Hăbări ditu bana românească şi internaţională
COVID-19. Tru România fură raportate ñiercuri 27.346 di noi infecții cu SARS-CoV-2, ma puțăne andicra di dzuua precedintă, și 176 di dicese asociate, 5 ditu aestea di la ună dată anterioară. Uidisitu cu experților, cari idintificară varianta Omicron a coronavirusului tru tute probele secvențiate, easti posibil ca România s’aibă amintată imunitate di cupie, iara a ţinţea dalgă di pandimie easti cabaia probabil să s’bitisească tru primăvară. Rata di vaccinare armâne multu scădzută, iara numirlu a cetățenilor vaccinați complet easti puțăn cama di 8 milioane.
Newsroom, 09.02.2022, 19:39
COVID-19. Tru România fură raportate ñiercuri 27.346 di noi infecții cu SARS-CoV-2, ma puțăne andicra di dzuua precedintă, și 176 di dicese asociate, 5 ditu aestea di la ună dată anterioară. Uidisitu cu experților, cari idintificară varianta Omicron a coronavirusului tru tute probele secvențiate, easti posibil ca România s’aibă amintată imunitate di cupie, iara a ţinţea dalgă di pandimie easti cabaia probabil să s’bitisească tru primăvară. Rata di vaccinare armâne multu scădzută, iara numirlu a cetățenilor vaccinați complet easti puțăn cama di 8 milioane.
CONFERINȚA. Ministrul român a Sănătatillei, Alexandru Rafila, participă adză și mâne la ună conferință comună a miniștrilor di externe și a sănătatillei ditu UE pi tema sănăttatillei globale și la ună adunari informală a miniștrilor sănătatillei ditu UE, cari s’hibă Lyon și Grenoble (Franța). Aţeali 2 evenimente sunt organizate di președinția franceză a Consiliului UE. Participanțălli va să zburască ti misurile UE tra s’agiută craturli pi cali di dizvoltare tru accesarea medicamentelor tru contextul a pandimiillei di COVID-19 și tra s’anvărtuşeadză sistemele naționale di asistență medicală. Reuniunea informală a miniștrilor sănătatillei va s’aibă tu amprotusa intervenția și reziliența sistemelor di sănătate publică tru caz di criză și dizvoltarea comună a politiţlor tra s’ndreagă ună Uniune a sănătatillei”.
MOȚIUNE. Cameara a Deputațlor di București nu apruke ñiercuri moțiunea simplă dipusă di partidul di opoziție USR contra a ministrului liberal ali energie Virgil Popescu, cu 98 di voturi tra și 190 contra. Uidisitu cu autorilli, Popescu easti ună fuvirseari la adresa securittillei energetice a României și lipseaşti s’hibă demis ună ş-ună. Moțiunea eara programată tra debatiri luni, ama andamusea fu suspendată după ţi coprezidentulu a partidului naționalist AUR, George Simion, lu zmutică ministrul ali energie tru timpul a discursului a lui. Andamasea fu loată diznău, ama hiinda prezență maş parlamentarii opoziției ditu AUR și USR. Virgil Popescu și parlamentarlli ditu coaliția di guvernământ fudziră ditu sala tru semn di protest. Procurorii discllisiră un dosar penal tu ligătură cu niakicăsearea faptă.
UCRAINA. Eforturli diplomatiţi internaționale continuă cu scupolu ti detensionarea a conflictului anamisa di Rusia și Ucraina. Prezidentulu a Franțăllei, Emmanuel Macron, c4ftă un dialog dinamic cu Rusia, pi cari îl lugurseaşti goala cearei ta s’agiună tu irine tru Ucraina. Macron zbură cu liderul rus Vladimir Putin la Moscova și cu omologul a lui ucrainean Volodimir Zelenski la Kiev și u spusi pitipsearea că va s’facă progrese tru negocierile di irini, ama feaţi timbihi că riscurile nică există și că va s’ahiibă ananghi di meşi cu negocieri. Tu arada a lui, prezidentulu Volodymyr Zelensky spusi că așteaptă cu niarăvdare riloarea negocierilor cu Rusia tru format Normandia, intermediate di Franța și Germania. El insistă că prezidentulu Putin tinisi acordurile di Minsk, a curi clauză principală s’referă la suvearanitatea ali Ucraină. Tensiunile ruso-ucrainene nica eara discutate, marță, la Berlin, di cancelarul german Olaf Scholz cu prezidentălli ali Franță Emmanuel Macron și ali Poloniei, Andrzej Duda. Germania, Franța și Polonia sunt unite” tru scupolu a lor ta s’ţănă irinea tru Europa, spus cancelarul german, cari va s’nkisească Moscova stămâna yinitoare.
Autoru: Udălu a hăbărlor
Armânipsearia: Taşcu Lala
