Hăbări ditu bana românească şi internaţională
Pandimic. Prezidintulu Klaus Iohannis diclară că România nu va s’prilundzească catandisea di alertă tră pandimia di Covid după 8 marţu. Pandimia easti pi ună tendință di scădiare abruptă, iara ţinţea dalgă easti pe cale să s’bitisească”, spusi el. Ma ninti, avu ună andamasi pi tema managementului pandimiillei cu premierul Nicolae Ciucă și alță membri a cabinetlui. Diclarată tră prima oară tu 20 mai 2020, după doi meşi di catandisi di ananghi di itia că alănci pandimia di Covid, catandisea di alertă nsimna un şingiru di restricții cari zñiipsiră performanța economică și coeziunea socială a României. Di tu ahurhita-a pandimiillei, România doimanda cama di 2,7 milioane e cazuri di Covid și mai multu di 63.000 di dicese asociate, kiro tu cari absorbția a llei di vaccin easti nai ma scădzută ditu aţeali 27 di state membre UE, maş Bulgaria seadi ma laiu tu aesta noimă.
România Internațional, 04.03.2022, 09:38
NATO. Ministrul român di externe Bogdan Aurescu caftă vineri reconsidiararea a conceptului di poziție a NATO pi flancul estic. El eara dusu Bruxelles tră una andamasi specială a miniștrilor di externe ai NATO, la cari loară parti și miniștrii di externe ali Suedie și Finlanda și șeful a politicăllii externe al UE Josep Borrell. Uidisitu cu unu comunicat al ministerului român di externe, discuțiile s-concentrară pi agresiunea militară ali Rusie contra Ucrainei, impactul tra securitati a aistei crize tu viţinătatea di est a NATO, special tru zona ali Amarea Lae și la nivel european și euro-atlantic, cum și apandisea NATO, cu accent pe misurle di anvărtuşeari a discurajarillei și apărarillei pe flancul estic. Ministrul român sumlinie implicațiile greale, fără preţedint, di securitate a călcarillei di către Rusia a aradăllei internaționale bazată pe reguli tră regiunea ali Amarea Lae și la nivel european și euro-atlantic. El năpoi adusi aminti că easti ananghi ti uă anvărtuşeari semnificative, nai pţănu pi kiro di mesi, a posturăllei di discurajare și apărare pi flancul estic, tru special tru Amarea Lae , pritu disvărtearea forțelor aliate și cafta diznău thimilliusearea rapidă a unui grup di alumtă tru România. Tutunăoară, Aurescu feati apel la continuarea agiutorlui tră Ucraina viţină și prezentă misurle loate di România, inclusiv nhiințarea unui hub regional tră colectarea și livrarea agiutorului umanitar tră Ucraina. El spusi că easti importantu s’anvărtuşimu ma largu agiutorlu dat partenerilor NATO Ucraina, Republica Moldova și Georgia tră s’lă crească rezistența.
Moldova. Regimul separatistu pro-rus ditu Transnistria, tru estul a Ripublicăllii Moldova majoritară di limbă română, căftă diznău un dialog cu autoritățle centrale ti aţea ţi aeşţă număsiră reglementarea difinitivă a ligăturlor bazate pe coexistența iriñeatică a statelor indipendinte și simnarea a unui acord interstatal larguriu. Transnistria s-ampărţă di facto di Moldova tru 1992, după un conflict armat cari vatămă sute di oamiñi și cari s-bitisi cu intervenția trupelor ruse cari andrupa separatiștilli. Căftarea Transnistriillei yine a doua dzuă după ţi Republica Moldova căftă oficial adirarea la Uniunea Europeană.
Autoru: Udălu a hăbărloru
Armânipsearea: Taşcu Lala
