Hăbări ditu bana românească şi internaţională

Arifugaţ. Prezidentulu a Româniillei Klaus Iohannis vizită sâmbătă tabăra mobilă di arifugaț ditu Siret, judițul Suceava (nord-est). Capacitatea totală a taberelor ditu județ easti di 1.977 și ari nica 1.400 di locuri libere. Aproximativ 9.455 di cetăţeni ucraineni tricură sinurlu cu România tru 24 sahăţ ditu soni. Tut sâmbătă, premierul Nicolae Ciucă dimăndă că s-hărgiuiră aproximativ 10 milioane di euro ditu bugetul di stat tră s’agiută arifugaţllii. El nica spusi că, săptămâna yinitoare, Guvernul a Româniillei va s’pitreacă Bruxelles tute documentele anaghisiti tră rambursarea aluştoru hărgi ditu fonduri europene.

Newsroom, 05.03.2022, 10:54

Arifugaţ. Prezidentulu a Româniillei Klaus Iohannis vizită sâmbătă tabăra mobilă di arifugaț ditu Siret, judițul Suceava (nord-est). Capacitatea totală a taberelor ditu județ easti di 1.977 și ari nica 1.400 di locuri libere. Aproximativ 9.455 di cetăţeni ucraineni tricură sinurlu cu România tru 24 sahăţ ditu soni. Tut sâmbătă, premierul Nicolae Ciucă dimăndă că s-hărgiuiră aproximativ 10 milioane di euro ditu bugetul di stat tră s’agiută arifugaţllii. El nica spusi că, săptămâna yinitoare, Guvernul a Româniillei va s’pitreacă Bruxelles tute documentele anaghisiti tră rambursarea aluştoru hărgi ditu fonduri europene.

Vizita. Viţeprezidintulu SUA Kamala Harris va s’facă ună vizită tru Polonia și România tru perioada 9-11 di marţu tră s’lu spună andrupămintulu ali SUA tră aţeali dauă văsilii tru un moment tru cari polimlu face ravagii tru Ucraina, dimăndă Casa Albă. Vizita a llei va dimonstreadiza putearea și unitatea Alianței NATO și a andrupămintulu SUA tră aliații NATO ditu flancul estic dinintea a agresiunillei ruse. Tutunăoară, va s’yilipsească gaereţli a noastre colective ta s’ndrupască populu ali Ucraină”, să spuni tru diclarația viţeprezidintului. Tru andamasili cu viţeprezidintulu tu amprotusa va s’hibă turlia tu cari Statele Unite pot s’ndrupască ma largu viţiñilli ali Ucraina tu kirolu anda suntu aştipţat şi ălli mutrescu arifugaţlli cari fug di prişcăville. Cifrele furnizate di Analtul Comisar al ONU tră Refugiați (UNHCR) spuni că pisti 1,2 milioane di persoane fudziră di polimlu ditu Ucraina diclanșat di invazia a forțelor ruse. Atea ditu soni călătorie internațională a viţeprezidintului SUA fu meslu ţi tricu la Conferința di Securitate di la München, iu s’adună cu aliații și partenerii SUA, inclusiv cu prezidintulu ucrainean Volodymyr Zelensky.

Ucraina. Autoritățle a căsăbălui-port ucrainean Mariupol apufusiră s’amână purtarea a civililor tră itia că nu suntu tru siguranță pi geadii. Municipalitatea spune că traseulu di evacuare ti cari minduiră easti bombardat niacumtinatu di ruși. Consiliul orășenesc avea dimăndată ma ninti că Rusia nu tiñîseaşti acutotalui dănăsearea-a focului convenită, iara autoritățile ucrainene ahurhiră s’analizeadză rapoarte ţi spunu că trupele ruse ufilisea armistițiul temporar tră s’niinteadză tru Mariupol. Tru aestu kiro, Ministerul rus ali Apărari diclară că vărnu nu ufilisi aţeali dauă coridoare uminitare ndreapti sâmbătă aproapea di căsăbadzlli ucrainene Mariupol și Volnovakha și ăloi stipsescu naționaliștii ucraineni că îlli nkeadică pe ţivili s’fugă. Ma multu, ministerul nica dimanda că trupele ruse fură atacate după andridzearea a coridoarelor uminitare.

Moldova. Prezidintulu a Ripublicăllii Moldova (ex-sovietic, prepondirent di limbă română), pro-occidintală Maia Sandu, va s’adună dumănică, 6 di marţu, cu secretarul di stat al Statelor Unite ale Americii, Antony J. Blinken, dimăndă Radio Chișinău. Blinken easti vinitu ti ună voltă tru șase văsilii europene. Vizita a lui s’faţi tu hăvaiea a afluxului di arifugaț ditu Ucraina tru Moldova și după ţi regimul separatistu pro-arus ditu Transnistria (est) căftă diznă vineri a Chișinăului s’nkisească un dialog ti aţea ţi el număseaşti reglementarea finală a ligăturlor bazate pe relațiile iriñeatiţi, bune. -existenţa tru viţinătate a două state indipendinte, pritu simnarea a unui acord interstatal cuprinzător. Transnistria ascăpă di facto di sum controlul autorităților centrale tru 1992, după un conflict armat tu cari muriră sute di oamiñi și s-bitisi pritu intervenția trupelor ruse di partea a separatiștilor. Vaftarea vini după ţi Republica Moldova apufusi s’nkisească lucărlu ti adirarea la Uniunea Europeană. Separațiștilli spunu că apofase a autorităților di Chișinău s’apriduţi pritu ună naeti di transferari a suvearanitatillei ali Ripublica Moldova cătră organele supranaționale di Bruxelles și ta s’alasă Occidintul s’ufilisească teritoriul a Ripublicăllii Moldova ditu vidiala militar, politic și economic.

Exercițiu. Bombardiere americane B-52 Stratofortress azbuirară viniri pisti România și flancul estic al NATO, tru exerciții cu armatele române și germane, tru semn di unitate, pi fondul a invaziillei rusești a Ucrainăllei cari intră tru a doua săptămână, dimăndă CNN. Nai ma mări bombardiere strateghiţi a Forțelor Aeriene ale SUA dicolară di la RAF Fairford, un centru a Forțelor Aeriene Regale Britanice, și dizv4rtiră misiuni di pregătire și integrare a andrupamintului aerian aprukeat, uidisitu cu unu comunicat a Forțelor Aeriene SUA ditu Europa. Bombardierele B-52 azbuirară diapoa tru România, iu featiră un antrenament di sprijin aerian aprykeat. Azboiurlu pisti spațiul aerian românesc adusiră bombardierele ma aproapea di limita” văsiliilor NATO, adiacente a spațiului aerian ucrainean, iu aviația rusă mindueaşti ta ş’bagă tu practico supremația aeriană.

Autoru: Udălu a hăbărloru

Armânipsearea: Taşcu Lala