiloru 150.000 di askirladz a llei suntu tora pi teritoriul ucrainean, dimăndă luni Pentagonlu. Moscova u duţi ma largu ofensiva cată nord, catăKiev și cătă sud, la Marea Azov și Marea Neagră. Pamporili rusești ndregu tora ună ataca contra a căsăbălui Odisa, dimanda corespondintul Radio România. El nica spusi că administrația locală continuă s’căndăsească oamiñilli s’fugă ditu căsăbă, cari easti ună țintă strategică tră invadatori. Ună nouă rundă di negocieri anamisa di Ucraina și Rusia fu dimăndată ti yinitoarili dzăli, fără s’hibă spusă ună data susta. Ună andamasi a miniștrilor di externe rus și ucrainean, cu participarea a ministrului turcu di externe și mediată di prezidintulu turc Recep Tayyip Erdogan, va s’ţănă gioi tu Antalya, Turcia. ONU căftă călliuri di liberă treaţiri tru zonele di polimu tră s’da agiutoru umanitar apopulațillei. Cama di 2 milioane di ucraineni fudziră di polimu tru ma puțăn di dauă stămâni, nica dimanda ONU. Organizația Mondială a Sănătatillei dimanda că atacurile contra a spitalelor, ambulanțelor și instituțiilor medicale ditu Ucraina agiumsira s’hibă ma frecvente, alăsânda văsilia fără provizii medicale vitale.
Newsroom, 09.03.2022, 09:15
UCRAINA — Rusia pitricu tru Ucraina aproapea tuti forțele inițiale di invazie cari eara adunate la sinuru, ase ct majoritatea atiloru 150.000 di askirladz a llei suntu tora pi teritoriul ucrainean, dimăndă luni Pentagonlu. Moscova u duţi ma largu ofensiva cată nord, catăKiev și cătă sud, la Marea Azov și Marea Neagră. Pamporili rusești ndregu tora ună ataca contra a căsăbălui Odisa, dimanda corespondintul Radio România. El nica spusi că administrația locală continuă s’căndăsească oamiñilli s’fugă ditu căsăbă, cari easti ună țintă strategică tră invadatori. Ună nouă rundă di negocieri anamisa di Ucraina și Rusia fu dimăndată ti yinitoarili dzăli, fără s’hibă spusă ună data susta. Ună andamasi a miniștrilor di externe rus și ucrainean, cu participarea a ministrului turcu di externe și mediată di prezidintulu turc Recep Tayyip Erdogan, va s’ţănă gioi tu Antalya, Turcia. ONU căftă călliuri di liberă treaţiri tru zonele di polimu tră s’da agiutoru umanitar apopulațillei. Cama di 2 milioane di ucraineni fudziră di polimu tru ma puțăn di dauă stămâni, nica dimanda ONU. Organizația Mondială a Sănătatillei dimanda că atacurile contra a spitalelor, ambulanțelor și instituțiilor medicale ditu Ucraina agiumsira s’hibă ma frecvente, alăsânda văsilia fără provizii medicale vitale.
BUCUREȘTI – Prezidintulu a Românillei, Klaus Iohannis, lo parti, marță, la una vidioconferință cu prezidintulu Consiliului European, Charles Michel, cu scupolu ta s’ndreagă reuniunea informală a Consiliului European cari va s’hibă tu 10 și 11 marţu la Versailles. Loară partit primii miniștri ai Țărilor di Jos, Greciei, Croației și Estoniei. Discuțiile s-concentraă, ntra altili pi evoluțiile actuale di securitate ditu Ucraina, eforturile di kiverniseari şi agiutari a dalgăllei di arifugaț ucraineni și agiutorlu umanitar tră Ucraina și Moldova. Prezidintulu Iohannis spusi că România ndrupasti si caftarli di adirare la UE ale Ucraina, Moldova și Georgia. Tut marță, prezidintulu Iohannis diclară la București că invazia rusă a Ucrainăllei yilipsi nica na oară ca NATO să-și anvartuseadza flancul estic. Iohannis feati aesta diclarație tru cadrul unei andamasi trilaterale cu Polonia și Turcia, la nivelu consilierilor di securitate națională. Iohannis salută diciziile tora ma ninnti ti li lo NATO ta s’arădăpsească ma multe forțe pe flancul estic și ta s’activeadză Forța di apandisi a NATO tră apărare colectivă și discurajare.
VIZITĂ – Prezidintulu a Româniillei Klaus Iohannis va s’aibă vineri consultări politice la București cu viţeprezidintulu a Statelor Unite, Kamala Harris, cari faţi ună vizită oficială tru România, dimanda Administrația Prezidințială. Vizita oficialui american tru România napoi u spuni vartuşamea a Parteneriatului strategic bilateral și angajamentul susto a Statelor Unite ta s’ndrupască securitatea României și a aliațlor NATO di pi flancul estic, nica dimanda Administrația Prezidințială.
Autoru: Udălu a hăbărloru
Armânipsearea: Taşcu Lala
